Matfey 14:6 - Enі Baalantı

⁶ İrodun duuma günü yortusunda İrodiadanın kızı oynadı konakların önündä, da İrod pek beendi.

Ени Бааланты

⁶ Иродун дуума гӱнӱ йортусунда Иродиаданын кызы ойнады конакларын ӧнӱндӓ, да Ирод пек беенди.

Matfey 14:6 Referans Kwoze

Mark 6:17

Zerä İrod kendisi yolladıydı, tutsunnar da kapasınnar İoanı zındana, İrodiadanın beterinä, angısı Filipin, İrodun kardaşının, karısıydı, ama İrod ona evlenmişti.

Matfey 22:24

«Üüredici, Moisey dedi: „Eer birkimsey ölärseydi taa uşaa olmadıynan, onun kardaşı lääzım evlensin bu karıya da kaldırsın uşak ölmüş kardaşına tamızlık için“.

Luka 3:19

İoan takazaladı İrod beyi o beterä, ani o aldı kendinä kendi kardaşının Filipin karısını, İrodiadayı, hem hepsi başka kötü işleri için dä.

Mark 6:19

Onuştan İrodiada kin güdärdi İoana da bakardı öldürtmää onu, ama yoktu kolaylıı.

Matfey 14:3

İrod, tutup İoanı, baaladıydı da attıydı zındana, İrodiadanın beterinä, ani İrodun kardaşının, Filipin, karısıydı.

Matfey 14:7

Onuştan İrod adadı eminnän, ani verecek ona hepsini, ne o isteyecek.

Mark 6:14

Padişah İrod işitti İisus için, zerä Onun adı hererdä anılardı. Kimisi deyärdi: «İoan Vaatizedici ölüdän dirildi, onuştan yapabiler kudretli işlär».

Mark 8:15

İisus haberledi onnarı, deyip: «Bakın, korunun fariseylerin hem İrodun mayasından!»

Luka 3:1

Padişah Tiveriy Kesarın onbeşinci çorbacılık yılında Pontiy Pilat kullanıcıydı İudeyada. İrod Galileyanın kullanıcısıydı. Filip, İrodun kardaşı, kullanıcıydı İtureya hem Trahonit erlerindä. Lisaniy kullanıcıydı Avilini erlerindä.

Luka 8:3

İoana, Huzanın karısı, ani İrodun evini kullanardı; Susanna hem başkaları. Onnar yardım edärdilär neylän vardı kolaylıkları.

Luka 13:31

O saat geldi birkaç farisey da dedilär İisusa: «Çık da git buradan, zerä İrod öldürmää isteer Seni».

Luka 23:7

Açan annadı, ani İisus İrodun kullanmasından, Onu İroda yolladı, angısı o günnerdä İerusalimdeydi.

Luka 23:11

İrod kendi askerlerinnän aşaalattı hem gülmää aldı İisusu, giidirdi Onu yalabık rubaylan, sora geeri yolladı Pilata.

Yaptıklar 4:27

Dooru, ani birleştilär bu kasabada İrod hem Pontiy Pilat, tayfännarlan hem İzrail milletinnän bilä, Senin ayoz Ooluna, İisusa karşı, Kimi Sän yaaladın,

Yaptıklar 12:1

O vakıt padişah İrod tutturdu klisedän kimisini, neetlenip onnara kötülük yapsın.