1ሳሜላ ማጻፋ 2:10 - ጋሞ ማጻፋ

¹⁰ ጎዳራ ኤቄቲዛይቲ ሊቃና፤ ኢዚ ኢስታ ቦላ ሳሎፔ ጉማና፤ ጎዳይ ቢታ ጋጻ ጋካናስ ፒርዳና፤ ኢዚ ካዎዛስ ዎልቃ ኢማና፤ ኢዚ ቲዬቲዳይሳ ካጬ ቁ ቁ ሂስታና» ጋ ዎሳዱስ።

Geeshsha Maxaafa

¹⁰ GODAARA eqettizayti liiqana; izi istta bolla saloppe guummana; GODAY biitta gaxa gakkanaas pirdana; Izi kawozas wolqqa immana; izi tiyettidayssa kace dhoqqu dhoqqu histtana» ga woossadus.

1ሳሜላ ማጻፋ 2:10 Referans Kwoze

ዬ ማጻፋ 2:9

ኔኒ ቢራታ ጉፌን ኢስታ ቆጼሬና፤ ኢስታ ኔኒ ማና ሚሺ ሜቂዛ ማላ ሜንሬና› ጌስ» ጊዴስ።

ዬ ማጻፋ 89:24

ታ ኣማኔቴይኔ ታ ሜርና ሲቆይ ኢዛራ ኢሲፌ ጊዳና፤ ታ ሱንን ኢዛ ካጬይ ቁ ቁ ጋና።

ዬ ማጻፋ 96:13

ኣይስ ጊኮ ጎዳይ ያና፤ ኢዚ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን፥ ኣሳ ቦላካ ቱማቴን ፒርዳና።

ኬሳ ማጻፋ 15:6

«ኣቤት ጎዳዉ! ኔ ኡሻቻ ኩሼይ ዎልቃን ጎቢዴስ፤ ጎዳዉ ኔ ዎልቃማ ኡሻቻ ኩሼይ ሞርኬ ሜንሬዴስ።

ዬ ማጻፋ 98:9

ጎዳይ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን ኣሳ ቦላካ ሱሬቴን ፒርዳና።

ዬ ማጻፋ 20:6

ጎዳይ ባ ዶሪዳ ካዎዛስ ጾኖ ኢሚዛይሳ ታኒ ሃኢ ኤራዲስ፤ ባ ኡሻቻ ኩሼዛን ኢዚ ጊታ ጾኖን ኩንና፤ ባ ጌሻ ሳሎፔካ ኢዛስ ዛሮ ኢማና።

1ሳሜላ ማጻፋ 7:10

ሳሜሊ ጹጌቲዛ ያርሾዛ ያርሺዛ ዎዴ ፊሊስጼሜቲ ኢስራኤሌታ ኦላናስ ኬዚ ዪዳ፤ ጊዶ ኣቲን ሄ ጋላስ ጎዳይ ፊሊስጼሜታ ቦላ ዎልቃማ ዳዳ ጊርስ ዳዳሲዳ ጊሻስ ኬሂ ኤቲ ባቲ ጊዳ፤ ጾኔቲዲካ ኢስራኤሌታ ሲንፌ ባቃቲዳ።

Maatosa 28:18

ዬሱሲካ ባና ካሊዛይታኮ ሺቂዲ፥ «ሳሎኒኔ ሳኣን ጎዳቴ ታስ ኢሜቲዴስ። ሄሳ ጊሻስ ቢዲ ዴሬ ኡባ ኣዋ፥ ናዛኔ ጺሎ ኣያና ሱንን ጻማቂሼ፥ ታና ካሊዛይታ ኦቴ፤ ታ ኢንቴና ኣዛዚዳይሳ ኡባ ናጋና ማላ ታማርሲቴ። ታኒካ ኣላሜ ዉርሴ ጋካናስ ኢንቴናራ ዳይስ» ጊዴስ።

