1ታሪኬ ማጻፋ 29:12 - ጋሞ ማጻፋ

¹² ዱሬቴኔ ቦንቾይ ኔፔ ቤቴስ፤ ኡባይካ ኔስ ሃሬቴስ። ዎልቃይኔ ሚኖታይ ኔ ኩሼና፤ ኔኒ ኣሳ ኡባ ጊታሳናሲኔ ሚንናስ ዳንዳያሳ።

Geeshsha Maxaafa

¹² Dureteththinne bonchchoy neeppe beettees; ubbayka nees haarettees. Wolqqaynne minotay ne kushenna; neni asaa ubbaa gitasanaassinne minththanaas dandayaasa.

1ታሪኬ ማጻፋ 29:12 Referans Kwoze

ኤፌሶኔ ኣሳስ 3:16

ኢንቴ ጋርሳ ባጋራ ሚናና ማላ ኣያና ባጋራ ኢዛ ቦንቾ ዱሬቴ ኢንቴስ ኢሜታና ማላ ታ ዎሳይስ።

ዛሬ ማጻፋ 8:18

ኢንቴ ዱሬታና ማላ ኢንቴስ ዎልቃኔ ሚኖቴ ኢሚዳይ ጎዳ ኢንቴ ጾሳ ጊዲዳይሳ ዩሺ ቆፒቴ፤ ኢዚ ሄሳ ኦዳይ ካሴ ኢንቴ ኣዋታስ ጌሊዳ ጫቆ ቃላ ሚንናሳ።

ፒሊጲሲዮሴ ኣሳስ 4:13

ታስ ዎልቃ ኢሚዛ ኪርስቶሳን ታኒ ኡባ ሚሽ ኦናስ ዳንዳያይስ።

ዳኔላ ቲንቢቴ 6:26

ታ ካዎቴን ዲዛ ዴሬይ ዉሪካ ዳኔላ ጾሳስ ያያና ማላኔ ኢዛ ቦንቻና ማላ ታኒ ኣዋጃ ኬሳዲስ፤ ኢዚ ሜርናስ ዴኢዛ ዴኦ ጾሳ፤ ኢዛ ካዎቴ ዮንታ ካዎቴ፤ ኢዛ ካዎቴስካ ዉርሴ ዴና።

2ታሪኬ ማጻፋ 20:6

«ኣቤት ጎዳ ኑ ጾሳዉ! ሳሎን ዴኢዛ ጾሳይ ኔና! ሳኣን ዴኢዛ ካዎቴታ ኡባ ሃሪዛይ ኔና! ዎልቃይኔ ማታይ ኔስ ዲዛ ጊሻስ ኔናራ ኤቄታናስ ዳንዳይዛይ ዴና።

ቆላሲያሴ ኣሳስ 1:11

ጎዳይ ባ ጊታ ዎልቃን ባ ሚኖቴ ኡባ ኢንቴስ ኢሞ፤ ዉርሲካ ኢንቴ ዳንዳያና ማላኔ ኡፋይሳን ጊጌቲዳይታ ጊዳና ማላ ኢንቴና ኢዚ ማዶ።

ኤፌሶኔ ኣሳስ 3:20

ሄሳ ጊሻስ ኑ ጊዶን ኦዛ ባ ዎልቃ ጊና ኑ ዎሲዛይሳፌኔ ዎይኮ ኑ ቆፒዛይሳፌ ኡባፌ ቦላራ ኬሂ ዳርሲ ኦናስ ዳንዳይዛ ጾሳስ፥

ኢሳያሳ ቲንቢቴ 40:29

ሚኖቴ ባይንዳዴስ ሚኖቴ ኢሜስ፤ ዳቡርዳይሳስ ዎልቃ ጉጄስ።

2ታሪኬ ማጻፋ 1:12

ታኒ ኔስ ኣ ኤራቴኔ ኣኬካ ኢማና፤ ቃሴ ኔፔ ካሴ ዴኢዳ ካዎታስ ዎይኮ ኔፔ ጉዬን ያና ካዎታስካ ባይንዳ ዱሬቴ፥ ኣቆታኔ ቦንቾ ታኒ ኔስ ኢማና» ጊዴስ።

