1ሳሜላ ማጻፋ 2:8 - ጋሞ ማጻፋ

⁸ ኢዚ ማንቆ ጉዱላፌ ዴንስ፤ ኣይኮይካ ባይንዳ ማንቆዛ ቁ ቁ ሂስቴስ፤ ባ ሹሜታራካ ኢሲፌ ኡቲሴስ፤ ቦንቾ ኣራታካ ላቲሴስ። ጋሶይካ ቢታ ዮቻቲ ጎዳሳ፤ ኢዚ ኣላሜ ኢስታ ቦላ ዎዴስ።

Geeshsha Maxaafa

⁸ Izi manqo gudullafe denththees; aykkoyka baynda manqoza dhoqqu dhoqqu histtees; ba shuumetarakka issife utisees; bonchcho araataakka laatisees. Gaasoykka biitta yochchati GODAASSA; izi alame istta bolla woththides.

1ሳሜላ ማጻፋ 2:8 Referans Kwoze

ዳኔላ ቲንቢቴ 2:48

ሄሳፌ ጉዬ ካዎዚ ዳኔላ ጊታ ቦንቾሶን ዎዴስ፤ ኬሂ ዳሮ ኢሞታታ ኢዛስ ኢሚዴስ፤ ባቢሎኔ ካዎቴ ኡባ ኣይሲዛዴ ሂስቲዴስ፤ ባቢሎኔ ኤራንቻታ ኡባ ቦላ ሃላቃ ሂስቲ ሹሚዴስ።

ያቆቤ ኪታ 2:5

ታ ሲቆ ኢሻቶ! ኣኔ ሲዪቴ፤ ኢስቲ ኣማኖን ዱሬታ ጊዳና ማላ ጾሲ ባና ዶሲዛይታስ ሂዶታ ኢስታስ ኢሚዳ ካዎቴ ኢስቲ ላታና ማላ ሃይሳ ሃ ኣላሜዛን ዲዛ ማንቆታ ዶሪቤኔ?

ዳኔላ ቲንቢቴ 6:3

ዳኔሊ ሃንኮ ዴሬ ኣይሲዛይታፔኔ ዳናታፔ ኣ ኤራቴን ኩሚዳዴ ጊዲ ቤቲዳ ጊሻስ ካዎዚ ኢዛ ባ ካዎቴ ቦላ ሹማናስ ቆፒዴስ።

ዮሃኒሳ ኣጁታ 1:6

ኑኒ ዬሱስ ኪርስቶሳ ኣዋ ጾሳስ ኦና ማላ ኑና ኢዚ ካዎታኔ ቄሴታ ኬሲዳ ዬሱስ ኪርስቶሳስ ቦንቾይኔ ዎልቃይ ሜርናፔ ሜርና ጋካናስ ኢዛስ ጊዶ! ኣሚን።

ኤራንቻታ ማጻፋ 4:14

ኣይስ ጊኮ ኢዚ ሄ ሂዬሳ ጊዲዳ ሶሆፔ ዴንዲዲ ዎይኮ ቃሾ ኬፌ ኬዚዲ ባ ቢታን ካዎታናስ ዳንዳዬስ።

1ሳሜላ ማጻፋ 15:17

ሳሜሊ ኢዛስ፥ «ኔኒ ኔ ቆፋን ጉ ጊዲኮካ ኔ ኢስራኤሌ ኣሳ ካሌዛዴ ጊዳቤኪ? ጎዳይ ኔና ቲይዲ ኢስራኤሌ ቦላ ካዎዴስ።

ዮሃኒሳ ኣጁታ 22:5

ሄሳፌ ጉዬ ቃማይ ዴና፤ ጎዳ ጾሲ ኢስታስ ፖኢዛ ጊሻስ ታማ ፖኦይ ዎይኮ ኣርሼ ፖኦይ ኢስታስ ኮሼና፤ ኢስቲ ሜርናፔ ሜርናስ ካዎታና።

ዮሃኒሳ ኣጁታ 5:10

ኔ ኢስታ ኑ ጎዳ ጾሳስ ካዎታኔ ቄሴታ ሂስታዳሳ፤ ኢስቲካ ቢታ ቦላ ካዎታና።»

2ሳሜላ ማጻፋ 7:8

«ሃኢካ ታ ኣይሌ ዳዊቴስ ኡባፌ ዎልቃማ ጎዳይ፡ ታ ዴሬ ኢስራኤሌ ኔ ኣይሳና ማላ ታ ኔና ዴንዲስ፤ ዶርስ ሄሚዛሶሆፔ ታ ኔና ኤካዲስ።

ዮሃኒሳ ኣጁታ 3:21

ታኒ ጾናዳ ታ ኣዋራ ኢዛ ኣልጋን ኡቲዳይሳ ጾኒዳዴይ ታናራ ኢሲፌ ታ ኣልጋን ኡታና ማላ ታ ኦና።

Ibirawe 1:3

ኢዚካ ጾሳ ቦንቾ ቤሲዛዴኔ ጾሳ ጾሳቴስ ሎኦ ሌሚሶ ጊዲዲ ባ ዎልቃማ ቃላን ዉርሲካ ሺሺ ኦይኪዴስ፤ ኢዚ ኣሳ ናጋራፔ ጌሺዳፔ ጉዬ ሳሎን ቦንቾ ጾሳ ኡሻቻን ኡቲዴስ።

