1ታሪኬ ማጻፋ 15:12 - ጋሞ ማጻፋ

¹² ሂስቲዲ ኢስታስ፥ «ኢንቴ ሌዌ ኬ ኣሳታስ ሃላቃታ ጊዲዳ ጊሻስ ኢንቴና ጌሺቴ፤ ሄሳፌ ጎዳ ኢስራኤሌ ጾሳ ታቦታ ታ ኢዛስ ጊግሲዳሶ ኤሂቴ።

Geeshsha Maxaafa

¹² Histtidi isttas, «Intte Lewe keeththa asatas halaqata gidida gishshas inttena geeshshite; hessafe GODAA Isra7eele Xoossa Taabotaa ta izas giigsidaso ehite.

1ታሪኬ ማጻፋ 15:12 Referans Kwoze

2ታሪኬ ማጻፋ 35:6

ፓዚጋ ዶርሳታካ ሹኪቴ፤ ኢንቴና ጌሺቴ፤ ጎዳይ ሙሴ ባጋራ ኣዛዚዳ ቃላ ኢስቲ ፖላና ማላ ኢንቴ ዳቦታስ ዶርሳታ ጊግሲቴ» ጊዴስ።

2ታሪኬ ማጻፋ 30:15

ሄሳፌ ጉዬ ናምኣን ኣጊናን ታማኔ ኦይዳን ጋላስ ፓዚጋ ዶርስ ሹኪዳ፤ ባና ጌሾንታ ቄሴቲኔ ሌዌቲ ዬላቲዲ ባና ጌሺዳ፤ ሂስቲዲ ጹጌቲዛ ያርሾ ጾሳ ኬ ኤሂዳ።

1ታሪኬ ማጻፋ 15:14

ሄሳ ጊሻስ ጎዳ ኢስራኤሌ ጾሳ ታቦታ ኤሃናስ ቄሴቲኔ ሌዌቲ ባንታና ጌሺዳ።

ዮሃኒሳ ሚሺራቾ 17:17

ኔ ኢስታ ኔ ቱማን ኔስ ሻካ፤ ኔ ቃላይካ ቱሙ ቃላ።

ሂዚቄላ ቲንቢቴ 48:11

ሃ ዱማሲ ዎዳ ሶሆይ ኢስራኤሌ ኣሳይ ታ ኦጌፔ ዎራ ሲሚዛ ዎዴ ኢስታራ ዎራ ሲሚዳ ሌዌታ ማላ ጊዶንታ ማላ ኣማኔቲዲ ታስ ኦሼ ጋምኢዳ ጌሻ ቄሴታስ ሳዶቄ ዛሬታስ ኢሜቶ።

2ታሪኬ ማጻፋ 5:11

ቄሴቲ ጾሳ ኬፌ ኬዚዳ፤ ሄን ዴኢዛ ቄሴቲ ኡባይ ባንቲ ኦዛ ማራን ማራን ጊዶንታ ኣጊኮካ ኡባይካ ባንታና ጎዳስ ዱማሲዳ።

1ታሪኬ ማጻፋ 24:31

ኢስታ ኢሻ ኣሮኔ ናይቲ ኦይሳ ካዎ ዳዊቴ ሲንን፥ ሳዶቄ ሲንን፥ ኣሂሜሌኬ ሲንን፥ ሄሳካ ቄሴታሶ ኣሳታ ሃላቃቲኔ ሌዌታሶ ኣሳታ ሃላቃቲ ዲዛሶን ሳማ ዬጊዳ፤ ባይራዛፔ ቢዲ ዉርሴ ጋካናስ ዲዛይታስ ኢሲ ጊና ሳማ ዬጊዳ።

1ታሪኬ ማጻፋ 15:3

ዳዊቲ ጎዳ ታቦታስ ጊግሲዳ ሶሆ ታቦታዛ ኤሃና ማላ ኢስራኤሌ ኣሳ ኡባ ዬሩሳላሜን ሺሺዴስ።

1ታሪኬ ማጻፋ 15:1

ዳዊቲ ባ ሱንን ጼይጌቲዳ ካታማን ባስ ኬታ ኬጺዴስ፤ ጾሳ ታቦታሲካ ሶሆ ጊግሲዲ ዱንካኔ ኤሲዴስ።

1ታሪኬ ማጻፋ 9:34

ሃይቲ ኡባይ ሌዌ ቆሞታስ ሃላቃቲ ባንታ ዛርኬን ዛርኬን ጻፌቲዲ ዬሩሳላሜን ዴቴስ።

ናሂሚያ ማጻፋ 13:22

ሄሳፌ ጉዬ ሌዌቲ ባንታና ጌሺዲ ሳምባታ ጋላስ ዱማቴን ናጌቲዛይሳ ኤሪሳናስ ጊምባ ፔንጌታ ናጋና ማላ ኢስታ ኣዛዛዲስ። ታ ጾሳዉ! ሃይሳ ኡባ ጊሻስ ታና ቆፓ፤ ቃሴ ኔኒ ኔ ሚኖ ሲቆዛን ታና ማዳና ማላ ታ ኔና ዎሳይስ።

1ታሪኬ ማጻፋ 16:1

ኢስቲ ጾሳ ታቦታ ኤሂዲ ዳዊቲ ታቦታ ዎናስ ቶሊዳ ዱንካኔዛ ጊዶን ዎዳ፤ ሂስቲዲ ጹጌቲዛ ያርሾኔ ኢሲፌቴ ያርሾ ጾሳስ ያርሺዳ።

2ታሪኬ ማጻፋ 1:2

ሶሎሞኔይ ኢስራኤሌ ኡባ፥ ሻላቃታ፥ ማቶ ሃላቃታ፥ ዳናታ፥ ኢስራኤሌ ኣሳ ካሌዛ ኡባታኔ ሶ ኣሳ ሃላቃታ ጼይጊ ሺሺዴስ።

2ታሪኬ ማጻፋ 1:4

ካሴ ዳዊቲ ጾሳ ታቦታስ ዬሩሳላሜን ዱንካኔ ቶሊዴስ፤ ጾሳ ታቦታ ቂሪያቴ-ዪኣሪሜ ካታማፔ ባ ጊግሲ ዎዳ ሶሆ ኤሂዴስ።

2ታሪኬ ማጻፋ 5:2

ሄሳፌ ጉዬ ካዎ ሶሎሞኔይ ጎዳ ጾሳ ታቦታ ዳዊቴ ካታማን ጺዮኔፔ ኤሃና ማላ ኢስራኤሌ ጪማታ፥ ኮራፒኔታኔ ኬ ኣሳ ዬሩሳላሜ ካታማ ሺሺዴስ።

ኢሳያሳ ቲንቢቴ 52:11

ኢንቴኖ ጎዳ ኬ ሚሻታ ቶኪዛይቶ! ሻኬቲቴ፥ ሻኬቲቴ፤ ሄፔ ኬዚቴ። ቱና ሚሽ ቦቾፍቴ፤ ሄፔ ኬዚቴ፤ ኢንቴ ሁኤሲካ ጌይቴ።