1ቆሮንቶሴ ኣሳስ 14:1 - ጋሞ ማጻፋ

¹ ሲቆ ካሊቴ፤ ኣያና ኢሞታታ ሃራፔካ ቲንቢቴ ሃሳይዛ ኢሞታታ ሎኤ ኮዪቴ።

Geeshsha Maxaafa

¹ Siiqo kaallite; ayana imotata harappeka tinbite haasayza imotata lo7eththi koyite.

Gamo Geesha Maxxafa New Testamen

¹ Siiqo kaallite; ayana imotethata harapeka tinbite hasa7iza imotata lo7ethi koyte.

1ቆሮንቶሴ ኣሳስ 14:1 Referans Kwoze

1ቆሮንቶሴ ኣሳስ 14:39

ሄሳ ጊሻስ ታ ኢሻቶ! ቡሮ ቲንቢቴ ሃሳያናስ ሎኤ ኮዪቴ፤ ዱማ ዱማ ቃላን ሃሳያካ ዲጎፍቴ።

Ibirawe 12:14

ኣሲ ኡባራ ሳሮ ዳና ማላ ኢንቴስ ዳንዳዬቲዛይሳ ኡባ ኦቴ፤ ጌያና ማላ ኮዪቴ፤ ጌሻቴ ባይንዳ ጎዳ ቤያናስ ዳንዳዬቴና።

1ጺምቶሳስ 4:14

ጪማቲ ኔ ቦላ ባ ኩሼ ዎ ዎሲሺን፥ ኔስ ኢሜቲዳ ቲንቢቴ ኢሞቴ ሌፒ ሂስታ ኣጎፋ።

1ቆሮንቶሴ ኣሳስ 16:14

ኢንቴ ኦዛዝ ዉርሲካ ሲቆን ኦቴ።

1ቆሮንቶሴ ኣሳስ 12:1

ታ ኢሻቶ! ኣያናይ ኢሚዛ ኢሞታ ጊሻስ ኢንቴ ኢሲ ሚሽ ኤራና ማላ ታ ኮያይስ።

1ቆሮንቶሴ ኣሳስ 13:13

ሄሳ ጊሻስ ኣማኖይ፥ ሂዶታይኔ ሲቆይ ሃይቲ ሄቲ ኤቂ ዳና፤ ሃይታ ኡባፌ ኣዛይ ሲቆ።

1ታሶሎንቄ ኣሳስ 5:20

ቲንቢቴ ቃላ ካፒቴ።

ሌሚሶ ማጻፋ 15:9

ጎዳይ ኢታ ኣሳታ ኦጌ ሻቴቴስ፤ ጊዶ ኣቲን ጺሎቴ ካሊዛይታ ዶሴስ።

1ጺምቶሳስ 6:11

ኔኖ ጾሳ ኣሶ! ኔ ሄሳ ኡባፌ ባቃታ፤ ጺሎቴ፥ ቱሙ ኣያናን ዱስ፥ ኣማኖ፥ ሲቆ፥ ዳንዳያኔ ኣሽኬቴ ካላ።

1ቆሮንቶሴ ኣሳስ 14:37

ኦኒካ ባና፥ «ናቤ» ጊኮ ዎይኮ፥ «ታስ ጺሎ ኣያናፔ ኢሞታይ ዴስ» ጊዛዴይ ዲኮ ሃይሲ ታ ኢንቴስ ጻፊዳይሲ ጎዳ ኣዛዞ ጊዲዳይሳ ኤሮ።

ኢሳያሳ ቲንቢቴ 51:1

«ኢንቴኖ ጺሎቴ ካሊዛይቶ፥ ጎዳ ኮይዛይቶ ሲዪቴ። ኢንቴ ኢዛፔ ጳልቄቲ ኬዚዳ ዛላዛኔ ኢንቴ ቦኬቲ ኬዚዳ ኦላ ጼሊቴ።

1ጺምቶሳስ 5:10

ናይታ ዲቾኒኔ ኢማ ሞኮን፥ ኣማኒዛይታ ቶሆ ሜቻን፥ ሜቶቲዳይታ ማዶኒኔ ሎኦ ኦሶ ኡባን ባና ኣ ኢማዳ ሎኦ ኦሶንካ ኬሃ ኤሬቲዳሮ ጊዳናስ ቤሴስ።

