Matfey 23:37 - Enі Baalantı

³⁷ İerusalim, İerusalim, ani öldürersin prorokları hem taşlan düüyersin sana yollanılmışları! Kaç sıra istedim toplayım senin uşaklarını, nicä kloçka toplêêr piliçlerini kanatları altına, ama siz istämediniz!

Ени Бааланты

³⁷ Иерусалим, Иерусалим, ани ӧлдӱрерсин пророклары хем ташлан дӱӱйерсин сана йолланылмышлары! Кач сыра истедим топлайым сенин ушакларыны, ниӂӓ клочка топлээр пиличлерини канатлары алтына, ама сиз истӓмединиз!

Matfey 23:37 Referans Kwoze

Matfey 23:30

Siz deersiniz: „Eer biz yaşayaydık bizim dedelerin vakıdında, kayıl olmayaceydık prorokların kanını dökmää“.

Matfey 22:3

Yolladı çıraklarını, çaarılmışları düünä teklif etsinnär, ama onnar istämedilär gelmää.

Matfey 5:12

Sevinin hem şennenin, zerä büüktür sizin ödeeniz göklerdä. Hep ölä koolardılar prorokları, sizdän ileri.

1 Salonіklіlerä 2:15

ani öldürdülär Saabi İisusu hem Allahın proroklarını, bizi dä kooladılar. Allahı gücendirerlär hem hepsi insana karşı durêrlar,

Matfey 22:6

Taa başkaları tuttular çırakları, gülmää alıp, öldürdülär onnarı.

Apokalіpsіs 17:6

Gördüm, ani bu karı sarfoş olmuştu Allahın ayoz halkı kanından, İisusun şaatları kanından. Sarp şaştım, açan onu gördüm.

Luka 15:28

O üfkelendi da girsin içeri istämedi. Onun bobası, çıkıp dışarı, yalvardı, girsin.

Matfey 23:31

Butakım siz kendi-kendinizä karşı şaatlık edersiniz, ani siz prorok öldürücülerin oollarıysınız.