1ታሪኬ ማጻፋ 4:10 - ጋሞ ማጻፋ

¹⁰ ያቤጼይካ፥ «ኣቤት ጎዳዉ! ኔ ታና ኣንጃ፤ ኔ ታ ዴራ ኣሳ፤ ኔ ኩሼይ ታናራ ዴኦ፤ ታና ሜቶፔኔ ቆሆፔ ኣሻ» ጊዲ ኢስራኤሌ ጾሳ ዎሲዴስ፤ ጾሲካ ኢዚ ዎሲዳይሳ ኢዛስ ኢሚዴስ።

Geeshsha Maxaafa

¹⁰ Yabeexeykka, «Abeet Godawu! Ne tana anjja; ne ta deraa aassa; ne kushey tanara de7o; tana metoppenne qohoppe ashsha» giidi Isra7eele Xoossaa woossides; Xoossika izi woossidayssa izas immides.

1ታሪኬ ማጻፋ 4:10 Referans Kwoze

ሌሚሶ ማጻፋ 10:22

ጎዳ ኣንጆይ ዱሬ ኬሴስ፤ ኢዚ ሄ ዱሬቴን ሜቶ ጉጄና።

ኤርማሳ ቲንቢቴ 33:3

«ኔ ሃ ታኮ ዋሳ፤ ታኒካ ኔስ ዛራና፤ ኔ ኤሮንታ ሚሽ ሄሲካ ዎልቃማኔ ፒልጊን ኤሬቶንታ ሚሽ ታ ኔስ ቆንጪሳና።

ኢሳያሳ ቲንቢቴ 41:10

ታኒ ኔናራ ዲዛ ጊሻስ ያዮፋ፤ ታኒ ኔ ጾሳ ጊዲዳ ጊሻስ ዳጋሞፋ። ታኒ ኔና ሚንናኔ ማዳና። ታ ጺሎቴ ኡሻቻ ኩሼን ዜምፒሳ ኦይካና።

ኤፌሶኔ ኣሳስ 3:20

ሄሳ ጊሻስ ኑ ጊዶን ኦዛ ባ ዎልቃ ጊና ኑ ዎሲዛይሳፌኔ ዎይኮ ኑ ቆፒዛይሳፌ ኡባፌ ቦላራ ኬሂ ዳርሲ ኦናስ ዳንዳይዛ ጾሳስ፥

ዬ ማጻፋ 119:173

ታኒ ኔ ኣዛዞታ ዶራዲስ፤ ሄሳ ጊሻስ ኔ ኩሼይ ታና ማዳናስ ጊጊ ኡቶ።

2ጺምቶሳስ 4:18

ጎዳይ ኢታ ዮኦ ኡባፌ ታና ኣሻና፤ ጌዴ ባ ሳሎ ካዎቴስ ታና ሳሮራ ጋና፤ ኢዛስ ሜርናፔ ሜርና ጋካናስ ቦንቾይ ጊዶ። ኣሚን።

ዮሃኒሳ ሚሺራቾ 10:28

ታ ኢስታስ ሜርና ዴኦ ኢማና፤ ሙሌካ ኢስቲ ዬቴና፤ ኢስታ ታ ኩሼፔ ዎ ኤካናስ ዳንዳያናዴይ ኦኒካ ዴና።

ኤፌሶኔ ኣሳስ 1:3

ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ።

ዬ ማጻፋ 21:4

ኔኒ ዴኦ ኢዛስ ኢማና ማላ ኔና ዎሲዴስ፤ ኔካ ኢዛስ ዴኦኔ ኣዱሳ ላይ ኢማዳሳ።

ኢሳያሳ ቲንቢቴ 41:17

ሂዬሳቲኔ ሜቶታንቻቲ ሃ ኮያና፤ ጊዶ ኣቲን ኣይኮካ ዴሜቴና፤ ሃ ሳሞን ኢስታስ ፖራንዴይ ሜሊዴስ፤ ጊዶ ኣቲን ታኒ ጎዳይ ኢስታስ ዛሮ ኢማና፤ ታኒ ኢስራኤሌ ጾሳይ ኢስታ ዬጋ ኣጊኬ።

