Yaptıklar 9:38 - Enі Baalantı

³⁸ Çünkü Lidda yakın İoppiya kasabasına, üürenicilär, işidip, ani Petri orada, yolladılar ona iki kişi, ani yalvardılar: «Oyalanma, gel bizä!»

Ени Бааланты

³⁸ Чӱнкӱ Лидда йакын Иоппийа касабасына, ӱӱрениӂилӓр, ишидип, ани Петри орада, йолладылар она ики киши, ани йалвардылар: «Ойаланма, гел бизӓ!»

Yaptıklar 9:38 Referans Kwoze

Yaptıklar 9:36

İoppiya kasabasında vardı bir üürenici karı, adı Tavifa, ani annaması Serna. O herzaman iilik yapardı hem fukaaralara yardım edärdi.

Yaptıklar 11:26

Bulup onu, getirdi Antiohiya kasabasına. Bütün yıl onnar, kliseylän toplanıp, çok insan üürettilär. En ilkin Antiohiyada üürenicilerä «hristian» adı verildi.

Yaptıklar 9:32

Razgeldi, açan Petri dolaşardı her tarafı, etişti Allahın ayoz halkına, kim yaşardı Lidda kasabasında.

Yaptıklar 9:19

Ondan sora idi da enidän kuvetlendi. Sora kaldı birkaç gün üürenicilärlän Damask kasabasında.

Yaptıklar 9:42

Bu oluş için haber daaldı bütün İoppiya kasabasına, da çoyu inandı Saabiyä.

Yaptıklar 9:43

Petri çok gün kaldı İoppiyada bir sepicidä, ani adı Simon.

Yaptıklar 10:5

Şindi yolla birkaç adam İoppiya kasabasına da teklif et Simonu, angısına dener Petri.

Yaptıklar 10:8

Hepsini sölediktän sora yolladı onnarı İoppiyaya.

Yaptıklar 11:5

«Bulunurdum İoppiya kasabasında. Dua vakıdı gözlerim döndü da gördüm bir görünmäk. Göktän inärdi nesä, ani benzärdi büük bir çarşafa, ani sarkıdılardı dört köşesindän. Geldi benim yanıma kadar.

Yaptıklar 11:13

O söledi bizä, nicä görmüş angili, angısı onun evindä peydalanmış da demiş ona: „Yolla İoppiya kasabasına da teklif et Simonu, angısına deniler Petri.