İoan 5:23 - Enі Baalantı

²³ ki hepsi ikramnasınnar Oolunu, nicä ikramnêêrlar Bobayı. Kim ikramnamêêr Oolu, o ikramnamêêr Bobayı, Angısı yolladı Onu.

Ени Бааланты

²³ ки хепси икрамнасыннар Оолуну, ниӂӓ икрамнээрлар Бобайы. Ким икрамнамээр Оолу, о икрамнамээр Бобайы, Ангысы йоллады Ону.

İoan 5:23 Referans Kwoze

1 İoanın 2:23

Herkez, kim atılêr Ooldan, onda yok Boba. /Ama kim açık kableder Oolu, onda var Boba./

Luka 10:16

Kim sesleyecek sizi, Beni sesleyecek. Kim sizdän atılacek, Bendän atılacek. Ama kim Bendän atılacek, o atılacek Ondan, Kim Beni yolladı».

2 İoanın 1:9

Kim sırayı basêr da tutunmêêr İisusun üüretmesindän, onda yok Allah. Kim tutunêr /Hristozun/ üüretmesindän, onda var hem Boba, hem Ool.

Matfey 11:27

Hepsini Bobam Benim elimä verdi. Kimsey heptän annamêêr Oolu, Bobadan kaarä, hem kimsey heptän annamêêr Bobayı, Ooldan kaarä, hem onnardan, kimä Ool isteer açmaa.

Çıfıtlara 1:6

Hep ölä, Kendi ilk duumuşunu dünneyä getirirkän, deer: «Allahın hepsi angilleri Ona baş iiltsinnär».

Efeslіlerä 6:24

İivergi olsun hepsinnän, kim sever Saabimizi İisus Hristozu ölümsüz sevgiylän. /Amin./

2 Petrіnіn 3:18

Ama kaavilenin bizim Saabi hem Kurtarıcı İisus Hristozun iivergisinnän hem Onu tanımaklan. Ona metinnik olsun şindi hem divecinä. Amin.

Romalılara 8:9

Ama siz tendän zaplı diilsiniz, ama Duhtan, eer Allahın Duhu sizdä yaşarsaydı. Kimdä yok Hristozun Duhu, o diil Onun.

1 Korіnflіlerä 10:31

Ölä ki, hepsi, ne iyersiniz hem içersiniz, hem hepsi, ne yapêrsınız, hepsini yapın Allahın metinnii için.

Romalılara 6:22

Ama şindi, açan günahtan boşanmışsınız hem Allaha çırak oldunuz, bundan faydanız var: ayozlukta yaşêêrsınız, hem bunun sonu – diveç yaşamak.

İoan 16:14

O Beni metinneyecek, zerä alacek ondan, ne var Bendä, da sizä açacek.

1 Korіnflіlerä 6:19

Ne, bilmeersiniz mi, ani güüdeniz – Duhun ayoz binası, neredä Ayoz Duh bulunêr, hem Onu Allahtan kablettiniz? Siz kendi-kendinizin diilsiniz.

Matfey 12:21

Milletlär Onun adına umutlanaceklar».

2 Tіmofeyä 1:12

Bu beterä bän bölä zeetlenerim, ama hiç utanmêêrım, zerä bilerim, Kimä inandım hem çok inanêrım, ani Onun var kuvedi o Günä kadar, korusun onu, ne bana verildi.

2 Korіnflіlerä 5:19

Zerä Allah Hristozun aracılıınnan barıştırdı dünneyi Kendisinnän, koymayarak esaba insannarın günahlarını, da verdi bizä barışmak haberini.

2 Korіnflіlerä 1:9

Kendimizi duyduk, sansın ölüm döşeendä. Bu oldu, ki umutlanmayalım kendimizä, ama Allaha, Ani ölüleri dirilder.

1 Korіnflіlerä 1:3

İivergi hem usluluk sizä Allahtan, bizim Bobadan, hem Saabi İisus Hristozdan.

İoan 14:1

Kahırlanmayın. İnanın Allaha hem inanın Bana.

Matfey 10:37

Kim sever bobasını hem anasını Bendän taa çok, o Bana yakışık diildir. Kim sever oolunu eki kızını Bendän taa çok, Bana yakışık diildir.

2 Korіnflіlerä 5:14

Zerä Hristozun sevgisi bizi dürtär, da biz düşüneriz, ani eer birisi hepsi için öldüseydi, ozaman hepsi öldü.

1 Korіnflіlerä 16:22

Eer birkimsey sevmärseydi Saabi İisus Hristozu, olsun betvalı. Marana fa!

Romalılara 15:12

Hep ölä İsaya deer: «İesseyin kökündän bir filiz çıkacek, Angısı üüselecek, çorbacı milletlerä olsun, milletlär dä Ona umutlanaceklar».

Romalılara 1:7

Hepsinizä, Romada olannara, sevilmiş Allahtan, çaarılmış ayoz olmaa – iivergi hem usluluk sizä bizim Boba Allahtan hem Saabi İisus Hristozdan!

İoan 17:10

Hepsi, kim Benim, onnar Senin dä, hem kim Senin, onnar Benim dä. Bän dä onnarlan metinnenmiş oldum.

Matfey 28:19

Gidin da hepsi milletleri Bana üürenici yapın, vaatiz edip onnarı Bobanın hem Oolun hem Ayoz Duhun adına.

2 Petrіnіn 1:1

Bän, Simon Petri, İisus Hristozun kulu hem apostolu, seläm yollêêrım hepsinä, kim bizim Allah hem Kurtarıcı İisus Hristozun dooruluuna görä, kabletti inanı, ani bizim inan gibi paalıdır.

Matfey 15:8

„Bu insan Beni ikramnêêr sade aazınnan, ama üreklerinnän uzak Bendän durêr.