ዬ ማጻፋ 55:16

ታኒ ጊዲኮ ታ ጾሳ ጼይጋይስ፤ ጎዳይ ታና ኣሼስ።

1ቆሮንቶሴ ኣሳስ 1:2

ቆሮንቶሴን ዲዛ ጾሳ ዎሳ ኬስ፥ ጎዳ ዬሱስ ኪርስቶሳስ ዱማቲዳይታሲኔ ኢስታሳራ ኑሳራ ጎዳ ጊዲዳ ጎዳ ዬሱስ ኪርስቶሳ ሱን ኣዋንካ ጼይጊዛ ኣማኒዛይታራ ጊዳናስ ጼይጌቲዳ ኣሳ ኡባስ፥

ሜቴ ማጻፋ 33:20

ሄን ያርሾሶሆ ኬጺዲ ኢዛ፥ «ጾሲ ኢስራኤሌ ጾሳ» ጊ ሱንዴስ።

ሜቴ ማጻፋ 12:2

«ታኒ ኔና ጊታ ካዎቴ ኦና፤ ቃሴካ ኣንጃና፤ ኔ ሱን ጊታሳና፤ ኔካ ሃራታስ ኣንጆ ጊዳና።

ሜቴ ማጻፋ 48:16

ኢታ ሚሻ ኡባፌ ታና ኣሺዳ ኪታንቻይ፥ ሃ ናይታ ኣንጆ። ታ ሱንይኔ ታ ኣዋታ ኣብራሃሜኔ ዪሳቃ ሱንይ ኢስታን ጼይጌቶ። ኢስቲ ቢታ ቦላን ጮራቴቶ» ጊ ኣንጂዴስ።

ዬ ማጻፋ 99:6

ኢዛ ቄሴታ ጊዶፌ ሙሴይኔ ኣሮኔይ ዴቴስ፤ ሳሜሊካ ኢዛ ሱንን ዎሲዳይታፔ ኢሳ፤ ኢስቲ ጎዳስ ዋሲዳ፤ ኢዚካ ኢስታ ዋሶ ኣሊዴስ።

ዬ ማጻፋ 72:17

ካዎዛ ሱን ሜርናስ ሚኒ ዴኦ፤ ኣርሼይ ዴኢዛ ኬና ጼይጌቲሼ ጋምኦ። ካዎቴ ኡባይ ኢዛ ባጋራ ኣንጄቶ፤ ዴሬ ኡባይ ኢዛ፥ «ኔ ኣንጄቲዳዴ» ጊ ኣንጆ።

ሜቴ ማጻፋ 32:28

ኣዴዚካ ኢዛ፥ «ሃይሳፌ ሲንን ኔ ሱን ኢስራኤሌ ጌቴቶ ኣቲን ያቆቤ ጌቴቶፎ፤ ኣይስ ጊኮ ኔኒ ጾሳራኔ ኣሳራ ባጼታዳ ጾናዳሳ» ጊዴስ።

ዬ ማጻፋ 65:2

ኣቤት ዎሳ ሲዪዛይሶ! ኣሳይ ኡባይ ኔኮ ያና።

ሜቴ ማጻፋ 32:26

ሂስቲን ሄ ኣዴዚ ኢዛ፥ «ጋዴይ ዎንታና ጌስ ታና ዬዳ» ጊዴስ። ጊዶ ኣቲን ያቆቤይ ኢዛ፥ «ኔ ታና ኣንጆንታ ዬዲኬ» ጊዴስ።

ሌሚሶ ማጻፋ 30:8

ታኒ ኣስ ጪሞንታ ማላኔ ዎርዶ ሃሳዮንታ ማላ ታና ናጋ፤ ታና ዱሬ ዎይኮ ማንቆ ሂስቶፋ፤ ጊዶ ኣቲን ሃቺስ ሃቺስ ጊዲዛ ካ ታስ ኢማ።

