İoan 6:54 - Enі Baalantı

⁵⁴ Kim iyer Benim güüdemi hem içer benim kanımı, onun var diveç yaşaması. Onu dirildecäm bitki gündä.

Ени Бааланты

⁵⁴ Ким ийер Беним гӱӱдеми хем ичер беним канымы, онун вар дивеч йашамасы. Ону дирилдеӂӓм битки гӱндӓ.

İoan 6:54 Referans Kwoze

Galatіyalılara 2:20

Bän stavroza gerilmiş oldum Hristozlan barabar. Şindän sora bän yaşamêêrım, ama Hristos bendä yaşêêr. Bu yaşamak, ani şindi yaşêêrım güüdeylän, yaşêêrım inannan Allahın Ooluna, Angısı beni sevdi da Kendisini benim için verdi.

İoan 6:47

Dooru, dooru söleerim sizä: kim inanêr /Bana/, onun var diveç yaşaması.

İoan 6:63

Yaşamak verän duhtur. Güüdä bişeyä yardım etmeer. Bu laflar, ani sizä söledim, duhtur hem ömürdür.

İoan 6:27

Çalışın diil geçär imäk için, ama geçmäz imäk için, ani diveç yaşamaya götürer. Bunu sizä Adam Oolu verecek. Zerä Adam Oolunu Allah Boba nışannadı Kendi mühürünnän».

İoan 4:14

ama kim içecek o sudan, ani Bän verecäm, diveç susuz kalmayacek. Ama su, ani ona verecäm, onda bir sızıntı olacek, da diveç yaşamaya getirecek».

İoan 6:55

Zerä Benim güüdäm – hakına imäk hem Benim kanım – hakına içmäk.