Yaptıklar 13:33 - Enі Baalantı

³³ O tamannadı bu adamasını bizä, Kendi uşaklarına, açan kaldırdı İisusu. Nicä var yazılı ikinci Psalmada: „Sän Benim Oolumsun, büün Senin boban oldum“.

Ени Бааланты

³³ О таманнады бу адамасыны бизӓ, Кенди ушакларына, ачан калдырды Иисусу. Ниӂӓ вар йазылы икинӂи Псалмада: „Сӓн Беним Оолумсун, бӱӱн Сенин бобан олдум“.

Yaptıklar 13:33 Referans Kwoze

Çıfıtlara 5:5

Hep ölä Hristos da, Baş popaz olsun deyni, Kendi almadı bu ikramı, ama bu ikramı verdi O, Kim dedi Ona: «Sän Benim Oolum, büün Senin Boban oldum».

İoan 2:22

Açan dirildi ölüdän, üürenicileri aklına getirdilär, ani o sölediydi bu lafları, da inandılar Ayoz Yazıları hem İisusun sözünü.

Yaptıklar 2:24

Ama Allah, ölümün acılarına son verip, Onu diriltti. Ölüm esirlää alamadı Onu.

Yaptıklar 2:32

Bu İisusu Allah ölüdän diriltti, biz hepsimiz buna şaadız.

Yaptıklar 9:20

Saul hemen başladı haberlemää sinagogalarda, ani İisus – Allahın Oolu.

Yaptıklar 13:30

Ama Allah diriltti Onu ölüdän.

Yaptıklar 13:34

Allah diriltti Onu ölüdän, ölä ki Onun güüdesi hiç bir vakıt çürümeyecek, da bunun için bölä dedi: „Bän bir inanç sevgiylän davranacam Sana, nicä adadım Davidä“.

Yaptıklar 13:37

Ama Onu, Kimi Allah diriltti, Onun güüdesi çürümedi.