1ቆሮንቶሴ ኣሳስ 4:4 - ጋሞ ማጻፋ

⁴ «ታ ኤሪዛ ማላ ታኒ ታ ዎዚናራ ሲዛ ሚሺ ባ፤ ጊዶ ኣቲን ሄሳ ጉሲ ታ ቦላ ሞሮይ ባ» ጉስ ጊዴና። ቡሮ ታ ቦላ ፒርዳናይ ጎዳ።

Geeshsha Maxaafa

⁴ «Ta eriza mala tani ta wozinara sidhiza miishshi baa; gido attiin hessa guussi ta bolla mooroy baa» guus gidenna. Buro ta bolla pirdanay Godaa.

Gamo Geesha Maxxafa New Testamen

⁴ “Ta eriza mala ta ta wozinara sidhiza miishi baawa; gido attin hessa guusi ta bolla mooroy baawa” guusu gidena. Buro ta bolla piridanay Godakko.

1ቆሮንቶሴ ኣሳስ 4:4 Referans Kwoze

ዬ ማጻፋ 143:2

ኔ ሲንን ጺሎ ጊዳና ኣሲ ኦኒካ ዴና፤ ታና ኔ ኣይሌዛ ፒርዳስ ሺሾፋ።

ዬ ማጻፋ 130:3

ኣቤት ጎዳዉ! ኔኒ ኑ ናጋራ ካሌታ ካሌታ ማዝጋቢዳኮ ኣቤት ጎዳዉ ኦኔ ኔ ሲንን ኤቂ ዳንዳያኔ?

2ቆሮንቶሴ ኣሳስ 1:12

ሂስቲኮ ኑ ጬቄቴ ሃይሳ ማላ፤ ሃ ኣላሜዛን ሃራፔካ ኢንቴሳራ ኑሳራ ዲዛ ጋይቶቴን ጾሳፌ ጊዲዳ ጌሻቴኒኔ ሱሬቴን ኑ ዴኢዳይሳ ኑ ዎዚናይ ኑስ ማርካቴስ፤ ሄሲካ ኣሳ ጪንጫቴን ጊዶንታ ጾሳ ኪያቴና።

ሌሚሶ ማጻፋ 21:2

ኣሲ ቢዛ ኦጌይ ኢዛዴስ ሱሬ ሚሳቴስ፤ ጎዳይ ጊዲኮ ዎዚና ፒልጊ ጼሌስ።

ዬ ማጻፋ 19:12

ባ ባላ ዴሚዛይ ኦኔ? ኣቤት ጎዳዉ! ጌሚዳ ናጋራፔ ታና ጌሻ።

2ቆሮንቶሴ ኣሳስ 5:10

ኑኒ ዉሪካ ኪርስቶሳ ፒርዳ ዎምቦራ ሲን ሺቃናይሲ ኣቴና፤ ኑፔ ኢሶይ ኢሶይ ቢታ ቦላ ባ ኦዳይ ኢታ ጊዲን ዎይኮ ሎኦ ጊዲን ባ ኦሶ ማላ ቤሲዛ ዋጋ ባስ ኤካና።

1ቆሮንቶሴ ኣሳስ 4:5

ሄሳ ጊሻስ ፒርዳና ዎዴይ ጋኮንታ ሃራ ኣይ ዮኦካ ፒርዶፍቴ፤ ጎዳይ ያና ጋካናስ ናጊቴ፤ ኢዚ ማ ጊዶን ቆቴቲዳይሳ ቡሮ ቆንጬ ኬሳና። ኣሳ ዎዚና ጊዶን ዲዛ ቆፋካ ቆንጬ ኬሳና፤ ሄ ዎዴ ኢሲ ኢሲ ኣሲ ባስ ቤሲዛ ጋላታ ጾሳ ኣቻፌ ኤካና።

