Yaptıklar 13:5 - Enі Baalantı

⁵ Etiştiynän Salamin kasabasına, haberledilär Allahın sözünü iudey sinagogalarında. İoanı almıştılar yardımcı kendilerinä.

Ени Бааланты

⁵ Етиштийнӓн Саламин касабасына, хаберледилӓр Аллахын сӧзӱнӱ иудей синагогаларында. Иоаны алмыштылар йардымӂы кендилеринӓ.

Yaptıklar 13:5 Referans Kwoze

Yaptıklar 13:14

Onnar Pergedän çıktılar da, erdän erä gezeräk, gittilär Pisidiya Antiohiya kasabasına. Cumertesi günü girdilär sinagoga içinä da oturdular.

Yaptıklar 13:46

Ama Pavli hem Varnava girgin dedilär: «İlkin sizä lääzımdı sölensin Allahın sözü, ama çünkü siz onu ret edersiniz da istämeersiniz kabletmää diveç yaşamak, onuştan biz döneriz başka milletlerä.

Yaptıklar 19:8

Sora girdi sinagoga içinä da üç ay insana korkusuz annadardı hem inandırardı Allahın Padişahlıını.

Yaptıklar 18:4

Her cumertesi Pavli lafedärdi sinagogada da inandırardı hem iudeyleri, hem urumnarı.

Yaptıklar 17:17

Sinagoga içindä lafedärdi iudeylärlän hem Allahtan korkan insannan. Meydanda lafedärdi her gün, kiminnän karşı gelärdi.

Yaptıklar 14:1

İkoniya kasabasında hep butürlü oldu. Pavli hem Varnava girdilär iudey sinagogasına da lafettilär ölä, ani inandı çok insan iudeylerdän hem urumnardan.

Yaptıklar 12:12

Annayıp, ne oldu, o gitti Mariyanın evinä, angısı İoanın – Mark denilenin – anasıydı, kimdä çoyu toplanmıştılar da dua edärdilär.

Yaptıklar 9:20

Saul hemen başladı haberlemää sinagogalarda, ani İisus – Allahın Oolu.

2 Tіmofeyä 4:11

Salt bir Luka kaldı benimnän. Al Markı da getir seninnän, zerä o bana yardımcı olar izmettä.

Koloslulara 4:10

Seläm yollêêr sizä Aristarh, ani kapalı benimnän barabar, hem Mark, Varnavanın teyzä oolu, angısı için siz sımarlamak aldınız, ki geldiynän kabledäsiniz onu,

Yaptıklar 15:37

Varnava istärdi, alsınnar onnarlan İoanı, angısına deniler Mark,

Yaptıklar 12:25

Varnava hem Saul, izmetlerini tamannadıktan sora, döndülär İerusalimdän geeri, alıp kendilerinnän İoanı, angısına deniler Mark.

Matfey 20:26

Ama sizin aranızda bölä olmasın. Kim sizdän isteer büük olsun, o izmetkär olsun kalanına.

Yaptıklar 19:22

Onun yardımcılarından ikisini yolladı Makedoniyaya, Timofeyi hem Erastı, ama kendisi kaldı bir parça vakıt Asiyada.

Yaptıklar 19:29

Bütün kasaba karıştı. İnsan tuttu makedoniyalıları, Gayı hem Aristarhı, Pavlinin yoldaşlarını da birliktä üüştülär teatru içinä.