Romalılara 7:5 - Enі Baalantı

⁵ Zerä, yaşarkan tenimizä görä, günahker havezleri, Zakondan debreştirilmiş, işlärdilär bizim güüdemizin eklerindä, da yaptıklarımızın meyvası ölümdü.

Ени Бааланты

⁵ Зерӓ, йашаркан тенимизӓ гӧрӓ, гӱнахкер хавезлери, Закондан дебрештирилмиш, ишлӓрдилӓр бизим гӱӱдемизин еклериндӓ, да йаптыкларымызын мейвасы ӧлӱмдӱ.

Romalılara 7:5 Referans Kwoze

Efeslіlerä 2:3

Onnarın arasında biz hepsimiz dä vakıdın birindä yaşardık tenimizin havezlerinä görä. Tamannardık tenimizin hem aklımızın istediklerini. Haliz halımızda biz daavalı olmuştuk Allahın üfkesinä, nicä dä kalan insannar.

Galatіyalılara 5:24

Ama kim Hristozun, onnar stavroza gerdilär teni onun hamellerinnän hem istemeklerinnän.

Galatіyalılara 3:10

Hepsi, kim umutlanêr, ani dooru sayılacek Zakonu tamannamaklan, betva altında bulunêrlar, zerä var yazılı: «Betvalı hepsi onnar, kim herzaman çalışmêêr tamannasın hepsini, ne Zakonun kiyadında yazılı».

Romalılara 6:13

Sizin güüdenizin eklerini günah zaplıına vermeyin, ki kullanasınız onnarı kötülük için. Allahın elinä verilin, nicä onnar, kim ölüdän dirildi. Güüdenizin eklerini Allaha verin, ki kullanasınız onnarı dooruluk için.

Romalılara 6:21

Ozaman ne faydanız oldu o işlerdän, angılardan şindi utanêrsınız? Butürlü işlerin bitkisi – ölüm.

1 İoanın 3:4

Kim günah yapêr, o zakonu basêr, zerä günah – zakonsuzluk.

Koloslulara 3:5

Onuştan öldürün, ne var sizdä erdän: orospuluu, diilpaklıı, düşkünnüü, kötü havezlii hem tamahlıı, ani hep ölä, nicä dä baş iiltmäk idollara.

1 Korіnflіlerä 15:56

Ölümün zihirli iinesi – günahtır, ama günah alêr kuvedini Ayoz Zakondan.

İakovun 4:1

Neredän sizdä düüşlär hem kavgalar? Diil mi sizin istemelerinizdän, ne sizin güüdelerinizin eklerindä cenkleşer?

İakovun 1:15

Sora istemesi, gebä kalıp, günahı duudurêr, günah da, olgunnandıynan, ölüm getirir.

Tіta 3:3

Zerä biz kendimiz da, vakıdın birindä fikirsiz, seslämeyici hem şaşıktık. İzmet edärdik türlü hamellerä hem keflerä. Yaşardık kinniktä hem kıskançlıkta. Hepsi bizdän, biz dä biri-birimizdän azetmärdik.

Efeslіlerä 2:11

Onuştan unutmayın, ne vardınız bir vakıtlar. Siz tencesinä tayfändınız. Onnar, kimin adı «kesikli», sizä «kesiksiz» deerlär, makar ki kesiklik insan elinnän güüdedä yapılêr.

Romalılara 7:23

Ama görerim benim güüdemin eklerindä bir başka zakon, ani düüşer zakona karşı, angısını kablederim fikirimnän, hem beni esir eder günah zakonunnan, ani işleer benim güüdemdä.

Romalılara 6:23

Zerä günahın ödää ölümdür, ama Allahtan baaşış – diveç yaşamak Saabimizdä İisus Hristozda.

Romalılara 6:19

Lafederim adamcasına, sizin teninizin zayıflıı beterinä. Nicä verdiniz güüdenizin eklerini, çırak olsun mındarlaa hem zakonsuzlaa, ki hertürlü zakonsuzluk yapasınız, hep ölä şindi verin eklerinizi, çırak olsun doorulaa, ki ayoz olasınız.

Romalılara 5:20

Ayoz Zakon sora verildi, ki kabaatlar zeedelensin, ama neredä günah çoklaştı, orada Allahın iivergisi taa çok zeedelendi,

Romalılara 4:15

Zerä Zakon Allahın üfkesini getirer, ama neredä yok zakon, orada yok zakon basması da.

Romalılara 3:20

Zerä Zakonu tamannamaklan Allahın önündä kimsey dooru çıkmayacek, zerä Zakondan belli olêr, ani insan günahker.

Romalılara 1:26

Bu beterä Allah braktı onnarı kendi ayıp havezlerinä. Onnarın karıları, sırasınca birleşmäk erinä, diil dooru istediklerinä verildilär.

İoan 3:6

Ne duulmuş ettän, o et, ama ne duulmuş Duhtan, o duh.

Matfey 15:19

Zerä ürektän çıkêr fena neetlär, öldürmäk, orospuluk, hayırsızlık, hırsızlık, yalancılık, kötülemäk.

2 Korіnflіlerä 10:3

Zerä, makar ki biz tencä yaşêêrız, tencä düüşmeeriz.