Luka 8:18 - Enі Baalantı

¹⁸ Bakın, nicä sesleersiniz, zerä kimdä var, ona taa çok verilecek, ama kimdä yok, ondan alınacek, ne sanêr, ani var onda».

Ени Бааланты

¹⁸ Бакын, ниӂӓ сеслеерсиниз, зерӓ кимдӓ вар, она таа чок верилеӂек, ама кимдӓ йок, ондан алынаӂэк, не санэр, ани вар онда».

Luka 8:18 Referans Kwoze

Matfey 13:12

Zerä kimdä var, ona taa çok verilecek hem zeedelenecek, ama kimdä yok, ondan alınacek, neyi dä var.

Luka 19:26

Çorbacı dedi: „Sizä söleerim, kimdä var, ona taa verilecek, kimdä yok, ondan alınacek, neyi dä var.

Matfey 25:29

Zerä kimdä var, ona taa verilecek, ama kimdä yok, ondan alınacek, neyi dä var.

İoan 15:2

Herbir çıbık, ani üzüm yapmêêr Bendä, onu keser, ama herbir çıbık, ani üzüm yapêr, onu paklêêr, ki yapsın taa çok üzüm.

Çıfıtlara 2:1

Onuştan lääzım taa çok esap alalım sözleri, ne işideriz, ki bunnardan birtürlü sürüklenip, yıraklanmayalım.

1 Korіnflіlerä 14:37

Eer birkimsey sayarsaydı kendini prorok, Duhtan kullanılı, ozaman lääzım annasın, ani ne yazêrım sizä, Saabinin sımarlaması.

1 Korіnflіlerä 8:2

Kim sanêr, ani biler bişey, o bişey bilmeer, nicä lääzım bilsin.

1 Korіnflіlerä 3:18

Kimsey kendini aldatmasın. Eer sizdän birkimsey sayarsaydı kendini aarif bu zamanda, o lääzım «akılsız» olsun, ki etişsin hakına aariflää.

Romalılara 12:3

Allahın iivergisinnän, ani bana verilmiş, sizä hepsinizä deerim: düşünmeyin kendiniz için taa üstün, nekadar lääzım. Ama ii düşünün o inan ölçüsünä görä, nekadar Allah herkezinä verdi.

Yaptıklar 17:11

Bunnar taa açık fikirliydilär, nekadar iudeylär Saloniktä. Onnar kablettilär Allahın sözünü büük havezlän. Her gün, aaraştırıp Ayoz Yazıları, bakardılar annasınnar, ölä mi, nicä sölener.

Yaptıklar 10:33

Osaat yolladım senin ardına, da islää yaptın, ani geldin. Şindi biz hepsimiz durêrız Allahın önündä, ki sesleyelim hepsini, ne Saabi sımarladı sana».

Luka 9:44

«Esap alın, ne söleerim sizä: Adam Oolu verilmiş olacek insanın elinä!»

Fіlіplіlerä 3:4

Aslıda bän dä var nicä umudumu koyayım insan işlerinä. Eer birkimsey sanarsa, ani var nasıl umutlansın insan işlerinä, bän taa çok umutlanabilerim.

Mark 13:14

Açan göreceniz dikili, neredä düşmeer, iirenç işi, ani bozgunculuk yapêr, /angısı için lafetti prorok Daniil,/ – kim okuyêr, annasın – ozaman kim olacek İudeyada, kaçsın bayırlara.