İoan 3:6 - Enі Baalantı

⁶ Ne duulmuş ettän, o et, ama ne duulmuş Duhtan, o duh.

Ени Бааланты

⁶ Не дуулмуш еттӓн, о ет, ама не дуулмуш Духтан, о дух.

İoan 3:6 Referans Kwoze

2 Korіnflіlerä 5:17

Ölä ki, kim Hristozda, o bir eni adam. Eski işlär geçti, şindi hepsi eni oldu.

1 İoanın 3:9

Kim Allahtan duulmuş, o günah yapmêêr, zerä Allahın toomu onda kalêr. O yok nicä günah yapsın, zerä Allahtan duulmuş.

1 Korіnflіlerä 6:17

Ama kim birleşer Saabiylän, Onunnan bir duh olêr.

Romalılara 7:18

Bilerim, ani bendä, doorusu, benim tenimdä, yok iilik. Bendä var ii istemeklär, ama yok kuvet, yapayım ne ii.

Romalılara 8:13

Zerä eer yaşarsaydınız tenä görä, öleceniz. Ama Duhlan öldürürseydiniz güüdenin kötü yaptıklarını, ozaman yaşayacenız.

Efeslіlerä 2:3

Onnarın arasında biz hepsimiz dä vakıdın birindä yaşardık tenimizin havezlerinä görä. Tamannardık tenimizin hem aklımızın istediklerini. Haliz halımızda biz daavalı olmuştuk Allahın üfkesinä, nicä dä kalan insannar.

Koloslulara 2:11

Ondan kesikli oldunuz diil bir el kesikliinnän, ama soyunarak tencä tabeetlerinizdän kesikliklän, ani Hristos yaptı,

Galatіyalılara 5:24

Ama kim Hristozun, onnar stavroza gerdilär teni onun hamellerinnän hem istemeklerinnän.

İoan 1:13

angıları diil kandan, diil ettän hem diil adam istediindän, ama Allahtan duudu.

Romalılara 7:5

Zerä, yaşarkan tenimizä görä, günahker havezleri, Zakondan debreştirilmiş, işlärdilär bizim güüdemizin eklerindä, da yaptıklarımızın meyvası ölümdü.

Romalılara 7:25

Şükür ederim Allaha, Saabimiz İisus Hristos kurtarêr beni. Ölä ki, bän kendim fikirimnän izmet ederim Allahın Zakonuna, ama tenimnän izmet ederim günah zakonuna.

İoan 3:7

Şaşma buna, ani deerim: „Lääzım duuasınız enidän“.