Mark 8:11 - Enі Baalantı

¹¹ Hemen geldi fariseylär da başladılar çekişmää İisusa, ki denesinnär Onu. İstärdilär Ondan bir nışan göktän.

Ени Бааланты

¹¹ Хемен гелди фарисейлӓр да башладылар чекишмӓӓ Иисуса, ки денесиннӓр Ону. Истӓрдилӓр Ондан бир нышан гӧктӓн.

Mark 8:11 Referans Kwoze

1 Korіnflіlerä 10:9

Denämeyelim Saabiyi, nicä onnardan kimisi denedi da yılannardan öldürüldülär.

Matfey 12:38

Bundan sora bilgiçlerdän hem fariseylerdän kimisi dedilär: «Üüredici, isteeriz gösteräsin bir nışan!»

İoan 4:48

İisus dedi: «Siz, meraklı nışannar hem şaşmaklı işlär görmeyincä, inanmêêrsınız!»

Luka 11:16

Başkaları, ki denesinnär İisusu, istärdilär bir nışan göktän göstersin.

Yaptıklar 5:9

Petri dedi ona: «Nasıl siz annaştınız, ki Saabinin Duhunu deneyäsiniz? Tä onnar, kim gömdü senin kocanı, kapuya etiştilär, onnar seni dä gömeceklär».

İoan 7:48

İnandı mı acaba bir önderci eki bir farisey Ona?

İoan 6:30

Buna onnar cuvap ettilär: «Ne nışan gösteräbilirsin bizä, ki görelim da inanalım Seni? Ne iş Sän yapêrsın?

Luka 10:25

Bir zakon üüredicisi kalktı denesin İisusu da dedi: «Üüredici, ne yapayım, ki diveç yaşamak edeneyim?»

Mark 12:15

İisus tanıdı onnarın ikiüzlülüklerini da dedi onnara: «Neçin Beni deneersiniz? Getirin bir dinar, ki göreyim onu».

Mark 2:16

Kimi bilgiçlär fariseylerdän gördülär, ani harççılarlan hem günahkerlärlän bilä iyer, onun için dedilär Onun üürenicilerinä: «Neçin O iyer /hem içer/ harççılarlan hem günahkerlärlän barabar?»

Matfey 22:23

Hep o günü İisusa geldi sadukeylär, angıları deerlär, ani yok dirilmäk, da sordular:

Matfey 22:18

Ama İisus, bileräk onnarın kötü neetlerini, dedi: «Neçin Beni deneersiniz, ikiüzlülär?

Matfey 22:15

Ozaman fariseylär gidip annaştılar, nesoy tutsunnar İisusu laflan.

Matfey 21:23

İisus girdi Ayoz bina auluna, da, açan üüredärdi insanı, geldilär büük popazlar hem halk aksakalları da dedilär Ona: «Ne zaabitliklän yapêrsın bu işleri, hem kim verdi Sana bu zaabitlii?»

Matfey 19:3

Fariseylär geldilär denesinnär Onu deyni, da dedilär: «Düşer mi adam ayırılsın karısından herbir sebep beterinä?»

İoan 8:6

Söledilär bunu, ki denesinnär Onu da kabaatlandırabilsinnär. Ama İisus aşaa iildi da parmaannan erdä yazardı.

Mark 9:16

O sordu onnara: «Ne dartışêrsınız onnarlan?»