Mark 13:33 - Enі Baalantı

³³ Bakın, kuşku olun, /dua edin,/ zerä bilmeersiniz, nezaman o vakıt gelecek.

Ени Бааланты

³³ Бакын, кушку олун, /дуа един,/ зерӓ билмеерсиниз, незаман о вакыт гелеӂек.

Mark 13:33 Referans Kwoze

Efeslіlerä 6:18

Herzaman duhça dua edin hertürlü dualarlan hem yalvarmaklarlan. Bunun için uyanık durun bütün dayanmaklan hem yalvarmaklan Allahın hepsi ayoz halkı için.

Luka 12:40

Siz dä olun hazır, zerä Adam Oolu gelecek o saatta, açan hiç düşünmeersiniz».

Apokalіpsіs 16:15

«Tä, Bän gelerim, bir hırsız gibi! Ne mutlu, kim uyanık durêr hem hazır tutêr kendi rubalarını, ki çıplak gezmesin da ayıplıı görünmesin!»

1 Petrіnіn 5:8

Ayık hem kuşku olun, zerä sizin duşmanınız diavol gezer bir hırlayan aslan gibi da aarêêr, kimi yutsun.

1 Petrіnіn 4:7

Herbir işin bitkisi yakındır, onuştan akıllı olun, duaylan kuşkulukta bekleyin.

Matfey 25:13

Ölä ki, kuşku olun, zerä bilmeersiniz, ne günü hem ne saatta Adam Oolu gelecek.

Apokalіpsіs 3:2

Kuşku ol, ölümä yakın işleri kaavilä, zerä senin yaptıklarını taman bulmadım Benim Allahımın önündä.

1 Korіnflіlerä 16:13

Kuşku olun, inanda kaavi durun, girgin hem kuvetli olun.

Mark 13:23

Siz korunun. Tä, Bän vakıtlan sizä hepsini haberledim.

Çıfıtlara 12:15

Esap alın, ki birkimsey kaçırmasın Allahın hayırını. Bir zihirli kök, peydalanıp, sizä zarar yapmasın da ulaştırmasın çoyunu.

Romalılara 13:14

Saabi İisus Hristos sizi korusun, siläh gibi. Bakmayın tamannamaa tenin istediklerini.

Koloslulara 4:2

Herzaman verilin duaya. Dua edärkän, kuşku olun hem şükür edin.