1ሳሜላ ማጻፋ 16:7 - ጋሞ ማጻፋ

⁷ ጊዶ ኣቲን ጎዳይ ሳሜላ፥ «ታኒ ሃይሳ ካዳ ጊሻስ ኔ ኢዛስ ማላ ዎይኮ ጌሳ ጼሎፋ፤ ጎዳይ ኣሲ ጼሊዛ ማላ ጼሌና፤ ኣሲ ካሬ ባጋ ሃኖታ ቤኤስ፤ ጎዳይ ጊዲኮ ዎዚና ጼሌስ» ጊዴስ።

Geeshsha Maxaafa

⁷ Gido attiin GODAY Sameela, «Tani hayssa kadhida gishshas ne izas malaa woykko geesaa xeellofa; GODAY asi xeelliza mala xeellenna; asi kare bagga hanota be7ees; GODAY gidikko wozina xeellees» gides.

1ሳሜላ ማጻፋ 16:7 Referans Kwoze

ዮሃኒሳ ሚሺራቾ 7:24

ሱሬ ፒርዳ ፒርዲቴ ኣቲን ኣሳ ኣይፌሶ ጼሊዲ ማዶ ፒርዳ ፒርዶፍቴ» ጊ ዛሪዴስ።

ኤርማሳ ቲንቢቴ 17:10

ታኒ ጎዳይ ኣስ ኡባስ ኢዛ ኦጌ ማላኔ ኢዛ ኦሶ ማላ ኢማናስ ኣሳ ዎዚና ፒልጋይሲኔ ኢዛ ካሃ ፓጫይስ» ጌስ።

ሉቃሳ ሚሺራቾ 16:15

ዬሱሲካ ኢስታስ፥ «ኢንቴ ኢንቴና ኣሳ ኣቻን ጺሊሴታ፤ ጊዶ ኣቲን ጾሲ ኢንቴ ዎዚና ኤሬስ፤ ኣሳ ኣቻን ቦንቼቲዳዴይ ጾሳ ሲንን ቱና» ጊዲ ዮቲዴስ።

1ጴጽሮሳ ኪታ 3:4

ኢንቴ ሎኤቴ ጾሳ ሲንን ዋጋራ ዲዛ ኬሂ ቦንቼቲዳዚኔ ዮንታ ጌጼን፥ ኣሽኬቴን፥ ኣዳቴኒኔ ኣያናን ጌጼቲዳ ዎዚና ጋርሳን ቆቴቲ ዲዛ ጊዶ ዎዚና ሎኤቴ ጊዶ።

ሌሚሶ ማጻፋ 16:2

ኣሲ ቢዛ ኦጌ ኡባይ ኢዛስ ሎኦ ሚሳቴስ፤ ጎዳይ ኮይሮ ዴን ቆፋ ጫዲ ጼሌስ።

ሌሚሶ ማጻፋ 31:30

ማላ ሎኦይ ባሌስ፤ ፑላይካ ቆኬስ፤ ጊዶ ኣቲን ጎዳስ ያዪዛ ማጫሲ ኢዛ ኣንጄቲዳሮ።

1ታሪኬ ማጻፋ 28:9

«ታ ና ሶሎሞኔ፥ ኔ ኣዋ ጾሳ ኤራ! ኔኒ ኩሜ ዎዚናኒኔ ሎኦ ቆፋን ኢዛስ ኦ፤ ጎዳይ ዎዚና ኡባ ፒልጊ ጼሌስ፤ ጊዶ ቆፋ ኡባ ኢዚ ኤሬስ፤ ኔኒ ኢዛ ኮይኮ ኢዚ ኔስ ቤታና፤ ጊዶ ኣቲን ኔ ኢዛ ኣጊዛ ጊዲኮ ኢዚካ ኔና ሜርናስ ኣጋጋና።

1ካዎታ ማጻፋ 8:39

ኔኒ ኢስታ ዎሳ ሳሎን ዳሼ ሲያዳ ኢስታ ናጋራ ኣቶ ጋ፤ ሂስታዳ ኢስታስ ኦ፤ ኔኒ ጻላ ኣሳ ኡባ ዎዚና ኤሪዛ ጊሻስ ኢዛዴ ኦሶ ኦሶ ማላ ኢዛስ ኢማ።

