Matfey 13:3 - Enі Baalantı

³ O lafetti onnara örneklärlän çok işlär için da dedi: «Tä ekici çıktı toom ekmää.

Ени Бааланты

³ О лафетти оннара ӧрнеклӓрлӓн чок ишлӓр ичин да деди: «Тӓ екиӂи чыкты тоом екмӓӓ.

Matfey 13:3 Referans Kwoze

Mark 4:13

Sora sordu onnara: «Annamêêrsınız bu örnää mi? Ozaman nesoy annayacenız kalan örnekleri?

Mark 4:33

İisus bunun gibi çok örneklärlän nasaat etti Allahın sözünü onnara, nekadar onnar annayabildilär.

Matfey 13:53

İisus, açan durgundu lafetmää örneklän, gitti oradan.

Mark 12:12

Onnar bakardılar tutsunnar İisusu, ama korkardılar insandan. Zerä annadılar, ani İisus onnar için söledi bu örnää. Sora braktılar Onu da gittilär.

İoan 16:25

Bunnarı annattım sizä örneklärlän, ama geler vakıt, açan artık örneklärlän lafetmeyecäm, ama açık lafedecäm sizinnän Boba için.

Luka 12:41

«Saabi, bizim için mi söleersin bu örnää osa hepsi için mi?» – sordu Petri.

Luka 8:10

O cuvap etti: «Sizä verildi, annayasınız Allahın Padişahlıının saklılıklarını, ama kalanına sölener örneklärlän. Ölä ki, onnar baksın, da görmesin, işitsin, da annamasın.

Mark 12:1

İisus başladı onnara sölemää örneklärlän: «Bir adam koydu bir baa, dolayladı aullan, kazdı er üzüm täskası için, yıvdı bir bekçi külesi, sora, baayı verip baacılara, gitti başka memleketä.

Mark 3:23

İisus topladı onnarı da lafetti örneklärlän: «Nesoy şeytan var nasıl şeytanı çıkarsın?

Matfey 24:32

İncir fidanından örnek alın. Açan dalları yımışêêrlar, hem yaprakları eşererlär, bilersiniz, ani yaz yakın.

Matfey 22:1

İisus, enidän lafedip, onnara örneklärlän söledi:

Matfey 13:4

Açan ekärdi, toomnardan birazı düştü yol boyuna. Kuşlar kondular da idilär onnarı.