Yaptıklar 17:17 - Enі Baalantı

¹⁷ Sinagoga içindä lafedärdi iudeylärlän hem Allahtan korkan insannan. Meydanda lafedärdi her gün, kiminnän karşı gelärdi.

Ени Бааланты

¹⁷ Синагога ичиндӓ лафедӓрди иудейлӓрлӓн хем Аллахтан коркан инсаннан. Мейданда лафедӓрди хер гӱн, киминнӓн каршы гелӓрди.

Yaptıklar 17:17 Referans Kwoze

Yaptıklar 13:16

Pavli kalktı, yaptı nışan elinnän da dedi: «İzrailin adamnarı hem Allahtan korkannar, sesleyin!

Yaptıklar 9:20

Saul hemen başladı haberlemää sinagogalarda, ani İisus – Allahın Oolu.

Luka 12:3

Onuştan, ne sölediniz karannıkta, o işidilecek aydınnıkta. Ne fisirdediniz içerdä, o haberlenecek evlerin örtüleri üstündän.

Mark 16:15

İisus onnara dedi: «Gidin bütün dünneyä da nasaat edin İi Haberi hepsi insana.

2 Tіmofeyä 3:5

Kendilerini göstererlär sansın Allahın yolunda, ama yolun kuvedini inkär ederlär. Butürlü insannardan uzak dur.

2 Tіmofeyä 3:2

Zerä insan olacek kendini sevän, parayı sevän, üünän, hodul, kötüleyici, anayı-bobayı seslämeyän, şükürsüz,

Yaptıklar 10:2

Dinni hem Allahtan korkan bir adamdı, nicä herkez onun evindä. Çok yardım edärdi insana hem herzaman Allaha dua edärdi.

Yaptıklar 8:2

Allahtan korkan adamnar Stefanı gömdülär da çok aaladılar onun için.

Yaptıklar 13:43

Açan toplantı daalıştı, çok iudey hem dinni yabancılar, kim dönmüştü iudey dininä, gittilär Pavlinin hem Varnavanın ardına, angıları durdular lafa onnarlan da bakardılar inandırmaa onnarı, ki ileri dooru verilsinnär Allahın iivergisinä.

Yaptıklar 13:50

Ama iudeylär debreştirdilär dinni karıları, anılmışları kasabada, hem kasabanın öndercilerini. Başladılar koolamaa Pavliyi hem Varnavayı da uurattılar onnarı kendi erlerindän.