Romalılara 12:12 - Enі Baalantı

¹² Umutlan sevinin, zeettä saburlu olun, kendinizi duaya verin.

Ени Бааланты

¹² Умутлан севинин, зееттӓ сабурлу олун, кендинизи дуайа верин.

Romalılara 12:12 Referans Kwoze

Romalılara 15:13

Allah, Kim umut bizä versin, sizi doldursun hertürlü sevinmäklän hem usluluklan inanınızda, ki Ayoz Duhun kuvedinnän sizi umutlan zenginnetsin.

Çıfıtlara 10:36

Sizä dayanmak lääzımdır, ki, tamannayıp Allahın istediini, kabledäsiniz, ne adanmış sizä.

1 Petrіnіn 4:13

Buna karşı, sevinin, çünkü pay alêrsınız İisus Hristozun zeetlerindä, ki Onun metinnii açılmasında da sevinäsiniz hem şennenäsiniz.

İakovun 5:7

Onuştan, kardaşlar, Saabinin gelmesinä kadar dayanın. Tä bakın, çiftçi dayanmaklan bekleer erin paalı berekedini, kabledincä erken hem geç yaamuru.

Çıfıtlara 6:15

Bitkidä Avraam dayanmaklan kabletti, ne adandı.

Çıfıtlara 6:12

İstämeeriz, haylaz olasınız, ama isteeriz benzeyäsiniz onnara, kim inannan hem dayanmaklan edenerlär adamakları.

Fіlіplіlerä 4:4

Sevinin Saabidä herzaman, taa bir sıra deerim, sevinin.

Çıfıtlara 12:1

Onuştan, çünkü bizi dolaylêêr çok şaatlar, bulut gibi, atalım bir tarafa hertürlü aarlıı hem hertürlü günahı, ani kolay dolaştırêr bizi, da dayanmaklan yarışalım o kaçmakta, ani önümüzdä.

Koloslulara 4:2

Herzaman verilin duaya. Dua edärkän, kuşku olun hem şükür edin.

2 Salonіklіlerä 3:5

Saabi doorutsun sizin üreklerinizi Allahın sevgisinä hem Hristozun dayanmasına.

1 Salonіklіlerä 5:8

Ama biz gündüz oolları, onuştan lääzım ayık olalım, güüsümüzä inan hem sevgi zirhini giiyelim, başımıza kurtulmak umut başlıını takalım.

Yaptıklar 1:14

Hepsi barabar, nicä bir can, durmadaan dua edärdilär, Mariyaylan, İisusun anasınnan, öbür karılarlan hem İisusun kardaşlarınnan.

1 Tіmofeyä 6:11

Ama sän, Allah adamı, kaç bunnardan da izlä dooruluu, Allahın yolunu, inanı, sevgilii, dayanmayı, yalpaklıı.

Çıfıtlara 10:32

Aklına getirin baştan vakıtları, açan aydınnıı gördüktän sora, çok savaşıp, acı çektiniz.

Koloslulara 4:12

Seläm yollêêr sizä Epafras, İisus Hristozun çıraa, ani sizdän. O herzaman çalışkan sizin için duada, ki olasınız taman hem kaavi inanda, tanıyarak hepsini, ne isteer Allah.

Koloslulara 1:11

kaavilenäsiniz hertürlü kuvetlän Onun metin kudredinä görä, ki hepsinä sevinçlän dayanasınız hem saburlu olasınız,

Çıfıtlara 5:7

Hristos, tencä yaşamasında, dua etti. Yaşlar gözlerindä büük seslän yalvardı Allaha, Angısı Onu ölümdän kurtarabilir. Onun allahçılıı için Allah Onu işitti.

Apokalіpsіs 13:10

Kim lääzım esirlää gitsin, esirlää gidecek, kim lääzım kılıçlan öldürülsün, kılıçlan öldürülecek. Bu halda Allahın ayoz halkı lääzım olsun sabur hem inanç.