ኤራንቻታ ማጻፋ 12:14

ጾሳይ ኦሶ ኡባ ቦላ፥ ጌሚዳ ዮኦ ኡባ ቦላ፥ ሎኦ ጊዲን ኢታ ጊዲንካ ፒርዳና።

ኤራንቻታ ማጻፋ 11:9

ሃይሶ ዬላጋዞ! ኔ ናቴቴ ላይን ኡፋዬታ፤ ኔ ናቴቴ ላይን ኔ ዎዚናን ኡፋዬታ፤ ኔ ኣይፌይ ጼሊዳ ኡባኔ ኔ ዎዚናይ ኣሞቲዳ ኡባ ፖላ፤ ጊዶ ኣቲን ኔ ኦዳ ኦሶ ኡባ ጊሻስ ጾሲ ኔና ፒርዳስ ሺሻናይሳ ኤራ።

ዬ ማጻፋ 45:7

ኔኒ ጺሎቴ ዶሳሳ፤ ማካላቴ ኢጻሳ። ሄሳ ጊሻስ ጾሳይ፥ ኔ ጾሳይ ኔ ላጌታፔካ ኣዲ ኔና ኡፋይሳ ዛይቴን ቲይዴስ።

ዬ ማጻፋ 21:1

ኣቤት ጎዳዉ! ካዎይ ኔ ኢሚዳ ዎልቃ ጊሻስ ኡፋዬቴስ፤ ኔኒ ኢሚዳ ጾኖን ኢዚ ኬሂ ሆምቦጬስ።

ዬ ማጻፋ 2:6

ጎዳይ፥ «ታኒ ታ ጌሻ ዙማ ጺዮኔ ቦላ ታ ካዎዛ ካዎዲስ» ጌስ።

ዬ ማጻፋ 2:2

ሳኣ ካዎቲኔ ዳናቲ ዴንዲዳ፤ ኢስቲ ጎዳ ቦላኔ ጎዳይ ቲይዳይሳ ቦላ ዴንዳናስ ኢሲፌ ዱላቲዳ።

ዳናታ ማጻፋ 5:31

«ኣቤት ጎዳዉ! ኔ ሞርኬቲ ኡባይ ሄሳ ሃይቄቶ! ጊዶ ኣቲን ኔ ሲቆቲ ማላዶ ሞኪዛ ኣርሼዳ ጶሌቶ።» ሄሳፌ ጉዬ ቢታይ ኦይዱ ታሙ ላይ ዎፓ ዴሚዴስ።

2ቆሮንቶሴ ኣሳስ 5:10

ኑኒ ዉሪካ ኪርስቶሳ ፒርዳ ዎምቦራ ሲን ሺቃናይሲ ኣቴና፤ ኑፔ ኢሶይ ኢሶይ ቢታ ቦላ ባ ኦዳይ ኢታ ጊዲን ዎይኮ ሎኦ ጊዲን ባ ኦሶ ማላ ቤሲዛ ዋጋ ባስ ኤካና።

ሃዋሬታ ኦሶ 10:38

ጾሲ ናዚሬቴ ዬሱሳ ጺሎ ኣያናኒኔ ዎልቃን ቲይዴስ፤ ኢዚካ ጾሲ ኢዛራ ዲዛ ጊሻስ ባ ጋኪዳሶን ኡባን ሎኦ ኦሼ ጻላኤ ጎዳቴ ጊዶን ዲዛይታ ኡባ ፓዴስ።

ሃዋሬታ ኦሶ 4:27

«ቱማፔ ሄርዶሲኔ ጳንጾሳ ጲላጾሲ ኢስራኤሌታራኔ ሃራ ዴሬ ኣሳራ ሃኖ ካታማይን ኔ ዶራ ቲይዳ ጌሻ ናዛ ዬሱሳ ቦላ ዮኦ ቃቻናስ ሺቄቲዳ።