ዬ ማጻፋ 51:8

ኔኒ ታና ኡፋይሲኔ ሃሹ ጊሲዛ ሚሽ ሲሳ፤ ኔ ሜንሬዳ ታ ሜቄታካ ፓ።

ኢዮቤ ማጻፋ 12:4

«ታ ጾሳ ጼይጊን ታስ ኢዚ ዛሪዳ ዎዴይ ዴስ፤ ሃኢ ታኒ ታ ላጌታስ ቂስ ጊዳዲስ፤ ታኒ ሞሮይ ባይንዳ ጺሎ ኣሳ ኡባስ ቂስ ኣታዲስ።

1ሳሜላ ማጻፋ 1:17

ኤሌይካ ኢዞ፥ «ሳሮን ባ፥ ኢስራኤሌ ጾሲ ኔ ዎሶይሳ ኔስ ኢሞ» ጊዴስ።

ሜቴ ማጻፋ 12:8

ሄሳፌ ዴንዲዲ ቤቴሌፔ ኣርሼይ ሞኪዛ ባጋራ ዲዛ ዙማቲዛሶ ቢዲ ሄን ቤቴሌ ኣርሼይ ዉሊዛ ባጋን ኣጊዲ ቃሴ ኣዬ ጌቴቲዛ ካታማ ኣርሼይ ሞኪዛ ባጋ ኣጊዲ ጊዶን ባ ዱንካኔ ቶሊዴስ፤ ሄንካ ጎዳስ ያርሾ ያርሺዛሶ ኬጺዲ ጎዳ ሱን ጼይጊዴስ።

ዬ ማጻፋ 51:12

ኔ ኣቶቴ ኡፋይሳ ታስ ዛራዳ ኢማ፤ ኤኖ ጊሲዛ ኣያናን ኔ ታና ኩን።

ኦሮሜ ኣሳስ 12:9

ኢንቴ ሲቆቴ ቆፔ ቆሞን ጊዶፖ፤ ኢታ ጊዲዳይሳ ዉርሲካ ኢጺቴ። ሎኦ ጊዲዳይሳራ ኢሲፌ ኦይኬቲቴ።

ሃዋሬታ ኦሶ 3:26

ጾሲ ናዛ ዴንዳ ዎዴ ኢንቴና ኢሳ ኢሳ ኢንቴ ኢታቴፌ ዛሪዲ ኣንጃና ማላ ካሴቲዲ ኢንቴኮ ኪቲዴስ» ጊዴስ።

ኦሮሜ ኣሳስ 16:19

ኢንቴ ሚሺራቾ ቃላስ ኣዛዜቲዛይታ ጊዲዳይሳ ኣሲ ዉሪ ሲዪዴስ፤ ሄሲካ ታና ዳሮ ኡፋይሲዴስ፤ ጊዲኮካ ኢንቴ ሎኦ ሃኖስ ጪንጫታ ቃሴ ኢታ ኦሶስ ኤያታ ጊዳና ማላ ታ ኮያይስ።