ዮሃኒሳ ኣጁታ 11:17

ቃሴካ፥ «ካሴካ፥ ሃኢካ ዲዛይሶ! ኡባካ ዳንዳይዛ ጎዳ ጾሶ! ኔኒ ኔ ጊታ ጎዳቴ ኔ ኩሼን ኦይኪዳ ጊሻሲኔ ካዎቲዳ ጊሻስ ኑኒ ኔና ጋላቶስ።

ኢሳያሳ ቲንቢቴ 43:13

ቤኒሶፌ ዶማዳ ታኒ ታና፤ ታ ኩሼፔ ኬሲ ኤካናይ ዴና፤ ታ ኦዛይሳ ላማናዉ ዳንዳይዛይ ኦኔ?» ጌስ ጎዳይ።

ኤራንቻታ ማጻፋ 5:19

ጾሳይ ኣሳስ ዱሬቴኔ ኣቆ ኢሚዛይ ባ ዳቡርዳ ዋጋ ዴሚዲ ሚዲኔ ኡዪዲ ኡፋዬታናሳ። ሄሲ ጾሳፌ ኢዛስ ኢሜቲዳ ኢሞታ።

ሌሚሶ ማጻፋ 10:22

ጎዳ ኣንጆይ ዱሬ ኬሴስ፤ ኢዚ ሄ ዱሬቴን ሜቶ ጉጄና።

ኢዮቤ ማጻፋ 9:19

ታስ ዲዛ ዎልቃን ታ ኢዛራ ባጼታና ጎንታ ማላ ዎልቃን ኢዛራ ኤቄቲዲ ዳንዳያናይ ዴና፤ ታ ሞቴታዳ ኢዛ ላና ጎንታ ማላ ኢዛ ፒርዲዛ ኣሳታኮ ሺሻናስ ዳንዳይዛ ኣሲ ዴና።

Maatosa 28:18

ዬሱሲካ ባና ካሊዛይታኮ ሺቂዲ፥ «ሳሎኒኔ ሳኣን ጎዳቴ ታስ ኢሜቲዴስ። ሄሳ ጊሻስ ቢዲ ዴሬ ኡባ ኣዋ፥ ናዛኔ ጺሎ ኣያና ሱንን ጻማቂሼ፥ ታና ካሊዛይታ ኦቴ፤ ታ ኢንቴና ኣዛዚዳይሳ ኡባ ናጋና ማላ ታማርሲቴ። ታኒካ ኣላሜ ዉርሴ ጋካናስ ኢንቴናራ ዳይስ» ጊዴስ።

ኢሳያሳ ቲንቢቴ 46:10

ዉርሴን ሃናናይሳ ኮይሮታ፥ ቡሮፔ ያናይሳ ቤኒ ዮታዲስ፤ ‹ታ ሃልቾይ ሚኖ፤ ታና ኡፋይሲዛዝ ኡባ ታ ኦና› ጋዲስ።

ኢሳያሳ ቲንቢቴ 45:24

«ኢስቲ ታ ጊሻስ ሃሳይሼ፥ ‹ጺሎቴኔ ዎልቃይ ጎዳን ጻላ ዴስ› ጋና» ጌስ። ኢዛ ቦላ ሃንቆን ዴንዲዳይቲ ኡባይ ኢዛኮ ዪዲ ዬላታና።