ሉቃሳ ሚሺራቾ 1:69

ቤኒ ዎዴ ባ ጌሻ ናቤታ ዶናን ሃሳዬቲዳይሳ ማላ ባ ኣይሌ ዳዊቴ ኬን ኣሺዛ ዎልቃ ኑስ ዴንዴስ።

Maatosa 25:34

ሄ ዎዴ ካዎይ ኡሻቻ ባጋራ ዲዛይታ፥ ‹ኢንቴኖ! ታ ኣዋይ ኢንቴና ኣንጂዳይቲ ሃ ዪቴ! ኣላሜይ ሜቶሶፔ ኢንቴስ ጊጌቲዳ ካዎቴ ላቲቴ! ጋና።

ኢሳያሳ ቲንቢቴ 45:24

«ኢስቲ ታ ጊሻስ ሃሳይሼ፥ ‹ጺሎቴኔ ዎልቃይ ጎዳን ጻላ ዴስ› ጋና» ጌስ። ኢዛ ቦላ ሃንቆን ዴንዲዳይቲ ኡባይ ኢዛኮ ዪዲ ዬላታና።

ኢሳያሳ ቲንቢቴ 32:1

ቤኢቴ፥ ካዎይ ጺሎቴን ካዎታና፤ ሃሪዛይቲካ ሱሬ ፒርዳን ሃራና።

ዬ ማጻፋ 148:14

ኢዛ ባጋ ጊዲዳ ኢስራኤሌ ኣሳቲ ኢዛ ጋላታና ማላ ኢዚ ኢስታ ካጬ ኬሲዴስ። ጎዳይ ጋላቴቶ!

ዬ ማጻፋ 89:17

ኢስቲ ጬቄቲዛ ዎልቃይ ኔና፤ ኔ ቴማን ኢስታ ካጬይ ቁ ቁ ጌስ።

ዬ ማጻፋ 28:8

ጎዳይ ባ ዴራስ ዎልቃ፤ ኢዚ ባ ቲይዳ ካዎዛ ኣሺዛ ሚጻ።

ኢዮቤ ማጻፋ 40:9

ጾሳ ዎልቃ ማላ ሚኖ ዎልቃይ ኔስ ዲዜ? ጾሳ ቃላ ጉን ማላ ኔ ቃላይ ጉማናዉ ዳንዳይዜ?

2ሳሜላ ማጻፋ 22:14

ጎዳይ ሳሎታፔ ጉሚዴስ፤ ኡባፌ ቃ ጾሳ ጬንጉርስ ሲሲዴስ።

2ሳሜላ ማጻፋ 7:13

ታ ሱንስ ኬ ኬጻናይ ኢዛ፤ ታኒካ ኢዛ ካዎቴ ሜርናስ ሚንና።

2ሳሜላ ማጻፋ 7:8

«ሃኢካ ታ ኣይሌ ዳዊቴስ ኡባፌ ዎልቃማ ጎዳይ፡ ታ ዴሬ ኢስራኤሌ ኔ ኣይሳና ማላ ታ ኔና ዴንዲስ፤ ዶርስ ሄሚዛሶሆፔ ታ ኔና ኤካዲስ።

1ሳሜላ ማጻፋ 16:1

ጎዳይ ሳሜላስ፥ «ኢስራኤሌ ቦላ ካዎቲ ዶንታ ማላ ታ ካዳ ሳኦሌስ ኔ ኣዉዴ ጋካናስ ዬካኔ? ቤቴሊሄሜ ዴሬ ኣስ ኢሴዬኮ ታ ኔና ኪታና ጊሻስ ባሼ ካጬን ዛይቴ ኩን ኤካ ባ፤ ታ ኢዛ ናይታ ጊዶፌ ኢሶይ ካዎ ጊዳና ማላ ዶራዲስ» ጊዴስ።

