Koloslulara 2:19 - Enі Baalantı

¹⁹ da tutunmêêr Baştan, Kimdän bütün güüdä ekleri hem baalantıları yardımınnan beslener hem birleştiriler, da başarêr, büüyeräk Allahın yardımınnan.

Ени Бааланты

¹⁹ да тутунмээр Баштан, Кимдӓн бӱтӱн гӱӱдӓ еклери хем баалантылары йардымыннан бесленер хем бирлештирилер, да башарэр, бӱӱйерӓк Аллахын йардымыннан.

Koloslulara 2:19 Referans Kwoze

2 Petrіnіn 3:18

Ama kaavilenin bizim Saabi hem Kurtarıcı İisus Hristozun iivergisinnän hem Onu tanımaklan. Ona metinnik olsun şindi hem divecinä. Amin.

1 Petrіnіn 3:8

Olun hepsiniz bir neettä, pay alın başkalarının zorluklarında, kardaşları sevin, yalpak hem münüz ürekli olun.

Koloslulara 2:2

İsteerim, ani onnarın ürekleri hoşlansın hem sevgiylän birleşsinnär, ki taman bilimin bütün zenginiini edensinnär da tanısınnar Allahın saklı kurulmuşunu, ani Hristostur,

1 Salonіklіlerä 4:10

Aslı, ani seversiniz hepsi kardaşları, kim bulunêr Makedoniyada, ama sizä yalvarêrız, kardaşlar, bu üzerä taa ilerleyin.

1 Salonіklіlerä 3:12

Saabi zeedelesin hem taştırsın sevginizi biri-birinizä hem hepsinä, nicä dä biz sizi severiz,

2 Salonіklіlerä 1:3

Herzaman doorulaa görä borçluyuz şükür edelim Allaha sizin için, kardaşlar, zerä inanınız pek büüyer hem sevginiz biri-birinizä zeedelener.

Koloslulara 1:18

Odur güüdenin, klisenin Başı. Odur – kliseyi başlayan, ölülerdän ilkinkisi, ki herbir iştä ilk eri alsın.

Koloslulara 1:10

Dua ederiz, ani yaşamanız Saabiyä yakışsın da herbir iş üzerä beendiräsiniz kendinizi Ona, hertürlü iiliklärlän meyva getiräsiniz hem ilerleyäsiniz Onu tanımakta,

Fіlіplіlerä 1:27

Sade yakışıklı yaşayınız Hristozun İi Haberinä görä, ki eer gelirsäm da görürsäm sizi, eki gelmärsäm, işideyim sizin için, ani duhça birliktä durêrsınız, nicä bir can savaşarak, ki İi Haber inanılsın,

Efeslіlerä 5:29

Zerä kimsey bir sıra bilä kendi güüdesinä kin gütmedi, ama onu besleer hem yısıdêr, nicä Hristos kliseyi.

Efeslіlerä 4:3

Çalışın korumaa Duhun birliini usluluklan, ani baalêêr sizi biri-birinizlän.

Efeslіlerä 1:22

Hepsini koydu ayakları altına da yaptı Onu, ki hepsinä baş olsun klisedä,

1 Korіnflіlerä 3:6

Bän ektim toomu, Apollos yısladı, ama Allah büüttü.

1 Korіnflіlerä 1:10

Yalvarêrım, kardaşlar, bizim Saabi İisus Hristozun adınnan, hepsiniz annaşın, da olmasın ayırıklık aranızda. Olun birliktä, bir neettä hem bir düşünmektä.

Romalılara 11:17

Zeytin fidanından kimi dallar kesildi, da sän, yaban zeytin fidanından filiz, haşlandın onnarın erinä. Aslı zeytin fidanın semiz kökündän suyu çekersin.

Yaptıklar 4:32

Hepsi inancılar bir ürek hem bir can gibiydilär. Birisi bilä demärdi, ki varlıı salt kendisinin. Hepsi işlerini biri-birinnän paylaşardılar.

İoan 17:21

Dua ederim, ki hepsi olsunnar birliktä, nicä Sän, Boba, Bendä, Bän dä Sendä, onnar da olsunnar Bizdä, ki dünnä inanabilsin, ani Sän Beni yolladın.

1 Korіnflіlerä 11:3

Ama isteerim biläsiniz, ani herbir adamın başı – Hristos, karının başı – kocası, ama Hristozun başı – Allah.

Efeslіlerä 1:23

angısı Onun güüdesidir hem angısı doldurêr Onu, Kim doldurêr hepsini herbir iş üzerä.

Efeslіlerä 2:21

Onda bütün yapı, uygun birliktä toplu, üüselip, olsun bir ayoz bina Saabinin izmetindä.

Luka 5:38

Ama eni şarabı lääzım dökmää eni tulumnar içinä. /Ozaman korunêr ikisi dä./