1ሳሜላ ማጻፋ 12:21 - ጋሞ ማጻፋ

²¹ ኢንቴና ጎኣናስ ዎይኮ ኣሻናስ ዳንዳዮንታ ሹፉሮ ሚሻታ ካሎፍቴ፤ ኢስቲ ሃዳ።

Geeshsha Maxaafa

²¹ Inttena go7anaas woykko ashshanaas dandayontta shufuro miishshata kaallofte; istti hada.

1ሳሜላ ማጻፋ 12:21 Referans Kwoze

ኢምባቆ ቲንቢቴ 2:18

«ኣሳ ኩሼይ ማሲ ጊግሲዳ ኤቃኔ ዎርዶ ሃሳይዛ ሚስሌስ ኣይ ጎኣይ ዲዜ? ሂስቲን ኢዛ ኦዳዴይ ባርካ ባ ኦሶን ኣማኔቲዛ ጊሻሲኔ ኢስቲካ ሃሳያናስ ዳንዳዮንታ ኤቃ ኦዛ ጊሻሳ።

ኤርማሳ ቲንቢቴ 16:19

ታስ ሚኖቴኔ ሚጻ ጊዳዳ ሜቶ ጋላስ ታ ሺቃ ኣቲዛሶ ጊዲዳ ጎዳዉ! ካዎቴቲ ሳኣ ጋጻፔ ኔኮ ዪዲ፥ «ካሴ ኑ ኣዋቲ ባና ኣይኮካ ማዶንታ ኤቃ ጾሳታስ ጎይኒዳ።

ኤርማሳ ቲንቢቴ 10:15

ኢስቲ ጮ ቂስ ሜቲዳ ሚሻ። ፒርዳይ ኢስታ ቦላ ጋኪዛ ዎዴ ኢስቲ ያና።

ኤርማሳ ቲንቢቴ 14:22

ካዎቴታ ኤቃ ጾሳቲ ኢራ ቡኪሳና ዳንዳይዞ? ሳሎቲ ባ ሼኔን ፑሴ ዱጌ ዬዳናስ ዳንዳይዞ? ዳንዳዬቴና፤ ኣቤት ኑ ጎዳዉ! ሄሳ ኡባ ኦና ዳንዳይዛይ ኔና፤ ሄሳ ጊሻስ ኑኒ ኔናን ሂዶታ ኦስ።

ዛሬ ማጻፋ 11:16

ኢንቴ ጎዳፔ ሃኪዲ ኤቃ ጾሳታስ ኦናሲኔ ጎይናናስ ጉዬ ሲሞንታ ማላ ናጌቲቴ።

1ቆሮንቶሴ ኣሳስ 8:4

ሄሳ ጊሻስ ኤቃስ ያርሼቲዳ ኣሾ ሙሳ ጊሻስ ታ ኢንቴስ ጊዛይ ሃይሳ ኣላሜዛን ኤቃይ ሃዳ ጊዲዳይሳኔ ኢሲ ጾሳፌ ኣቲን ሃራ ጾሲ ባይንዳይሳ ኑ ኤሮስ።

ዮናሳ ቲንቢቴ 2:8

ሃዳ ኤቃታ ካሊዛይቲ ዉሪ ኔናን ጎዳን ኣማኔታናይሳ ኣጊዳ።

ኤርማሳ ቲንቢቴ 2:13

ታ ዴሬይ ናምኡ ኢታ ሚሻታ ኦዴስ፤ ዴኦ ሃ ፑልቶ ጊዲዳ ታና ኣጊዴስ፤ ሃ ኦይካናስ ዳንዳዮንታ ሉኬቲዳ ኦላታ ባስ ቦኪዳ።

ኢሳያሳ ቲንቢቴ 46:7

ዴንዲ ባንታ ሃሼን ቶኬቴስ፤ ዛሪዲ ሄ ዴንዳ ሶሆን ዎቴስ፤ ኢዚካ ሄን ኤቃ ጌስ፤ ሄፔ ኣዋካ ቃጼና፤ ኦኒካ ኢዛኮ ዋሲኮ ዛሮ ኢሜና፤ ሜቶፔካ ኢዛ ኣሼና።

