Yaptıklar 19:31 - Enі Baalantı

³¹ Asiyanın öndercilerindän, kim Pavliylän dosttu, haber yolladılar, yalvarıp gösterilmesin teatruda.

Ени Бааланты

³¹ Асийанын ӧндерӂилериндӓн, ким Павлийлӓн достту, хабер йолладылар, йалварып гӧстерилмесин театруда.

Yaptıklar 19:31 Referans Kwoze

Yaptıklar 19:10

Bölä tuttu iki yıla kadar. Ölä hepsi Asiyada, hem iudeylär, hem urumnar, işittilär Allahın sözünü.

Yaptıklar 21:12

Bunu işidip, biz hem oradakılar yalvardık Pavliyä, gitmesin İerusalimä.

Yaptıklar 16:6

Ayoz Duh brakmadı onnarı, nasaat etsinnär Allahın sözünü Asiyada, onuştan geçtilär Frigiya hem Galatiya erlerindän.

Mark 1:40

İisusa geldi bir lepralı adam, diz çöktü Onun önündä da yalvardı: «Eer istärseydin, var nasıl beni paklayasın».

Yaptıklar 19:29

Bütün kasaba karıştı. İnsan tuttu makedoniyalıları, Gayı hem Aristarhı, Pavlinin yoldaşlarını da birliktä üüştülär teatru içinä.

Yaptıklar 19:30

Pavli baktı çıksın insan karşısına, ama üürenicilär kolvermedilär.

Yaptıklar 19:32

Kimisi baarardı bir türlü, başkası – başka türlü. Zerä toplantı bir alak-bulaktı, çoyu hiç bilmärdi, neçin toplandılar.