Maatosa 6:13

ኢታፔ ኑና ኣሻ ኣቲን ኑና ፓጬን ጌልፋ፤ ቦንቾይ ሜሪፔ ሜርና ጋካናስ ኔይሳ። ኣሚን› ጊ ዎሲቴ።

1ታሪኬ ማጻፋ 16:8

ጎዳ ጋላቲቴ፤ ኢዛ ሱን ጼይጊቴ፤ ኢዚ ኦዳ ኡባ ካዎቴታስ ዮቲቴ።

ዮሃኒሳ ኣጁታ 3:19

ታኒ ታ ዶሲዛይታ ዉርሳ ሃንቃይሲኔ ቃጻያይስ፤ ሄሳ ጊሻስ ኔኒ ሚና፤ ማሮቴንካ ጌላ።

ኤፌሶኔ ኣሳስ 4:30

ኢንቴ ኣታና ጋላሳስ ኣታሜቲዳ ጾሳ ጺሎ ኣያና ሚሺሶፒቴ።

ዮሃኒሳ ሚሺራቾ 21:17

ሄን፥ «ዮና ና ሲሞና! ኔ ታና ዶሳይ?» ጊዴስ። ኢዚ ሄን፥ «ኔ ታና ዶሳይ?» ጊዳ ጊሻስ ጴጽሮሲ ሚሼቲዲ፥ «ጎዶ! ኔ ኡባ ኤራሳ፤ ታ ኔና ዶሲዛይሳካ ኔ ኤራሳ» ጊዴስ፤ ዬሱሲካ ቃሴካ፥ «ታ ዶርሳታ ሄማ።

Maatosa 26:75

ሄ ዎዴ ዬሱሲ ካሴ ጴጽሮሳስ፥ «ኩቶይ ዋሳናስ ኔ ታና ሄቶ ካዳና» ጊዲ ዮቲዳ ቃላይ ቆፌቲን፥ ጴጽሮሲ ካሬ ኬዚዲ ጫሞ ዬሆ ዬኪዴስ።

1ታሪኬ ማጻፋ 4:9

ያቤጼይ ባ ኢሻታ ጊዶን ኬሂ ቦንቼቲዳ ኣስ ጊዲዴስ፤ ኢዛ ኣያ፥ «ታኒ ኢታ ሚጻን ዬሊዳይሳ» ጋሼ ኢዛ፥ «ያቤጼ» ጋ ሱንዱስ።

1ታሪኬ ማጻፋ 4:11

ሹሃሃ ኢሻ ካሉቤይ ማሂሬ ዬሊዴስ፤ ማሂሬይ ኤሽቶኔ ዬሊዴስ።

ሜቴ ማጻፋ 28:20

ያቆቤይ፥ «ኔ ታናራ ጊዳዳ ታ ቢዛ ኦጌን ኔ ታና ናጊኮ ታስ ሚዛ ቁማኔ ማይኦ ኔ ኢሚኮ ታ ኣዋ ሶ ሳሮን ኔ ታና ዛሪኮ ኔኒ ጎዳይ ታ ጾሳ ጊዳና።

ሜቴ ማጻፋ 32:27

ኣዴዚካ ኢዛ፥ «ኔ ሱን ኦኔ?» ጊ ኦይቺን ኢዚ፥ «ያቆቤ» ጊ ዛሪዴስ።

1ሳሜላ ማጻፋ 1:20

ሂስቲን ሃናይ ቃንታዱስ፤ ኢዚስ ዎዴይ ዉሪን ኣቱማ ና ዬላዱስ፤ ናዛ ሱንካ፥ «ጎዳፔ ዎሳዳ ዴማዲስ ጋሼ ሳሜላ» ጋ ሱንዱስ።

1ሳሜላ ማጻፋ 1:26

ሃናይካ ኤሌ፥ «ታ ጎዳዉ፥ ሼምፖ ጋምኣ፤ ሃይሳን ኔ ሲንን ኤቃዳ ጎዳ ዎሲዳ ማጫሳያ ታናኮ!

1ሳሜላ ማጻፋ 1:27

ሄ ዎዴ ሃይሳ ሃ ናዛ ኢማና ማላ ዎሳዲስ፤ ጎዳይካ ታ ዎሲዳይሳ ታስ ኢሚዴስ።

ዬ ማጻፋ 121:7

ጎዳይ ኢታ ኡባፌ ኔና ናጋና፤ ኔ ሼምፖ ሄማና።

ዬ ማጻፋ 145:19

ኢዚ ባስ ያዪዛ ኡባስ ኣሞ ኩንስ። ቃሴ ኢዚ ኢስታ ዋሶዛ ሲዪዲ ኢስታ ኣሼስ።