ኢሳያሳ ቲንቢቴ 45:20

«ኢንቴኖ ካዎቴታፔ ቤቲዳይቶ! ኢሲፌ ሺቂዲ ሃዪቴ፤ ማታ ሺቂቴ። ሚፌ ኦሴቲዳ ኤቃ ጾሳ ቶኪዛይታሲኔ፥ ኣሻናዉ ዳንዳዮንታ ጾሳ ዎሲዛይታስ ኤራቴ ዴና።

ኤርማሳ ቲንቢቴ 10:8

ሃዳ ጊዲዳ ሚፌ ማሴቲዳ ኤቃ ጾሳታፔ ቲሚርቴ ታማርዛ ኡባይ ኤያኔ ዳማ።

ኤርማሳ ቲንቢቴ 2:5

ጎዳይ፥ «ካሴ ኢንቴ ኣዋቲ ታፔ ሃኪዳይ፥ ሃዳ ዮኦ ካሊዳይ፥ ባ ሁኤሲካ ጎኣይ ባይንዳይታ ጊዲዳይ ታፔ ኣይ ሞሮ ዴሚዲ?

ኢሳያሳ ቲንቢቴ 41:29

ቤኢቴ ኢስቲ ኡባይካ ሃዳ፤ ኢስታ ኦሶስካ ጎኣይ ዴና፤ ኢስታ ሚስሌቲካ ኣይኮይ ባይንዳ ጫርኮ ማላ» ጌስ።

ዛሬ ማጻፋ 32:21

ቱሙ ጊዶንታ ጾሳታን ታና ሚሺሲዳ፤ ጎኣይ ባይንዳ ባ ኤቃ ጾሳታን ታና ሃንቄዳ። ታኒካ ኢስታ ካቲዳ ካዎቴታ ኢስቲ ሚጌታና ማላ ኦና። ታ ኢስታ ኣኬኮንታ ዴሬታን ሃንቄና።

ሃዋሬታ ኦሶ 14:15

«ሃይቶ ኣሳቶ! ሃይሳ ኣዛስ ኦቲ? ኑኒካ ኢንቴ ማላ ኣሳኮ! ኢንቴካ ቃሴ ሃይሳ ሜላ ሃዳ ዮኦፔ ሃኪዲ ሳሎኔ ሳኣ፥ ኣባካ፥ ኣባታ ጊዶን ዲዛይታ ኡባ ሜዳ ዴኦ ጾሳኮ ኢንቴ ሲማና ማላ ኢንቴስ ሚሺራቾ ቃላ ሳባኮስ።

ዛሬ ማጻፋ 30:17

ጊዶ ኣቲን ኢንቴ ኢንቴ ዎዚና ጾሳፌ ሃሲዲ ኢዛ ቃላ ሲዮንታ ኢጺኮ፥ ሃራ ኤቃ ጾሳታስ ጎይኒኮኔ ኢስታስ ኦኮ፥

2ካዎታ ማጻፋ 17:15

ኢዛ ማራ፥ ኢዚ ኢስታ ኣዋታራ ጌሊዳ ጫቆ ቃላኔ ኢዚ ኢስታስ ሚን ዮቲዳ ቃላ ካዳ፤ ሃዳ ጊዲዳ ኤቃ ጾሳታ ካሊዳ፤ ባንታስካ ሃዳ ጊዲዳ፤ ጎዳይ ኢስታስ፥ «ኢስቲ ኦዛይሳ ኢንቴ ኦፍቴ» ጊዲ ኣዛዚንካ ኢስቲ ባንታ ዩሾን ዲዛ ካዎቴታ ካሊዳ፤ ኢስቲ ኦንታ ማላ ጎዳይ ዲጊዳይሳ ፖሊዳ ኣቲን ኣጊቤቴና።

ዮናሳ ቲንቢቴ 2:9

ጊዶ ኣቲን ታ ጋላታ ኔስ ያርሻና፤ ታ ኣዲኔቲዳይሳ ኡባካ ጋና፤ ኣይስ ጊኮ ኣቶቴ ጎዳፔ ዬስ» ጊ ዎሲዴስ።