ሌሚሶ ማጻፋ 8:18

ዱሬቴኔ ቦንቾይ ታ ማታን ዴቴስ፤ ዉሮንታ ኣቆታይኔ ኢንጄይ ታ ማታና።

ዮሃኒሳ ሚሺራቾ 19:11

ዬሱሲካ ኢዛስ ዛሪዲ፥ «ሼኔይ ኔስ ጾሳፌ ኢሜቶንታኮ ኔስ ታ ቦላ ኣይ ጎዳቴካ ዴናሺን፤ ጊዶ ኣቲን ታና ኔስ ኣ ኢሚዳዴ ቦላ ጊታ ናጋራይ ዴስ» ጊዴስ።

ዬ ማጻፋ 62:11

ጾሳይ ኢሲቶ ሃሳይዴስ፤ ታኒ ናምኡ ዮኦታ ሲያዲስ፤ ሄይቲካ፥ «ዎልቃይ ጾሳሳ፤

ዬ ማጻፋ 29:11

ጎዳይ ባ ዴራስ ዎልቃ ኢሜስ። ባ ኣሳካ ሳሮቴን ኣንጄስ።

ዬ ማጻፋ 29:1

ኢንቴኖ ሳሎን ዲዛ ሜታቶ! «ቦንቾይኔ ዎልቃይ ጎዳሳ» ጊዲ ዮቲቴ።

ዬ ማጻፋ 28:8

ጎዳይ ባ ዴራስ ዎልቃ፤ ኢዚ ባ ቲይዳ ካዎዛ ኣሺዛ ሚጻ።

ኢዮቤ ማጻፋ 42:10

ኢዮቢ ባ ሄ ላጌታስ ዎሲዳፔ ጉዬ ጾሲ ኢዚ ዛሪ ዱሬታና ማላ ኦዴስ። ካሴ ኢዛስ ዲዛይሳፌ ኣዲ ዳኮ ኢዛስ ኢሚዴስ።

2ታሪኬ ማጻፋ 16:9

ባ ኩሜ ዎዚናፔ ጎዳ ኣማኔቲዛ ኣስ ሚንናስ ጎዳ ኣይፌይ ሳኣ ቦላን ኡባሶ ጼሌስ። ኔኒ ሃ ዮኦዛን ኤያቴ ኦሶ ኦዳ ጊሻስ ሃቺፌ ዶሚን ኔፔ ኦላይ ዱጼና» ጊዴስ።

ኢያሶ ማጻፋ 4:24

ሄሳ ኢዚ ኦዳይ ሳኣን ዲዛ ኣሳይ ዉሪ ጎዳ ዎልቃይ ኣይ ማላ ጊታኮ ኤራናሲኔ ኢንቴካ ጎዳስ ኢንቴ ጾሳስ ሜርናስ ያያናሳ» ጊዴስ።

1ታሪኬ ማጻፋ 29:13

ሃኢካ ኑ ጾሳዉ! ኑኒ ኔና ጋላቶስ፤ ኔ ቦንቾ ሱንካ ሳቦስ» ጊዲ ጎዳ ጋላቲዴስ፤

2ታሪኬ ማጻፋ 32:29

ጾሳይ ኢዛስ ዳሮ ዱሬቴ ኢሚዳ ጊሻስ ካታማታ ኬጺዲ ዳሮ ዴይሻ፥ ዶርሳ ዉዴታኔ ዳሮ ሜሄታ ሺሺዴስ።

ዳኔላ ቲንቢቴ 2:20

ዳኔሊ፥ «ኣ ኤራቴኔ ዎልቃይ ኢዛሳ፤ ሄሳ ጊሻስ ጾሳ ሱን ሜርፔ ሜርናስ ኣንጄቶ።

ዬ ማጻፋ 62:12

ሜርና ሲቆይ ጾሳሳ።» ኣቤት ጎዳዉ! ኔኒ ኣስ ኡባስ ኢዛ ኦሶ ኦሶ ማላ ኢማና።

ዬ ማጻፋ 103:19

ጎዳይ ባ ኣራታ ሳሎን ኤሲዴስ፤ ኢዛ ካዎቴይ ኡባ ሃሬስ።