Romalılara 15:1 - Enі Baalantı

¹ Biz, ani kaaviyiz inanda, düşer taşıyalım kuvetsizlerin zayıflıklarını da bakmayalım salt kendi hoşluumuza.

Ени Бааланты

¹ Биз, ани каавийиз инанда, дӱшер ташыйалым куветсизлерин зайыфлыкларыны да бакмайалым салт кенди хошлуумуза.

Romalılara 15:1 Referans Kwoze

1 Salonіklіlerä 5:14

Sizä yalvarêrız, kardaşlar, akıl verin kasavetsizlerä, üreklendirin korkakları, yufkaları arkalayın, hepsinnän saburlu olun.

Romalılara 14:1

İi kabledin onnarı, kim inanda zayıf, ama sanmaklar beterinä çekişmeyin.

1 Korіnflіlerä 9:22

Yufkalarlan yufka oldum, ki yufkaları kazanabileyim. Herkezinnän hepsi oldum, ki kurtarabileyim baarlem kimisini.

1 İoanın 2:14

Sizä yazdım, bobalar, zerä siz tanıdınız Onu, Kim taa baştandır. Sizä yazdım, delikannılar, zerä siz kaaviysiniz, Allahın sözü sizdä kalêr, hem kötü olanı ensediniz.

2 Tіmofeyä 2:1

Ölä ki, oolum, kaavilen hayırlan, ani İisus Hristozda.

Romalılara 4:20

O Allahın adamasında ikilämedi hem inansız olmadı, ama inanı kaavilendi da Allahı metinnedi.

Efeslіlerä 6:10

Bitkidä, kardaşlarım, kuvet alın Saabidän. O kaavilesin sizi Kendi büük kudredinnän.

2 Korіnflіlerä 12:10

Onuştan hoşluk bulêrım yufkalıkta, aşaalanmakta, zorlukta, koolamakta hem sıkıntıda Hristoz için. Zerä, açan yufkayım, ozaman bän kaaviyim.

1 Korіnflіlerä 4:10

Biz akılsızız Hristos için, ama Hristos sizi aarif yaptı! Biz yufkayız, siz sa kaaviysiniz! Siz metinniysiniz, biz ikramsız!

Romalılara 14:2

Birisi inanêr, ani var nasıl imää hepsindän, ama zayıf olan iyer sade eşillik.

Fіlіplіlerä 2:4

Düşünmeyin salt kendiniz için, ama başkası için dä düşünün.