ሃዋሬታ ኦሶ 1:24

«ጎዶ! ኔኒ ኣሳ ኡባ ዎዚና ኤራሳ፤ ሃይታ ናምኣታ ጊዶፌ ኔ ኦና ዶሪዳኮ ኢዛዴ ኑና ቤሳ።

2ታሪኬ ማጻፋ 16:9

ባ ኩሜ ዎዚናፔ ጎዳ ኣማኔቲዛ ኣስ ሚንናስ ጎዳ ኣይፌይ ሳኣ ቦላን ኡባሶ ጼሌስ። ኔኒ ሃ ዮኦዛን ኤያቴ ኦሶ ኦዳ ጊሻስ ሃቺፌ ዶሚን ኔፔ ኦላይ ዱጼና» ጊዴስ።

Ibirawe 4:13

ጾሳ ኣይፌፔ ጌሜቲዳ ሜታይ ሙሌካ ዴና፤ ኑ ኢዛስ ኑ ጊሻስ ዛሮ ኢማናስ ቤሲዛ ኢዛ ሲንን ሃኖይ ዉሪካ ካሎ ቆንጬን ቤታና።

ኤርማሳ ቲንቢቴ 20:12

ኣቤት ኡባፌ ዎልቃማ ጎዳዉ! ጺሎዛ ፓጪዛይሶ! ዎዚናኔ ካሃ ፒልጋ ጼሊዛይሶ! ታኒ ታ ሞቶ ኔስ ኣ ኢሚዳ ጊሻስ ኔኒ ኢስታ ቦላ ሃሎ ኬሲሺን ታ ኣይፌን ቤኣናስ ታና ጋ።

ዬ ማጻፋ 139:2

ታኒ ኣዉዴ ኡቲዛኮኔ ኣዉዴ ኤቂዛኮ ኔኒ ኤራሳ፤ ኔኒ ታ ቆፋ ኡባ ሃኮፔ ኣኬካሳ።

ዮሃኒሳ ኣጁታ 2:23

ታኒ ኢዚ ናይታ ሃይቆን ቃጻያና፤ ኣሳ ቆፋኔ ኣሳ ኣሞ ሻካ ኤሪዛይ ታና ጊዲዳይሳ ዎሳ ኬቲ ዉሪ ኤራና፤ ታኒ ኢንቴስ ኢሳስ ኢሳስ ኢዛዴ ኦሶ ማላ ኢማና።

2ቆሮንቶሴ ኣሳስ 10:10

ኦኔ ኤሪዛይ ኢሲ ኢሲ ኣሳቲ፥ «ጳዉሎሳ ኪታቲ ዴጾኔ ዎልቃማ፤ ጊዶ ኣቲን ኑ ኣቻን ዲዛ ዎዴ ኢዚ ላፋ፤ ኢዛ ሃሳያይካ ሌቄቲዳይሳኮ!» ጊዛዝ ጊዳና።

1ጴጽሮሳ ኪታ 2:4

ሄሳ ጊሻስ ጌዴ ዴኦ ሹች ጊዲዳ ዬሱሳኮ ሺቂቴ፤ ሄ ሹቻይ ኣሳይ ሌቂ ኣጊዳይሳ ሺን ጾሳ ኣቻን ጊዲኮ ዶሬቲዳይሳኔ ቦንቾ ዋጋይ ዲዛይሳ።

ኢዮቤ ማጻፋ 10:4

ኔ ኣይፌይ ኣሳ ኣይፌ ማላ? ዎይኮ ኔ ኣሳ ጼላይ?

2ሳሜላ ማጻፋ 14:25

ኣቤሴሎሜ ማላ፥ ማላ ሎኦይ ኩሜ ኢስራኤሌ ኣሳ ጋርሳንካ ዴና፤ ኢዛስ ሁኤ ቢናናፔ ቢዲ ቶሆ ጹጉን ጋካናስ ቦሬይ ዴና።

1ሳሜላ ማጻፋ 9:2

ቂሴስ ሳኦሌ ጌቴቲዛ ናቴ ናይ ዴስ፤ ኢስራኤሌ ኣሳ ጋርሳፌ ማላኒኔ ሱሬቴን ኢዛ ጋኪዛይ ዴና፤ ጌሳን ሃራ ኣሳይ ኡባይ ኢዛስ ሃሼፔ ኣና።

