Matfey 6:30 - Enі Baalantı

³⁰ Çünkü Allah bölä giidirer kır otunu, ani büün var, ama yaarın ateşä atılacek, acaba taa çok giidirmeyecek mi sizi, az inancılar?

Ени Бааланты

³⁰ Чӱнкӱ Аллах бӧлӓ гиидирер кыр отуну, ани бӱӱн вар, ама йаарын атешӓ атылаӂэк, аӂаба таа чок гиидирмейеӂек ми сизи, аз инанӂылар?

Matfey 6:30 Referans Kwoze

Luka 12:28

Çünkü Allah bölä giidirer otu, ani büün kırda, ama yaarın ateşä atılacek, nekadar taa çok giidirecek sizi, az inancılar?

Matfey 14:31

Çabuk İisus uzattı elini, tuttu onu da dedi: «Az inancı, neçin ikiledin?»

1 Petrіnіn 1:24

Zerä «insan ota benzeer, onun bütün şanı bir kır çiçää gibi. Ot kuruyêr, çiçek düşer,

Matfey 16:8

İisus annardı onnarın düşünmeklerini da dedi: «Az inancılar, neçin lafedersiniz biri-birinizlän, ani yok ekmeeniz?

Matfey 8:26

İisus dedi onnara: «Neçin korkêrsınız, az inancılar?» Sora kalktı, azarladı lüzgeri hem dalgaları, da birdän bir büük usluluk oldu.

İoan 20:27

Sora deer Fomaya: «Ver parmaanı da bak Benim ellerimä, ver elini da yokla Benim iyemi da olma inansız, ama ol inancı».

Mark 4:40

Sora dedi üürenicilerinä: «Neçin ölä korkaksınız? Ne, sizdä taa yok mu inan?»

Çıfıtlara 3:12

Kardaşlar, bakın, olmasın sizdän birisindä fena hem inansız bir ürek, angısı atılêr diri Allahtan.

Luka 9:41

«Bozuk hem inansız senselä! Nezamanadan olacam sizinnän da dayanacam sizä? – dedi İisus. – Getirin onu burayı».

Mark 9:19

«İnansız senselä! – dedi İisus. – Nekadar vakıt taa sizinnän olacam? Nekadar vakıt dayanacam sizä? Getirin onu Bana».

Matfey 17:17

«İnansız hem şaşırık senselä! Nekadar vakıt taa sizinnän olacam? Nekadar vakıt dayanacam sizä? Getirin onu Bana», – cuvap etti İisus.