Yaptıklar 1:24 - Enі Baalantı

²⁴ Sora dua ettilär butürlü: «Sän, Saabi, ani tanıyêrsın herkezin üreeni, göster bizä, angısını bu iki kişidän Sän ayırêrsın,

Ени Бааланты

²⁴ Сора дуа еттилӓр бутӱрлӱ: «Сӓн, Сааби, ани таныйэрсын херкезин ӱреени, гӧстер бизӓ, ангысыны бу ики кишидӓн Сӓн айырэрсын,

Yaptıklar 1:24 Referans Kwoze

Yaptıklar 15:8

Allah, Angısı biler herkezin üreeni, gösterdi, ani kableder onnarı, baaşlayıp onnara Ayoz Duhu, nicä dä bizä.

Apokalіpsіs 2:23

Onun uşaklarını çarpacam ölümnän. Ozaman hepsi kliselär tanıyacek, ani Bänim, Kim aaraştırêr insanın neetlerini hem üreeni. Hepsinizä kendi işlerinizä görä ödeyecäm.

Çıfıtlara 4:13

Yaradılmışlardan hiç kimsey Allahtan saklanamaz. Onun gözlerinin önündä hepsi ayın-açık. Ona biz cuvap verecez.

Romalılara 8:27

O, Kim aaraştırêr insan üreeni, biler, ne düşünür Duh, zerä Duh aracılık eder Allahın ayoz halkı için Kendi istediinä görä.

Yaptıklar 14:23

Herbir klisedä ayırdılar presviterleri, dua edip hem oruç tutup, verdilär onnarı Saabinin elinä, Angısına inandılar.

Yaptıklar 6:6

Onnarı çıkardılar apostolların önünä, da bunnar, koyup ellerini onnarın üstünä, dua ettilär.

İoan 21:17

Üçüncü sıra sordu ona: «Simon, İoanın oolu! Seversin mi sän Beni?» Petri güçlendi, ani üçüncü sıra hep bunu sordu: «Seversin mi Beni?» da cuvap etti: «Saabi! Sän hepsini bilersin. Sän bilersin, ani bän severim Seni». İisus dedi ona: «Otlat Benim koyunnarımı.

Luka 16:15

İisus dedi onnara: «Siz çalışêrsınız kendinizi insanın önündä dooru çıkarasınız, ama Allah tanıyêr üreenizi. Zerä ne insan meteder, ondan Allah azetmeer.