1ካዎታ ማጻፋ 19:2 - ጋሞ ማጻፋ

² ሂስቲን ኤልዛቤላ፥ «ኔኒ ሄ ናቤታ ቦላ ኦይሳ ታኒካ ኔ ሼምፖ ዎንቶ ሃኒ ዎዴ ኢዚ ኦንታ ኣጊኮ ጾሳቲ ሄሳፌካ ኣዛ ኢታ ታ ቦላ ጋቶ» ጋዳ ቃስታኔ ኤላሳስ ዬዳዱስ።

Geeshsha Maxaafa

² Histtiin Elzabeela, «Neni he nabeta bolla ooththoyssaththo tanikka ne shemppo wonto hanni wode iziththo ooththontta aggiko xoossati hessafekka aadhdhiza iita ta bolla gaththetto» gaada qasttanne Eelaasas yeddadus.

1ካዎታ ማጻፋ 19:2 Referans Kwoze

2ካዎታ ማጻፋ 6:31

ካዎዚካ፥ «ሳፋጼ ና ኤልሳኤ ቆፔ ጩካ ዬጎንታ ኣይሲኮ ጾሲ ታ ቦላ ሄሳ ኦ፤ ሄሳፌካ ቦላራ ኢታ ሚሽ ታ ቦላ ኦ» ጊዲ ማንዲዴስ።

1ካዎታ ማጻፋ 20:10

ሄሳፌ ጉዬ ቤኒ-ሃዳዴይ ሃራ ቃስታኔታ ዬዲዲ፥ «ታና ካሊዛ ኣሳ ሳማሪያ ካታማ ጉዱላይ ኢሲ ኢሲ ኩች ጋኪኮ ጾሳቲ ታና ዎቶ» ጊዴስ።

ኡሩቲ ማጻፋ 1:17

ኔ ሃይቂዛሶን ታ ሃይቃና፤ ሄንካ ታኒ ሞጌታና፤ ሃይቆፔ ኣቲን ሃራይ ታና ኔፔ ሻኪኮ ጎዳይ ታ ቦላ ፒርዶ፤ ሄሳፌካ ቦላራ ሃራ ኢታ ኢዚ ታ ቦላ ኦ» ጋዱስ።

ዳኔላ ቲንቢቴ 3:15

ሃኢካ ዛዬ፥ ዲንኬ፥ ማሲንቆኔ ዲ፥ ባጋናኔ ሱሱልኤ፥ ዬ ጊሪስ ኡባ ኢንቴ ሲዪዲ ታ ኤሲዳ ሚስሌዛ ሲንን ቢታ ቦላ ጉፋኒዲ ኢንቴ ጎይኒኮ ኢንቴስ ኪያ ጊዳና፤ ኢንቴ ጎይኖንታ ኢጺኮ ሄ ላጪዛ ኢቶኔ ታማን ሄራካ ዬጌታና፤ ኢንቴና ታ ኩሼፔ ኣሻና ጾሲ ኢንቴስ ባይንዳይሳ ኢንቴ ኤሪቴ!» ጊዴስ።

ሌሚሶ ማጻፋ 27:1

ዎንቶይሳን ጬቄቶፋ፤ ዎንቶ ኣዚ ሃናናኮ ኔ ኤራካ።

ኬሳ ማጻፋ 10:28

ሄሳፌ ጉዬ ካዎዚ ሙሴ፥ «ታ ኣቻፌ ኪቻ! ናምኣን ታ ሲንን ቤታሼ ኔና ኤራ! ናምኣን ታ ኣይፌሶ ኔ ቤኢዳ ጋላስ ኔ ሃይቃና» ጊዴስ።

1ካዎታ ማጻፋ 2:28

ኣቤሴሎሜራ ጊዶንታ ኣዶኒያሳራ ኢሲፌ ዙፔቲዳ ኢዮኣቤኮ ሃ ዮኦይ ጋኪዴስ፤ ሂስቲን ኢዮኣቤይ ጎዳ ዱንካኔኮ ባቃቲ ቢዲ ያርሺዛሶ ካጬታ ኦይኪዴስ።

2ካዎታ ማጻፋ 19:22

ሂስቲን ኔ ጫዪዳይኔ ካዉሺዳይ ኦኔ? ኔኒ ኔ ቃላ ቁ ሂስቲዳይ ኦና ቦላ? ኔ ኦቶሬቴን ዴሬቃ ጼሊዛይ ኦና ቦላ? ኢስራኤሌ ጌሻዛ ቦላዬ!

ኬሳ ማጻፋ 15:9

«ሞርኬይ ጬቄቲሼ፥ ‹ታኒ ኢስታ ዬዴ ኦይካና። ታኒ ኢስታ ሃሮ ሻካዳ፥ ታ ኮዪዳይሳ ኡባ ኤካና። ታኒ ታ ጊ ማሻ ሾዳዳ፥ ኢስታ ይሳና› ጊዴስ።

2ሳሜላ ማጻፋ 3:9

ጎዳይ ሳኦሌ ኬፌ ካዎቴ ዎ ኤኪዲ ዳኔፔ ቢዲ ቤርሳቤሄ ጋካናስ ዲዛ ኢስራኤሌ ቦላኔ ዩሁዳ ቦላ ዳዊቴ ካዎቴ ጫቂ ዎዳ ጫቆዛ ታ ፖሎንታ ኣጊኮ ጾሲ ኣቢኔሬ ቦላ ኢታ ሚሽ ኤሆ» ጊዴስ።

2ሳሜላ ማጻፋ 19:13

«ቃሴ ኣማሲ፥ ‹ኔኒካ ታ ሜቄኔ ታ ኣሾ ጊዲኪ? ሃኒፌ ዶሚዲ ኔ ዴኦ ዉርሴ ጋካናስ ኢዮኣቤ ቆ ታ ኦላንቻታ ኣዛዚዛዴ ኦንታ ኣጊኮ ጾሲ ታ ቦላ ኢታ ሚሽ ኦ፤ ሄሳፌካ ኣዛ ኢታ ሚሽ ታ ቦላ ኤሆ› ጊዴስ» ጊዲ ዮቲቴ።

ኤርማሳ ቲንቢቴ 20:10

«ኡባሶን ሺሮይ ዴስ፤ ሂሊቴ ኣኔ ኑኒካ ሂሎስ» ጊዲ ዳሮቲ ሳሱኬቲሺን ታ ሲያዲስ፤ ታ ኩንዴ ናጌቲሼ ዲዛ ታ ላጌቲ ኡባይ፥ «ኦኔ ኤሪዛይ ባሌታና ዳንዳይዛኮ ሂስቲኮ ኑኒ ኢዛ ጾናናኮኔ ኑ ሃሎ ኬሳናኮ» ጌቴስ።

ኤርማሳ ቲንቢቴ 26:21

ካዎ ኢዮኣቄሜይ፥ ኢዛ ኦላንቻቲ፥ ኢዛ ኦሳንቻቲ ኦሪዮይ ዮቲዳይሳ ሲዪዳ ዎዴ ካዎዚ ኢዛ ዎናስ ኮዪዴስ። ኦሪዮይ ሄሳ ሲዪዲ ባቢዳ ጊሻስ ጊብጼ ቢታ ባቃቲዴስ።

1ካዎታ ማጻፋ 2:23

ካዎ ሶሎሞኔይ ጎዳን ጫቂዲ፥ «ኣዶኒያሲ ሃይሳ ኦይቺዳ ጊሻስ ታኒ ኢዛ ዎንታ ኣጊኮ ጎዳይ ታና ዎ!