ዬ ማጻፋ 104:5

ኔኒ ሳኣ ዮቻ ቦላ ኤሳዳሳ፤ ኢዚ ሜሪ ሜርናስካ ቃጼና።

ዬ ማጻፋ 102:25

ኔኒ ቤኒ ሳኣ ሜዳሳ፤ ሳሎቲካ ኔ ኩሼ ኦሶ።

ዬ ማጻፋ 24:2

ሳኣ ጊታ ኣባታ ቦላ ሚጪዴስ፤ ሃ ቦላካ ሚንዲ ኤሲዴስ።

ሜቴ ማጻፋ 41:14

ሂስቲን ጊብጼ ካዎይ ዮሴፌ ኪቲዲ ጼይጊሲዴስ። ኢስቲ ኢዛ ቃሾ ኬፌ ኤሶን ኤኪ ዪን ባ ሁኤ ሜዴቲዲ ማይኦ ላሚዲ ካዎዛኮ ጌሊዴስ።

ኢዮቤ ማጻፋ 2:8

ሄሳፌ ዴንዲዳይሳን ኢዮቢ ቢዲን ቦላ ኡቲዲ ባ ማዱን ኮንኣን ቃች ዶሚዴስ።

ሜቴ ማጻፋ 41:40

ታኒ ኔና ታ ኬን ሹማይስ፤ ታ ኣሳይ ዉሪ ኔስ ኣዛዜታና፤ ታኒ ኔፔ ኣናይ ታ ካዎቴ ኣልጋን ጻላ ጊዳና» ጊዴስ።

ዳኔላ ቲንቢቴ 4:17

« ‹ሃ ፒርዳ ቃሾይ ጌሻ ኪታንቻታ ባጋራ ቆንጪ ዮቴቲዴስ፤ ሄሲካ ኡባፌ ቃ ጾሳስ ሳኣ ካዎታ ቦላ ኢዛስ ጎዳቴ ዲዛይሳኔ ካዎቴታካ ባ ዶሲዳዴስ ኢሚዛይሳ፥ ኣሳፔ ካቲዳይታ ኢስታ ቦላ ኢዚ ሹሚዛይሳ፥ ሜታ ኡባይ ኤራና ማላሳ› ጊዴስ።

1ካዎታ ማጻፋ 16:2

«ታኒ ኔና ጉዱላፌ ዴንዳ ታ ዴራ ኢስራኤሌ ቦላ ካዎሳዲስ፤ ጊዶ ኣቲን ኔኒ ኢዮርባኣሜይ ቢዳ ኦጌራ ባዳ ታ ዴሬ ኢስራኤሌ ናጋራ ኦሲሳዳሳ፤ ሂስታዳ ታ ኢስታ ናጋራን ሃንቄታና ማላ ታና ዴንዳሳ።

2ካዎታ ማጻፋ 9:6

ኢዩይካ ዴንዲ ኤቂዲ ጌዴ ሶ ጌሊዴስ፤ ሄሳፌ ጉዬ ናቤዚ ኢዛ ሁኤን ዛይቴዛ ጉሲዲ ኢዛስ፥ «ጎዳ ኢስራኤሌ ጾሳይ፥ ‹ጎዳ ዴሬ ኢስራኤሌ ቦላ ኔ ካዎታና ማላ ታ ኔና ቲያዲስ።

ኢዮቤ ማጻፋ 1:21

«ታኒ ታ ኣዬይ ኡሎፔ ካሎ ዬሌታዲስ፤ ሃይቂዛ ዎዴካ ካሎ ባና፤ ጎዳይ ኢሚዴስ፤ ጎዳይ ኤኪዴስ፤ ጎዳ ሱን ጋላቴቲዳዝ ጊዶ» ጊዴስ።

ዬ ማጻፋ 75:3

ሳኣይኔ ኢዛ ቦላ ዲዛ ሜታ ኡባይ ቃጺዛ ዎዴ ሳኣ ቱሳታ ሚን ኤሲዳይ ታና።

ዬ ማጻፋ 75:7

ጊዶ ኣቲን ሱሬ ፒርዲዛይ ጾሳ፤ ኢዚ ኢሳ ቦላ ፒርዴስ፤ ኢሳ ጺሊሴስ።

ዬ ማጻፋ 107:41

ጊዶ ኣቲን ኢዚ ሜቶታንቻታ ኢስታ ዋዬፔ ኬሲዴስ፤ ዶርሳ ዉዴ ማላ ጮራ ናይታካ ኢስታስ ኢሚዴስ።

ኢሳያሳ ቲንቢቴ 22:23

ታኒ ኢዛ ኣማኔቲዛሶሆን ሽኬ ማላ ኤሳና፤ ኢዚ ባ ኣዋ ኬስ ቦንቾ ኣራታ ጊዳና።

ዬ ማጻፋ 75:4

ኦቶራንቻታ፥ ‹ኦቶሬቶፍቴ› ጋይስ፤ ኢታታካ፥ ‹ኢንቴ ማካሎፍቴ።