ኤፌሶኔ ኣሳስ 1:3

ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ።

1ቆሮንቶሴ ኣሳስ 12:31

ጊዶ ኣቲን ኢንቴ ዉሪካ ኡባፌ ኣዛ ኢሞታ ሎኤ ኮዪቴ። ቃሴካ ሃራ ኡባፌ ኣዛ ኦጌ ታ ኢንቴና ቤሳና።

ሌሚሶ ማጻፋ 21:21

ጺሎቴኔ ሲቆ ካሊዛዴይ ዴኦ፥ ዱሬቴኔ ቦንቾ ዴሜስ።

3ዮሃኒሳ ኪታ 1:11

ታ ኢሻዞ! ሎኦታ ሚሳታ ኣቲን ኢታ ኣሳታ ሚሳቶፓ፤ ሎኦ ኦዛዴይ ዉሪካ ጾሳ ኣሳ፤ ኢታ ኦዛዴይ ጊዲኮ ጾስ ቤዪቤና።

2ጴጽሮሳ ኪታ 1:7

ጾሳስ ጎይኖ ቦላ ኢሻንታራ ዶሴቴ፥ ኢሻንታራ ዶሴቴ ቦላ ሲቆ ጉጂቴ።

ኦሮሜ ኣሳስ 12:6

ኑስ ኢሜቲዳ ኢሞታ ማላ ዱማ ዱማ ኢሞታይ ዴስ፤ ኢሳዴስ ቡሮፔ ሃናናዝ ዮቶ ጊዲኮ ኢዛዴስ ኢሜቲዳ ኣማኖ ማላ ዮቶ።

2ጺምቶሳስ 2:22

ፓንቴ ኢታ ኣሞቴፌ ባቃታ፤ ጌሻ ዎዚናራ ጎዳ ጼይጊዛ ኣሳታራ ጺሎቴ፥ ኣማኖ፥ ሲቆኔ ሳሮቴ ካላ።

ኦሮሜ ኣሳስ 9:30

ሂስቲን ኑ ኣይ ጊኖ? ኣማኖን ቤቲዳ ጺሎቴ ዴማናስ ኣይዛቤይ ዳቡሮንታ ዴሚዴስ።

ኦሮሜ ኣሳስ 14:19

ሄሳ ጊሻስ ሳሮቴ ቤቲዛ ኦጌኔ ኑኒ ኑ ጋርሳን ሎኣናስ ቤሲዛ ኦጌ ኣኔ ኮዮስ።

1ሳሜላ ማጻፋ 10:5

«ሄሳፌ ጉዬ ኔኒ ፊሊስጼሜ ኦላንቻቲ ዲዛሶ ጾሳ ዙማ ጊቢኣ ኬዛና፤ ኔ ካታማዮ ጋኪዳ ማላ ናቤታ ዱላታይ፥ ማሲንቆን፥ ካራቤን፥ ዲንኬኒኔ ዲን ኣዣቤቲዲ ቲንቢቴ ዮቲሼ ዙምቡላን ጎይኒዛሶፔ ዱጌ ዎሺን ኔ ኢስታ ዴማና።

1ቆሮንቶሴ ኣሳስ 13:2

ቲንቢቴ ሃሳይዛ ኢሞታይ ታስ ዲኮካ፥ ዎይኮ ጹራ ዮኦታኔ ኤራቴ ዉርሳ ታ ኤሪኮካ፥ ዙማይ ኢዚ ዲዛሶፔ ቃላዳ ሃራሶ ዲጊዛ ኣማኖይ ታስ ዲኮካ ሄሳ ዉርሳካ ሲቆይ ባይንዳ ታ ኦኮ ሄሲ ሃዳ።

1ቆሮንቶሴ ኣሳስ 14:22

ሄሳ ጊሻስ ሃራ ቃላን ሃሳያይ ኣማኖንታ ኣሳስ ማላታ ጊዴስ ኣቲን ኣማኒዛይታስ ማላታ ጊዴና፤ ቲንቢቴይ ጊዲኮ ኣማኒዛይታስ ኣቲን ኣማኖንታይታስ ጊዴና።