İoan 16:27 - Enі Baalantı

²⁷ Boba Kendisi sizi sever, zerä siz sevdiniz Beni da inandınız, ani Allahtan çıkıp, geldim.

Ени Бааланты

²⁷ Боба Кендиси сизи север, зерӓ сиз севдиниз Бени да инандыныз, ани Аллахтан чыкып, гелдим.

İoan 16:27 Referans Kwoze

İoan 14:21

Kim kableder Benim sımarlamaklarımı hem tamannêêr, o Beni sever. Kim sever Beni, sevilmiş olacek Benim Bobamdan. Bän dä onu sevecäm, da Kendim ona gösterilecäm».

İoan 14:23

Dooru cuvap etti İisus: «Kim sever Beni, o tamannêêr Benim sözümü. Bobam da onu sever, biz ona gelecez da barabar yaşayacez.

İoan 17:23

Bän onnarda, Sän dä Bendä, ki onnar taman birliktä olsunnar, da dünnä tanısın, ani Sän Beni yolladın hem sevdin onnarı, nicä dä Beni sevdin.

1 Petrіnіn 1:8

Makar ki Onu görmediniz, Onu seversiniz, şindi dä, görmeyeräk, ama Ona inanarak, sevinersiniz şannı bir sevinmeliklän, ani yok nasıl laflan annatmaa.

1 Korіnflіlerä 16:22

Eer birkimsey sevmärseydi Saabi İisus Hristozu, olsun betvalı. Marana fa!

İoan 8:42

İisus cuvap etti onnara: «Olaydı Allah sizin Bobanız, ozaman seveceydiniz Beni, zerä Bän Allahtan çıkıp geldim. Gelmedim Kendi başıma, ama O Beni yolladı.

1 İoanın 4:19

Biz severiz /Onu/, zerä O bizi öncä sevdi.

2 Korіnflіlerä 5:14

Zerä Hristozun sevgisi bizi dürtär, da biz düşüneriz, ani eer birisi hepsi için öldüseydi, ozaman hepsi öldü.

İoan 16:30

Şindi annêêrız, ani bilersin hepsini, da diil lääzım, ki sorsun Sana birkimsey bişey, onuştan inanêrız, ani Allahtan geldin».

Matfey 10:37

Kim sever bobasını hem anasını Bendän taa çok, o Bana yakışık diildir. Kim sever oolunu eki kızını Bendän taa çok, Bana yakışık diildir.

Apokalіpsіs 3:19

Bän azarlêêrım hem sıraya koyêrım hepsini, kimi severim. Ol çalışkan da dön Bana günahlarından.

Apokalіpsіs 3:9

Bak, Bän vererim onnarı, kim şeytanın topluşundan, onnarı, kim sayêr kendilerini iudey, ama diil dooru, yalan söleerlär, yapacam, gelsinnär da baş iiltsinnär senin ayaklarının önündä. Ozaman tanıyaceklar, ani Bän seni sevdim.

Efeslіlerä 6:24

İivergi olsun hepsinnän, kim sever Saabimizi İisus Hristozu ölümsüz sevgiylän. /Amin./

Çıfıtlara 12:6

Zerä Saabi, kimi sever, onu cezalayıp üüreder hem herbir oolu düüyer, kimi kableder».

1 Tіmofeyä 1:15

Aslıdır hem yaraşêr, ki herkezindän kabledilsin o söz, ani deer: «İisus Hristos geldi bu dünneyä, ki günahkerleri kurtarsın», angılarından bän en kötüsüyüm.

Galatіyalılara 4:4

Ama, açan vakıt tamannandı, Allah bizä Kendi Oolunu yolladı, Angısı duudu karıdan da yaşadı Zakonun zapında,

1 Korіnflіlerä 15:47

İlk insan erdän, topraktan oldu. İkinci insan – /Saabi/ göktän.

Romalılara 8:3

Ne Zakon yapamadı, çünkü tennän yufkalandı, Allah yaptı. O yolladı Kendi Oolunu, benzär günahker insana, kurban olsun günah için, da daava etti günahı, ani var insan tenindä,

İoan 7:29

Bän tanıyêrım Onu, zerä geldim Ondan. O Beni yolladı».

İoan 3:13

Kimsey gökä kalkmadı, Ondan kaarä, Kim göktän indi. Budur Adam Oolu, /ani göktä/.

İoan 2:11

İisus yaptı bu ilk nışanı Galileyanın Kana küüyündä. Bununnan açtı Kendi metinniini, da üürenicileri inandılar Ona.