Matfey 9:15 - Enі Baalantı

¹⁵ İisus dedi onnara: «Var mı nasıl düüncülär aalasınnar okadar vakıt, nekadar güvää yannarında? Gelecek vakıt, açan güvää alınacek onnardan, ozaman onnar oruç tutacek.

Ени Бааланты

¹⁵ Иисус деди оннара: «Вар мы насыл дӱӱнӂӱлӓр ааласыннар окадар вакыт, некадар гӱвӓӓ йаннарында? Гелеӂек вакыт, ачан гӱвӓӓ алынаӂэк оннардан, озаман оннар оруч тутаӂэк.

Matfey 9:15 Referans Kwoze

Apokalіpsіs 19:9

Angil dedi bana: «Yaz, ne mutlu teklif edilmişlär Kuzunun düününä!» Sora dedi bana: «Bunnar hakına sözlär – Allahın sözleri!»

İoan 3:29

Kimin var gelini, odur güvää. Güveenin yanında dostu durêr, sesleer onu, seviner hem şennener, işidip güveenin sesini. Bu sevinmeliim şindi tamannandı.

Apokalіpsіs 21:2

Bän, /İoan/, gördüm ayoz kasabayı, Eni İerusalimi, ani göktän, Allahtan inärdi, hazır gelin gibi, angısı donaklı kendi kocası için.

Yaptıklar 14:23

Herbir klisedä ayırdılar presviterleri, dua edip hem oruç tutup, verdilär onnarı Saabinin elinä, Angısına inandılar.

1 Korіnflіlerä 7:5

Biri-birinizdän atılmayın, salt kayıllıklan bir vakıda ayırı kalabilirsiniz, ki veriläsiniz duaya; ama sora enidän birleşin, ki zapsızlık beterinä şeytan denämesin sizi.

İoan 16:6

Ama bu lafların beterinä, ani söledim sizä, kahır bastı sizi.

2 Korіnflіlerä 11:27

çalışmakta, savaşmakta; çok kerä uykusuzlukta, aaçlıkta, susuzlukta; çok kerä oruçta, suukta, çıplaklıkta.

Matfey 9:14

Ozaman gelerlär Ona İoanın üürenicileri da deerlär: «Neçin biz hem fariseylär sık oruç tutêrız, ama Senin üürenicilerin oruç tutmêêrlar?»

Matfey 9:16

Kimsey eski rubaya eni yama yamamêêr, zerä o yama taa pek yırtêr rubayı. Sonda yırtık taa büük olêr.

Mark 2:19

Da dedi onnara İisus: «Var mı nasıl güveenin dostları oruç tutsunnar, açan güvää yannarında? Nekadar vakıt yannarında güvää, onnar oruç tutmazlar.

Mark 2:20

Gelecek vakıt, açan güvää alınacek onnardan, ozaman, o gün, onnar oruç tutacek.

Luka 5:34

İisus cuvap etti: «Var mı nasıl düüncülär oruç tutsunnar, açan güvää yannarında?

Luka 5:35

Gelecek vakıt, açan güvää alınacek onnardan, ozaman, o günnerdä onnar oruç tutacek».

Luka 17:22

Sora dedi üürenicilerinä: «Gelecek vakıt, açan pek isteyeceniz göräsiniz Adam Oolunun günnerindän birini, ama görämeyeceniz.