1ሳሜላ ማጻፋ 15:28

ሳሜሊ፥ «ጎዳይ ሃች ኢስራኤሌ ካዎቴ ኔ ኩሼፔ ዳኪዴስ፤ ኔፔ ሎኢዛ ኔ ሾራስ ኣ ኢሚዴስ።

1ሳሜላ ማጻፋ 12:18

ሄሳፌ ጉዬ ሳሜሊ ጎዳኮ ዋሲዴስ፤ ሄ ጋላሲካ ጎዳይ ዳዳኔ ኢራ ዬዲዴስ። ሄሳ ጊሻስ ዴሬዚ ጎዳሲኔ ሳሜላስ ኬሂ ያዪዴስ።

1ሳሜላ ማጻፋ 12:13

«ኢንቴ ኦይቺዳይሳኔ ዶሪዳ ካዎዛ ቤኢቴ ጎዳይ ኢንቴ ቦላ ካዎዴስ።

1ሳሜላ ማጻፋ 12:3

ቤኢቴ፥ ሃኢ ታ ኢንቴ ሲንን ኤቃዲስ፤ ጎዳ ሲንኒኔ ኢዚ ቲይዳዴ ሲንን ታ ቦላ ዎዛዚ ዲኮ ማርካቲቴ፤ ኦና ቦራ ኤካዲና? ኦና ሃሬ ኤካዲና? ኦና ባሌዲና? ኦና ቦላ ጌኔ ኦዲና? ቤኢዲ ቤኦንታዴ ማላ ሃናናስ ኦናፔ ማጋንጾ ማዲና? ሃይታንታ ኡባፌ ኢሳ ታ ኦዳ ጊዲኮ ታ ኢንቴስ ዛራና» ጊዴስ።

ኢሳያሳ ቲንቢቴ 29:6

ኡባፌ ዎልቃማ ጎዳይ ዳዳን፥ ቢታ ቃን፥ ጊታ ጬንጉርሳን፥ ጎቴ ጫርኮኒኔ ዎልቃማ ኣባ ዳምባላን ኡባ ሚዛ ታማ ላጮን ያና።

ሂዚቄላ ቲንቢቴ 29:21

«ሄ ጋላስ ታኒ ኢስራኤሌ ኬስ ካጬ ሞይዛና፤ ኢስታ ጊዶን ታ ኔ ዶና ዶያና፤ ሄሳን ታኒ ጎዳ ጊዲዳይሳ ኢስቲ ኤራና» ጊዴስ።

1ሳሜላ ማጻፋ 12:17

ሃይሲ ሃኢ ጊስቴ ማጻ ዎዴ ጊዴኔ? ዳዳኔ ኢራ ዬዳና ማላ ታኒ ጎዳኮ ዋሳና፤ ኢንቴካ ኢንቴስ ካዎይ ካዎታና ማላ ኢንቴ ኦይቾይሳን ጎዳ ሲንን ኣይ ኬና ኢታ ኦሶ ኦዳኮ ሄ ዎዴ ኢንቴ ኤራና» ጊዴስ።

ዬ ማጻፋ 20:7

ኢሶቲ ኢሶቲ ባንታ ኦላ ፓራ-ጋሬን ኣማኔቴቴስ፤ ሃራቲ ባንታ ፓራን ጬቄቴቴስ፤ ኑኒ ጊዲኮ ኑ ጎዳ ዎልቃን ጬቄቶስ።

ዬ ማጻፋ 89:25

ታኒ ኢዛ ካዎቴ ሜዲቴራኔ ኣባ ጋካናስ ኣሳና። ኢዛ ዛዋካ ኤፊራጺሴኔ ጼግሮሴ ሻፋታ ጋካናስ ኣሳና።

ዬ ማጻፋ 132:17

«ሃ ሶሆን ዳዊቴ ዜሬፌ ካዎ ኬሳና፤ ታኒ ቲይዳይሳስ ፖኦ ጊጊሳና።