Yaptıklar 20:27 - Enі Baalantı

²⁷ Zerä sakınmadım haberleyim sizä Allahın bütün istediini.

Ени Бааланты

²⁷ Зерӓ сакынмадым хаберлейим сизӓ Аллахын бӱтӱн истедиини.

Yaptıklar 20:27 Referans Kwoze

Yaptıklar 20:20

Bilersiniz, ani bişey sizdän saklamadım, ne ani sizin için faydalıdır. Sakınmadım haberleyim hem üüredeyim sizi insan önündä hem evlerinizdä.

1 Salonіklіlerä 2:4

Ama çünkü Allah saydı bizi uygun, ki inandırsın bizä İi Haberi, bakêrız, ölä lafedelim, ki beendirelim kendimizi diil insana, ama Allaha, ani adamın üreeni deneer.

2 Korіnflіlerä 4:2

Ama brakıldık saklı ayıp işlerdän, bakmêêrız şalvirlenmää hem Allahın sözünä bişey katmêêrız, ama aslılıı açıklayarak, kendimizi hepsi insanın üzündä hem Allahın önündä temiz göstereriz.

Galatіyalılara 4:16

Acaba, şindi bän sizä duşman mı oldum, çünkü aslısını söledim?

Efeslіlerä 1:11

Hristozda mirasçı da olduk, nicä öncä kuruluydu bizim için Allahın neetinä görä, Ani hepsini yapêr Kendi istediinä hem istediinä görä.

1 Korіnflіlerä 11:23

Ne sizi üürettim, onu Saabidän kablettim, ani Saabi İisus o gecä, açan satılmış oldu, aldı bir ekmek,

Yaptıklar 20:35

Herbir üzerä sizä gösterdim, ani, butürlü işleyip, lääzım yardım edelim yufka olannara da unutmayalım Saabi İisusun sözlerini, zerä O Kendisi dedi: „Taa mutlu vermää, nekadar almaa“».

Yaptıklar 2:23

Bu Adam verildi sizin elinizä öncä Allahın kurulmuşuna hem bilmesinä görä. Onu siz enserlediniz stavroza hem öldürdünüz zakonsuzların ellerinnän.

Luka 7:30

Ama fariseylär hem zakon üüredicileri bastılar Allahın istediini onnar için, zerä vaatiz olmadılar ondan.

Matfey 28:20

Üüredin, hepsini tamannasınnar, ne sizä sımarladım. Da biliniz, Bän olacam sizinnän her gün, zamanın bitkisinädän». /Amin./

İoan 15:15

Artık demeerim sizä çırak, zerä çırak bilmeer, ne yapêr çorbacısı, ama deerim sizä dost, zerä söledim sizä hepsini, ne Bobamdan işittim.

Yaptıklar 13:36

David, izmet edip kendi vakıdında insana Allahın ii istediinä görä, geçindi, sora gömüldü kendi bobaların yanında, da güüdesi çürüdü.