Yaptıklar 18:18 - Enі Baalantı

¹⁸ Pavli kaldı hayli vakıt kardaşlarlan, sora söledi onnara «kalın saalıcaklan» da yola çıktı gemiylän Siriya erlerinä dooru. Onunnan bilä gitti Priskilla hem Akila da. Öncä Pavli kırktırdı başını Kenhreyada bir adanmak için, ani adamıştı Allaha.

Ени Бааланты

¹⁸ Павли калды хайли вакыт кардашларлан, сора сӧледи оннара «калын саалыӂаклан» да йола чыкты гемийлӓн Сирийа ерлеринӓ доору. Онуннан билӓ гитти Прискилла хем Акила да. Ӧнӂӓ Павли кырктырды башыны Кенхрейада бир аданмак ичин, ани адамышты Аллаха.

Yaptıklar 18:18 Referans Kwoze

Yaptıklar 21:24

Al onnarı seninnän, paklan onnarlan barabar, sän harcan onnar için, ki onnar kırktırsınnar başlarını, da herkezi annayacek, ani ne işittilär senin için, diil aslı, ama sän dä kendin Zakonu tutarak yaşêêrsın.

1 Korіnflіlerä 9:20

İudeylärlän bän iudey gibi kendimi götürdüm, ki iudeyleri kazanayım. Makar ki kendim Ayoz Zakonun zapında diilim, Zakonun zapında olannarlan sansın Zakonun zapında oldum, ki kazanabileyim Zakondan zaplı olannarı.

Romalılara 16:1

Tanıttırêrım sizä bizim kızkardaşı, Fivayı, angısı diakonisa Kenhreya klisesindä.

Yaptıklar 18:2

Orada buldu bir iudey, adı Akila, ani duudu Pont dolayında. O az öncä İtaliyadan gelmişti karısınnan, Priskillaylan, zerä imperator Klavdiy sımarladıydı hepsi iudeylär Roma kasabasından gitsinnär. Pavli onnara gitti.

Galatіyalılara 1:21

Ondan sora bän gittim Siriya hem Kilikiya erlerinä.

Yaptıklar 15:23

Yazıp, yolladılar onnarlan bölä bir kiyat: «Biz, apostollar hem presviterlär hem kardaşlar, seläm yollêêrız sizä, tayfännardan kardaşlara, Antiohiyada, Siriyada hem Kilikiyada yaşayannara.

Yaptıklar 21:3

Kipru adasını görüp, üülen tarafından geçtik, üzdük Siriyaya dooru da etiştik Tir kasabasına, zerä burada lääzımdı ükü gemidän indirsinnär.

Yaptıklar 18:26

Çeketti girgin lafetmää sinagogada. Sesleyip onu, Priskilla hem Akila aldılar onu kendilerinnän da annattılar ona taa yakından Allahın yolunu.

Yaptıklar 15:41

Geçip Siriyadan hem Kilikiyadan, kaaviledilär kliseleri.

Matfey 4:24

Onun için haber daaldı bütün Siriya erlerindä. Ona getirärdilär hepsini, kim zeetlenärdi hertürlü hastalıktan, aarıdan, fena duhlardan, kara hastalıktan hem paraliç hastalıından. Onnara saalık verärdi.

Mark 6:46

Açan söledi insana «kal saalıcaklan», gitti bir bayır üstünä, ki dua etsin.

Yaptıklar 1:15

O vakıt topluydu bir üz irmi kişinin dolayında. Petri kalktı bu kardaşların arasında da dedi:

Yaptıklar 18:27

Açan Apollos istedi gitmää Ahaya erlerinä, kardaşlar ona ürek verdilär. Yolladılar kiyat oradakı üürenicilerä, ki kabletsinnär onu. O, etişip orayı, çok yardım etti Allahın iivergisinnän inancılara.

Yaptıklar 21:23

Onuştan yap, nicä sana deyecez. Bizdä var dört adam, angıları adamak adadılar Allaha.