Tіta 1:15 - Enі Baalantı

¹⁵ «Pak olannar için hepsi pak, ama kirli olannara hem inansızlara bişey diil pak», – deerlär. Halizdän, onnarın hem akılları, hem üzleri kirli.

Ени Бааланты

¹⁵ «Пак оланнар ичин хепси пак, ама кирли оланнара хем инансызлара бишей диил пак», – деерлӓр. Хализдӓн, оннарын хем акыллары, хем ӱзлери кирли.

Tіta 1:15 Referans Kwoze

Romalılara 14:14

Bän bilerim hem çok inanêrım, nicä bir inancı Saabi İisusa, ani yok bişey diil pak kendi-kendinä. O iş diil pak sade onnara, kim sayêr onu diil pak.

Romalılara 14:20

Bir imäk için yıkma Allahın işini. Dooru sölemää, her imäk temiz, ama o adam kötülük yapêr, angısı imäklän köstek olêr başkasına.

1 Korіnflіlerä 10:23

«Hepsini düşer yapayım», – deersiniz, ama hepsi faydalı olmaz. «Hepsini düşer yapayım», – deersiniz, ama hepsi duhça kaavilemäz.

Matfey 15:18

Ama ne adamın aazından çıkêr, o ürektän geler. Te bu mındarlêêr adamı.

Romalılara 14:23

Ama kim şüpeylän iyer, kabaatlı olêr, zerä imeer inannan. Ne inansız yapılêr, o günah.

1 Korіnflіlerä 10:31

Ölä ki, hepsi, ne iyersiniz hem içersiniz, hem hepsi, ne yapêrsınız, hepsini yapın Allahın metinnii için.

Yaptıklar 10:15

O ses ikinci sıra dedi: «Ne Allah pakladı, onu sän sayma mındar».

1 Korіnflіlerä 8:7

Ama herkezindä yok bu bilgi. Kimisi alışıktı idollara baş iiltmää da büün, yaanı iyärkän, düşünerlär, ani yaanı idola baaşlanmış. Onnar incä üzlü, da bundan üzleri lekelener.

Çıfıtlara 10:22

Onuştan yaklaşalım Allaha pak üreklän hem kaavi inannan, serpip üzlerimizi, kötü neetlerdän paklayalım hem güüdemizi temiz suylan yıkayalım.

1 Korіnflіlerä 10:25

İyin herbir yaanıdan, ani panayırda satılêr, hiç soruşturmayarak, ki üzünüz pak olsun.

1 Tіmofeyä 6:5

Boşuna dartışmaklar bozuk fikirli insannarda, angıları kaybettilär aslılıı, sanarak ani Allahın yolu kazanç yoludur. /Busoy insannardan uzaklaş./

Çıfıtlara 9:14

nekadar taa çok Hristozun kanı, Angısı Diveç Duhlan Kendini lekesiz bir kurban getirdi Allaha, paklayacek sizin üzünüzü ölü yaptıklardan, ki izmet edäsiniz diri Allaha.

Çıfıtlara 12:15

Esap alın, ki birkimsey kaçırmasın Allahın hayırını. Bir zihirli kök, peydalanıp, sizä zarar yapmasın da ulaştırmasın çoyunu.