Yaptıklar 16:14 - Enі Baalantı

¹⁴ Allahtan korkan bir karı, adı Lidiya, kıp-kırmızı bez satıcısıydı Fiyatira kasabasından, seslärdi bizi. Saabi açtı onun üreeni, ki esap alsın Pavlinin laflarını.

Ени Бааланты

¹⁴ Аллахтан коркан бир кары, ады Лидийа, кып-кырмызы без сатыӂысыйды Фийатира касабасындан, сеслӓрди бизи. Сааби ачты онун ӱреени, ки есап алсын Павлинин лафларыны.

Yaptıklar 16:14 Referans Kwoze

Luka 24:45

Ozaman açtı onnarın fikirlerini, annasınnar Ayoz Yazıları.

Apokalіpsіs 3:20

Tä, durêrım kapuda da urêrım. Eer birkimsey işidärseydi Benim sesimi da açarsaydı kapuyu, girecäm da sofraya oturacam onunnan, o da Benimnän.

Romalılara 9:16

Ölä ki, seçilmäk tutunmêêr ne ondan, kim isteer, ne dä ondan, kim çalışêr, ama Allahtan, Kim acıyêr.

Fіlіplіlerä 2:13

Zerä Allah O, Kim işleer sizdä, ki hem isteyäsiniz hem yapasınız, ne O beener.

Yaptıklar 11:21

Saabinin eli onnarlandı. Çok insan inandılar da döndülär Saabiyä.

Apokalіpsіs 3:7

Filadelfiya klisesinin angilinä yaz: „Bölä deer Ayoz hem Dooru Olan, Kimdä var Davidin anatarı, Kim açêr, da kimsey kapayamêêr, kapêêr, da kimsey açamêêr.

Yaptıklar 18:7

Ordan çıktıktan sora girdi bir Allahtan korkan adamın evinä, adı Titiy İust. Onun evi sinagoganın yanındaydı.

Apokalіpsіs 1:11

Ne görersin, yaz bir kiyada da yolla edi kliseyä: Efes, Smirna, Pergama, Fiatira, Sardis, Filadelfiya hem Laodikiya kasabalarına».

Yaptıklar 10:2

Dinni hem Allahtan korkan bir adamdı, nicä herkez onun evindä. Çok yardım edärdi insana hem herzaman Allaha dua edärdi.

Yaptıklar 8:27

Filip kalktı da gitti. Bu arada bir efiopiyalı evnuh, Kandakın, Efiopiya padişahkasının, bir kudretli izmetkeri, ani bakardı bütün onun haznasını, geeri dönärdi İerusalimdän, nereyi gittiydi Allaha baş iiltsin deyni.

İoan 12:20

Onnarın, kim geldiydi İerusalimdä baş iiltmää, vardı birkaç urum aralarında.

Yaptıklar 13:43

Açan toplantı daalıştı, çok iudey hem dinni yabancılar, kim dönmüştü iudey dininä, gittilär Pavlinin hem Varnavanın ardına, angıları durdular lafa onnarlan da bakardılar inandırmaa onnarı, ki ileri dooru verilsinnär Allahın iivergisinä.

Yaptıklar 13:50

Ama iudeylär debreştirdilär dinni karıları, anılmışları kasabada, hem kasabanın öndercilerini. Başladılar koolamaa Pavliyi hem Varnavayı da uurattılar onnarı kendi erlerindän.

Yaptıklar 16:40

Pavli hem Sila, çıkıp zındandan, gittilär Lidiyanın evinä. Orada görüştülär kardaşlarlan, girginnettilär onnarı, sora yola gittilär.