Romalılara 2:22 - Enі Baalantı

²² «Orospuluk yapma» söleyeräk, kendin yapêrsın? İdollardan azetmeyeräk, kendin ayoz binaları soyêrsın?

Ени Бааланты

²² «Ороспулук йапма» сӧлейерӓк, кендин йапэрсын? Идоллардан азетмейерӓк, кендин айоз биналары сойэрсын?

Romalılara 2:22 Referans Kwoze

Matfey 12:39

O cuvap etti onnara: «Kötü hem orospu senselä isteer bir nışan, ama ona verilmeyecek başka nışan, prorok İonanın nışanından kaarä.

İakovun 4:4

Siz orospular! Bilmeersiniz mi, ani dünneylän dostluk – Allaha duşmannık! Ölä ki, kim isteer dünneylän dost olmaa, o duşman olêr Allaha.

Yaptıklar 19:37

Siz getirdiniz bu adamnarı, kim ne ayoz binayı soydu, ne dä allahımızı kötüledi.

Mark 11:17

Üüredip, deyärdi insana: «Diil mi yazılı: „Benim evimä denecek dua evi hepsi milletlär için“, ama siz çevirdiniz onu haydut ininä».

Matfey 16:4

Kötü hem orospu senselä isteer bir nışan, ama ona verilmeyecek başka nışan, İonanın nışanından kaarä». Sora, brakıp onnarı, gitti.

Romalılara 12:9

Sizin sevginiz olmasın yapınmaklan. Kötülüktän iirenin, iilää yapışın.