İoan 3:29 - Enі Baalantı

²⁹ Kimin var gelini, odur güvää. Güveenin yanında dostu durêr, sesleer onu, seviner hem şennener, işidip güveenin sesini. Bu sevinmeliim şindi tamannandı.

Ени Бааланты

²⁹ Кимин вар гелини, одур гӱвӓӓ. Гӱвеенин йанында досту дурэр, сеслеер ону, севинер хем шенненер, ишидип гӱвеенин сесини. Бу севинмелиим шинди таманнанды.

İoan 3:29 Referans Kwoze

Matfey 9:15

İisus dedi onnara: «Var mı nasıl düüncülär aalasınnar okadar vakıt, nekadar güvää yannarında? Gelecek vakıt, açan güvää alınacek onnardan, ozaman onnar oruç tutacek.

Apokalіpsіs 21:9

Edi angildän birisi, angılarında vardı edi çölmek, dolu edi bitki belalarlan, gelip, lafetti benimnän: «Gel, – dedi, – gösterecäm sana Kuzunun gelinini, karısını!»

Fіlіplіlerä 2:2

Onuştan benim sevinmemi doldurun: olun bir neettä hem bir sevgiliktä, nicä bir canda hem fikirliktä.

İoan 16:24

Şindiyä kadar bişey istämediniz Benim adıma. İsteyiniz, da kabledeceniz, ki sizin sevinmeniz taman olsun.

1 İoanın 1:4

Sizä bunnarı yazêrız, ki bizim sevinmemiz doluluktan olsun.

2 Korіnflіlerä 11:2

Zerä bän alifli sizin için Allahın alifliinnän, çünkü yavklu ettim sizi bir kocaylan, Hristozlan, ki çıkarabileyim sizi Onun önünä bir temiz kız gibi.

Luka 15:6

gelip evä, çaarêr dostlarını hem komuşularını da deer: „Sevinin benimnän, zerä buldum kayıp koyunumu“.

Matfey 25:1

Ozaman Gök Padişahlıı on kıza benzär olacek, angıları aldılar kandillerini da karşı etmää güveeyi çıktılar.

2 İoanın 1:12

Çok işlär için isteerim yazmaa sizä, ama istämeerim kiyatta çernilaylan yazılı olsun. Umutlanêrım geleyim sizä da lafedeyim üz-be-üz, ki doluluktan sevinmeliimiz olsun.

İoan 17:13

Ama şindi Bän Sana gelerim. Bunnarı söleerim taa dünnedä bulunurkan, ki Benim sevinmeliim onnarda tamannansın.

Matfey 22:2

«Gök Padişahlıı benzär bir padişaha, angısı yaptı düün kendi ooluna.

İoan 3:30

O lääzım büüsün, ama bän küçüleyim».

İoan 15:11

Söledim bunnarı, ki Benim sevinmeliim sizdä kalsın da sizin sevinmeniz taman olsun.