1ሳሜላ ማጻፋ 8:18 - ጋሞ ማጻፋ

¹⁸ ሄሲ ኢንቴ ቦላ ጋኪዳ ዎዴ ኢንቴ ዶሲዲ ዶሪዳ ካዎዛፔ ዴንዲዳይሳን ዋሳና። ጊዶ ኣቲን ጎዳይ ሄ ጋላስ ኢንቴ ዋሶ ሲዬና» ጊዴስ።

Geeshsha Maxaafa

¹⁸ Hessi intte bolla gakkida wode intte dosidi doorida kawozappe dendidayssan waassana. Gido attiin GODAY he gallas intte waaso siyenna» gides.

1ሳሜላ ማጻፋ 8:18 Referans Kwoze

ሚኪያሳ ቲንቢቴ 3:4

ኢስቲካ ፑዴ ጾሳኮ ዋሳና ሺን ጾሲ ኢስታ ዋሶ ሲዬና፤ ኢታቴ ጊሻስ ሄ ዎዴ ጾሳይ ባ ኣይፌሶ ኢስታፌ ሃራሶ ዛራና።

ኢሳያሳ ቲንቢቴ 1:15

ኢንቴ ኢንቴ ኩሼ ዎሳስ ታኮ ሚጪኮ ታኒ ታ ኣይፌ ኢንቴፌ ሃራሶ ዛራና፤ ኢንቴ ኩሼን ሱ ኩሚዳ ጊሻስ ኢንቴ ኬሂ ዎሲኮካ ታ ኢንቴ ዎሳ ሲዪኬ።

ኢሳያሳ ቲንቢቴ 8:21

ኢስቲ ጬጪሼኔ ጋፊሼ ቢታ ቦላ ቶይላታና፤ ኢስቲ ኬሂ ጋፊዳ ዎዴ ሃንቄታና፤ ፑዴ ጼሊዲ ባንታ ካዋኔ ባንታ ጾሳ ቃንጋና።

ሉቃሳ ሚሺራቾ 13:25

ኬ ጎዳይ ዴንዲዲ ባ ካሬ ጎርዲ ጊዲን ኢንቴ ካሬን ኤቂዲ፥ ‹ጎዶ! ካሬ ዶያርኪ!› ጊዲ ፔንጌ ቆጻና ሺን ኢዚ ዛሪዲ፥ ‹ኢንቴ ኦናኮኔ ኣዋፔ ዪዳኮ ታ ኢንቴና ኤሪኬ› ጋና ጊዴስ።

ሌሚሶ ማጻፋ 21:13

ማንቆ ዋሶ ሲያናፔ ጊዲ ባ ሃይ ቱጪኮ ኢዚካ ዋሲዛ ዎዴ ኣሊዛ ኣሲ ያና።

ዬ ማጻፋ 18:41

ባንታና ማዳና ማላ ዋሲዳ፤ ጊዶ ኣቲን ኦኒኔ ኢስታ ኣሺቤና። ጎዳ ኢስቲ ጼይጊዳ፤ ጊዶ ኣቲን ኢዚ ኢስታስ ኮዪቤና።

ኢዮቤ ማጻፋ 27:9

ሜቶይ ኢስታ ቦላ ዪዛ ዎዴ ጾሲ ኢስታ ዋሶዛ ሲያንዴ?

1ሳሜላ ማጻፋ 8:17

ዶርሳ ዉዴፔኔ ዴይሻ ዉዴፔ ታማፌ ኢሲ ኩሼዛ ባስ ኤካና፤ ኢንቴ ኢንቴ ሁኤራ ኢዛ ኣይሌታ ጊዳና።

2ታሪኬ ማጻፋ 10:11

ታ ኣዋይ ኢንቴስ ቃምባራ ዴጼዴስ፤ ታኒ ጊዲኮ ሄሳፌካ ኣዳ ዴጼና። ታ ኣዋይ ኢንቴና ሊሶን ሾጪዴስ፤ ታኒ ጊዲኮ ኢንቴና ማሲማሶ ማላ ዱኪዛ ሊሶን ዋና› ጋዳ ዛራ» ጊዳ።

ኢዮቤ ማጻፋ 27:8

ጾሲ ኢስታ ሼምፖዮ ኢስታ ኣሾፔ ሻኪዲ ኢስታ ላይ ቃንጺዳ ዎዴ ጾሳ ካዲዳ ኣሳታስ ኣይ ሂዶታይ ዳንዴ?

ኢሳያሳ ቲንቢቴ 59:1

ሄኮ ጎዳ ኩሼይ ኢንቴና ኣሻናስ ቃሚቤና፤ ኢዛ ሃይ ሲያናፔ ቱሊቤና።

ሂዚቄላ ቲንቢቴ 8:18

ሄሳ ጊሻስ ታኒ ኢስታ ቦላ ሃንቆን ያና፤ ታኒ ኢስታስ ቃቲኬኔ ኢስታ ቦላ ያና ሃኖታፔ ታ ኢስታ ኣሺኬ፤ ኢስቲ ታኮ ዋሲኮካ ታ ሲዪኬ» ጊዴስ።