2 Petrіnіn 1:6

bilginizä kendinizi zaplamak, zaplamanıza dayanmak, dayanmanıza allahçılık,

Çıfıtlara 3:6

Ama Hristos, nicä Ool, inançtı Allaha Kendi evindä. Onun evi – biz, eer kıyışmaklan /bitkiyädän/ koruyarsak umudu, neylän üüneriz.

2 Salonіklіlerä 1:4

Ölä ki, biz kendimiz üüneriz sizinnän Allahın kliselerindä, sizin dayanmanızlan hem inanınızlan hepsi koolamaklarda hem zeetlerdä, ani siz geçirersiniz.

1 Korіnflіlerä 13:13

Şindi kalêr bunnar üçü: inan, umut hem sevgi, ama sevgi onnardan taa büük.

Romalılara 15:4

Hepsi, ne öncä yazılıydı, yazıldı bizim üürenmemiz için, ki dayanmaklan hem havezlenmäklän Ayoz Yazılardan umudumuzu koruyalım.

Luka 21:19

Dayanmaklan siz kendinizi kurtaracenız.

Luka 8:15

Toomnar, ani düştülär ii topraa, onnar, kim, işidip sözü, koyêr ii hem temiz üreenä, da getirer bereket saburlukta». Söleyip bunu, O dedi: «Kimin var kulaa işitmää deyni, ko işitsin!»

1 Petrіnіn 4:7

Herbir işin bitkisi yakındır, onuştan akıllı olun, duaylan kuşkulukta bekleyin.

Tіta 2:13

Şindi bekleeriz bizim mutluluk umudu, bizim büük Allah hem Kurtarıcı İisus Hristos şannıkta peydalansın.

Koloslulara 1:27

Allah istedi göstersin onnara, nekadar şannı hem zengindir milletlär arasında bu saklı kurulmuş. O – Hristostur, metinnik umudu, ani sizdä bulunêr.

Romalılara 8:25

Ama eer umutlanarsaydık ona, ne görmeeriz, dayanmaklan onu bekleyäbiliriz.

Tіta 3:7

ki biz Onun iivergisinnän dooru sayılalım da, nicä umutlanêrız, mirasçı diveç yaşamakta olalım.

2 Tіmofeyä 3:10

Ama sän yakından izledin benim üüretmemi, yaşamamı, neetlerimi, inanımı, saburluumu, sevgimi, dayanmamı,

1 Salonіklіlerä 1:3

Dayma anêrız bizim Allah Bobanın önündä, nesoy inannan işleersiniz, nesoy sevgiylän savaşêrsınız, da nekadar dayanêrsınız, umudu koyarak bizim Saabi İisus Hristoza.

Fіlіplіlerä 3:1

Bitkidä, kardaşlarım, sevinin Saabidä. Bana diil aar yazmaa sizä hep o işleri, zerä bu sizi zarardan koruyar.

2 Korіnflіlerä 12:8

Üç kerä dua ettim Saabiyä, ki bundan kurtulayım.

Romalılara 2:7

Onnara, kim, dayma iilik yaparak, metinnik, ikram hem ölümsüzlük aarêêr, diveç yaşamak verecek.

Yaptıklar 12:5

Petri bulunurdu bekçilik altında, kapanda. Ama klisä haşlak dua edärdi onun için Allaha.

Yaptıklar 6:4

Ama biz kendimizi duaya hem Allahın sözünün nasaadına verecez».

Yaptıklar 2:42

Onnar herzaman çalışardılar apostolların üürenmeklerindä bir kardaş paydaşlıında. Barabar ekmek iyärdilär hem dua edärdilär.

Luka 10:20

Siz sevinmeyin, ani fena duhlar sizi sesleer, ama sevinin, ani adınız göklerdä yazılı».

Matfey 5:12

Sevinin hem şennenin, zerä büüktür sizin ödeeniz göklerdä. Hep ölä koolardılar prorokları, sizdän ileri.