Matfey 21:39 - Enі Baalantı

³⁹ Tuttular onu, çıkardılar baadan bir tarafa da öldürdülär.

Ени Бааланты

³⁹ Туттулар ону, чыкардылар баадан бир тарафа да ӧлдӱрдӱлӓр.

Matfey 21:39 Referans Kwoze

Yaptıklar 2:23

Bu Adam verildi sizin elinizä öncä Allahın kurulmuşuna hem bilmesinä görä. Onu siz enserlediniz stavroza hem öldürdünüz zakonsuzların ellerinnän.

İakovun 5:6

Siz kabaatlandırdınız hem öldürdünüz kabaatsız insannarı, angıları sizä karşı duramadılar.

Yaptıklar 7:52

Dedeleriniz prorokların angısını koolamadılar? Öldürdülär onnarı da, kim öncä haberledi Dooru Olanın gelmesi için, Angısını siz şindi sattınız hem öldürdünüz.

İoan 18:12

Binbaşı, asker bölüü hem iudeylerin bekçileri tuttular da baaladılar İisusu.

Matfey 26:57

İisusu tutannar götürdülär Onu baş popaza, Kayafaya, kimin evindä toplanmıştı bilgiçlär hem aksakallar.

Yaptıklar 5:30

Bizim bobalarımızın Allahı diriltti İisusu, Kimi siz, asıp stavroza, öldürdünüz.

Yaptıklar 4:10

biliniz siz hem bütün İzrail milleti! Bu adam, heptän saa durêr sizin önünüzdä Nazaretli İisus Hristozun adından, Angısını siz stavroza gerdiniz, ama Allah diriltti Onu ölüdän.

İoan 18:24

Ozaman Annan yolladı Onu baalı baş popaza, Kayafaya.

Matfey 26:50

İisus dedi ona: «Dostum, ne geldin yapmaa, yap!» Ozaman insannar yaklaştılar İisusa da, uzadıp ellerini, tuttular Onu.

Matfey 21:38

Ama baacılar, açan gördülär oolunu, dedilär biri-birinä: „Tä çorbacının oolu, haydi öldürelim onu, da baa bizä kalacek“.

Matfey 21:40

Şindi, açan gelecek baayın çorbacısı, ne yapacek bu baacılarlan?»