ኤርማሳ ቲንቢቴ 11:20

ዎዚናኔ ኪላሆ ፓጫ ጼሊዛ ኡባፌ ዎልቃማ ጎዳዉ! ታ ዮኦታ ኔስ ኢማዲስ፤ ኔኒ ኢስታ ቦላ ሃሎ ኬሲሺን ታ ቤያና።

ሌሚሶ ማጻፋ 15:11

ዱፎኒኔ ዮ ጊዶን ዲዛይሲ ጎዳ ሲንን ቆንጬ፤ ሂስቲን ኣሳ ዎዚና ቆፋይ ዋኒ ኢዛፔ ጌማኔ?

ዬ ማጻፋ 7:9

ቆፋኔ ዎዚና ፒልጋ ኤሪዛ ጺሎ ጾሳዉ! ኢታታ ጌኔዛ ኔኒ ይሳ፤ ጊዶ ኣቲን ጺሎታ ሳሮን ናጋ።

2ቆሮንቶሴ ኣሳስ 10:7

ኢንቴ ጼሊዛይ ካሬ ባጋራ ቤቲዛዝ ጻላ፤ ኦኒካ ታኒ ኪርስቶሳስኮ ጊ ኣማኔቲኮ ዛሬ ቆፖ፤ ኑኒካ ኢዛ ማላካ ኪርስቶሳይታ ጊዲዳይሳ ኢዛዴይ ዎዚናን ዎ።

ዮሃኒሳ ሚሺራቾ 8:15

ኢንቴ ኣሾ ቆፋ ማላ ፒርዴታ፤ ታኒ ጊዲኮ ኦና ቦላካ ፒርዲኬ።

ሜቴ ማጻፋ 4:5

ቃዬሌኔ ኢዛ ያርሾ ኤኪቤና፤ ሄሳ ጊሻስ ቃዬሌይ ኬሂ ዪሎቲዴስ፤ ባ ኣይፌሶካ ኢሲዴስ።

1ሳሜላ ማጻፋ 2:3

«ሃይሳ ማላ ኦቶሮን ሃሳዮፒቴ፤ ሃይሳ ማላ ጬቄቴ ቃላይ ኢንቴ ዶናፔ ኬዞፖ፤ ጋሶይካ ጎዳይ ኢዚ ኤራ፤ ኦሶ ኡባ ኢዚ ጌዳሬስ።

2ሳሜላ ማጻፋ 7:20

«ዳዊቲ ኔና ሃይሳፌ ቦላራ ሃራ ኣይ ጋና ዳንዳይዜ? ኡባ ሃሪዛ ጎዳዉ፥ ኔ ኣይሌዛ ኔ ኤራሳ።

2ታሪኬ ማጻፋ 6:30

ኔኒ ሳሎን ዴኣሼ ሲያዳ ኢዛ ናጋራ ኣቶ ጋ፤ ኣሳ ኡባ ዎዚና ሻካ ኤሪዛይ ኔና ጻላ ጊዲዳ ጊሻስ ኢሳስ ኢሳስ ኢዛ ኦሶ ማላ ኢማ።

ሌሚሶ ማጻፋ 24:12

ኔኒ፥ «ታ ሃይሳ ኤሪኬ» ጊኮ፥ ዎዚና ፒልጊ ኤሪዛይሲ ኢዚ ኣኬኬኔ? ኔ ሼምፖ ናጊዛይሲ ኤሬኔ? ኣስ ኡባስ ኢዛ ኦሶ ኦሶ ማላ ኢሜኔ?

1ታሪኬ ማጻፋ 17:18

ኔኒ ታና ኔ ኣይሌዛ ቦንቺዳ ጊሻስ ታኒ ዳዊቲ ሃይሳፌ ቦላራ ኣይ ጋና ዳንዳያዚና? ኔኒ ታና ኔ ኣይሌዛ ኤራሳ።

ኢዮቤ ማጻፋ 35:5

«ቁ ጋዳ ፑዴ ሳሎ ጼላ፤ ኔፔ ቁ ጊዲ ዲዛ ሻራ ኣኬካ።