ኦሮሜ ኣሳስ 2:13

ኣይስ ጊኮ ጾሳ ኣቻን ጺሎ ጌቴቲዛይቲ ኤቂዳ ዎጋስ ኣዛዜቲዛይታፔ ኣቲን ዎጋ ሲስ ሲዪዛይታ ጻላ ጊዴቴና።

ኢዮቤ ማጻፋ 40:4

«ጎዶ! ታኒ ኣይኮ ማዶንታ ላፋ ኣሳ፥ ሃኒፌ ጉዬ ታ ኩሼን ታ ዶና ጎርዳዳ፤ ጮኡ ጉሳፌ ኣቲን ኔስ ታ ዛራና ዛሮይ ታስ ዴና።

ኢዮቤ ማጻፋ 27:6

ታኒ ታ ጺሎቴን ሚና ኤቃና ኣቲን ጺሎቴ ኣጊኬ፤ ሼምፖራ ፓጻ ዲዛ ላይ ኡባን ታ ዎዚናይ ሃ ሚሻን ሲና።

ኢዮቤ ማጻፋ 25:4

ኣሲ ጾሳ ሲንን ዋኒ ጺሎ ጊዲ ቤታናዉ ዳንዳይዜ? ኣሾ ማይኢዳ ሜታ ጊዲዲ ዋኒ ጌሽ ጊዳናዉ ዳንዳይዜ?

ሃዋሬታ ኦሶ 23:1

ጳዉሎሲ ዱላታ ኣሳ ቲሺ ሂስቲ ጼሊዲ፥ «ታ ኢሻቶ! ሃች ጋካናስ ታ ጾሳ ሲንን ሎኦ ቆፋራ ዳይስ» ጊዴስ።

ዮሃኒሳ ሚሺራቾ 21:17

ሄን፥ «ዮና ና ሲሞና! ኔ ታና ዶሳይ?» ጊዴስ። ኢዚ ሄን፥ «ኔ ታና ዶሳይ?» ጊዳ ጊሻስ ጴጽሮሲ ሚሼቲዲ፥ «ጎዶ! ኔ ኡባ ኤራሳ፤ ታ ኔና ዶሲዛይሳካ ኔ ኤራሳ» ጊዴስ፤ ዬሱሲካ ቃሴካ፥ «ታ ዶርሳታ ሄማ።

ኢዮቤ ማጻፋ 15:14

«ኣሲ ጌሽ ጊዳናስ ዳንዳይዜ? ኣሾ ማይኢዳይ ጺላናስ ዳንዳይዜ?

ኢዮቤ ማጻፋ 9:20

ታኒ ጌሺኔ ጺሎኮሺን ታ ሃሳያይ ታና ቆሃንቻ ኬሴስ፤ ታ ሃሳይዛ ሃሳያቲ ኡባይ ታ ቦላ ፒርዴቴስ።

ኦሮሜ ኣሳስ 4:2

ኣብራሃሜይ ባ ኦሶን ጺሊዳኮ ኢዚ ጬቄታናዚ ኢዛስ ዴሲኮሺን፤ ኢዚ ጾሳ ሲንን ጬቄታናስ ዳንዳዬና።

ዬ ማጻፋ 50:6

ጾሲ ባርካ ፒርዲዛ ጾሳ ጊዲዳ ጊሻስ ሳሎቲ ኢዛ ጺሎቴ ኣዋጄቴስ።

ዬ ማጻፋ 26:12

ታ ቶሆይ ዴምባሶን ኤቂዴስ፤ ታኒ ዴሬይ ሺቂዳሶን ጎዳ ጋላታና።

ሌሚሶ ማጻፋ 29:26

ዳሮቲ ዴሬ ሃሪዛይታ ሲንን ኤሬታና ኮዬቴስ፤ ጊዶ ኣቲን ኣሳስ ሱሬ ፒርዳይ ጎዳ ኣቻፌ ቤቴስ።

1ቆሮንቶሴ ኣሳስ 4:3

ታ ቦላ ኢንቴ ፒርዲንካ ዎይኮ ዱላታ ኣሳይ ፒርዲንካ ታ ባጋራ ታስ ኣይኮይ ባ፤ ሃራይ ኣቶሺን ታርካ ታ ቦላ ፒርዲኬ።