Galatіyalılara 2:20 - Enі Baalantı

²⁰ Bän stavroza gerilmiş oldum Hristozlan barabar. Şindän sora bän yaşamêêrım, ama Hristos bendä yaşêêr. Bu yaşamak, ani şindi yaşêêrım güüdeylän, yaşêêrım inannan Allahın Ooluna, Angısı beni sevdi da Kendisini benim için verdi.

Ени Бааланты

²⁰ Бӓн ставроза герилмиш олдум Христозлан барабар. Шиндӓн сора бӓн йашамээрым, ама Христос бендӓ йашээр. Бу йашамак, ани шинди йашээрым гӱӱдейлӓн, йашээрым инаннан Аллахын Оолуна, Ангысы бени севди да Кендисини беним ичин верди.

Galatіyalılara 2:20 Referans Kwoze

Galatіyalılara 5:24

Ama kim Hristozun, onnar stavroza gerdilär teni onun hamellerinnän hem istemeklerinnän.

2 Korіnflіlerä 5:15

Hristos hepsi için öldü, ki yaşayannar artık yaşamasınnar kendileri için, ama Onun için, Kim onnar için öldü hem dirildi.

Romalılara 6:8

Eer Hristozlan bilä öldüseydik, ozaman inanêrız, ani Onunnan bilä dä yaşayacez.

Galatіyalılara 6:14

Bana kalsa, bir sıra bilä düşmeer, ki üüneyim başka bişeylän, salt nekadar bizim Saabi İisus Hristozun stavrozunnan, neylän bu dünnä benim için stavroza gerili, bän dä bu dünnä için geriliyim.

2 Korіnflіlerä 13:5

Kendinizi deneyin da bakın, bulunêrsınız mı inanda? Kendinizi aaraştırın. Osa tanımêêrsınız mı, ani İisus Hristos sizdä? Başka türlü siz denemektän geçmemişiniz.

Romalılara 6:13

Sizin güüdenizin eklerini günah zaplıına vermeyin, ki kullanasınız onnarı kötülük için. Allahın elinä verilin, nicä onnar, kim ölüdän dirildi. Güüdenizin eklerini Allaha verin, ki kullanasınız onnarı dooruluk için.

1 Salonіklіlerä 5:10

Angısı öldü bizim için, ki biz uyanıkız mı, uyuyêrız mı, yaşayalım Onunnan bilä.

Tіta 2:14

O verdi Kendini bizim için kurban olsun, ki kurtarsın bizi hertürlü zakonsuzluktan da, paklayıp, bir ayırı insan Kendinä yapsın, çalışkan ii işlär yapmaa.

Galatіyalılara 1:4

Angısı verdi Kendini bizim günahlar için, ki kurtarsın bizi büünkü kötü dünnedän, bizim Allah Bobanın istediinä görä.

İoan 17:21

Dua ederim, ki hepsi olsunnar birliktä, nicä Sän, Boba, Bendä, Bän dä Sendä, onnar da olsunnar Bizdä, ki dünnä inanabilsin, ani Sän Beni yolladın.

Romalılara 8:37

Hep okadar hepsini bunnarı heptän enseeriz Onun kuvedinnän, Kim bizi sevdi.

1 İoanın 5:20

Da bileriz, ani Allahın Oolu geldi, ki akıl bizä versin, tanıyalım Hakına Olanı. Biz bulunêrız Hakına Olanda, Onun Oolunda, İisus Hristozda. Budur – hakına Allah hem diveç yaşamak.

Efeslіlerä 5:2

Sevgiliktä yaşayın, nicä Hristos bizi sevdi da Kendini bizim için verdi Allaha gözäl kokulu bir baaşış hem kurban gibi.

Fіlіplіlerä 4:13

Hepsini becererim Hristozda, ani beni kaavileer.

Efeslіlerä 3:17

ki inannan Hristos sizin üreklerinizdä yaşasın.

Galatіyalılara 3:11

Tanınêr, ani kimsey Zakonnan dooru sayılamaz Allahın önündä, zerä var yazılı: «Kim inannan dooru sayılêr, o yaşayacek».

İoan 3:16

Zerä Allah ölä pek sevdi bu dünneyi, ani verdi biricik Oolunu, ki herkezi, kim inanacek Ona, kaybelmesin, ama diveç yaşasın.

1 İoanın 1:7

Eer aydınnıkta yaşarsaydık, nicä O Kendisi aydınnıkta, ozaman biri-birimizlän paydaşlıımız var, da Onun Oolunun, İisus Hristozun, kanı paklêêr bizi herbir günahtan.

Koloslulara 1:27

Allah istedi göstersin onnara, nekadar şannı hem zengindir milletlär arasında bu saklı kurulmuş. O – Hristostur, metinnik umudu, ani sizdä bulunêr.

Romalılara 5:2

ani bizä yol açtı, edenelim bu iivergiyi, angısınnan yaşêêrız hem üüneriz umutlan, pay alalım Allahın metinniindä.

Romalılara 1:17

Zerä İi Haberdä açılêr, nicä Allah insannarı dooru sayêr. Dooru sayılmak baştan bitkiyä kadar inannan olêr, nicä dä yazılı: «Dooru olan inannan yaşayacek».

2 Korіnflіlerä 13:3

Siz isteersiniz bişey, ani gösterer, ki Hristos benim aazımnan lafeder. O diil yufka sizä karşı, ama kaavi işleer sizdä.

Apokalіpsіs 1:5

hem İisus Hristozdan, Kim inanç şaat, ilk duuan, Kim ölülerdän dirildi hem erdeki padişahların öndercisi. O bizi sevdi, Kendi kanınnan bizi günahlarımızdan kurtardı,

1 Salonіklіlerä 1:10

da bekleyäsiniz göktän Onun Oolunu, Angısını O diriltti ölümdän, İisusu, Angısı kurtarêr bizi Allahın gelän üfkesindän.

İoan 10:11

Bän – ii güdücüyüm. İi güdücü verer yaşamasını koyunnarı için.

İoan 6:57

Nicä diri Boba yolladı Beni, da yaşêêrım Bobanın kuvedinnän, hep ölä Beni dä iyän yaşayacek Benim kuvedimnän.

Apokalіpsіs 3:20

Tä, durêrım kapuda da urêrım. Eer birkimsey işidärseydi Benim sesimi da açarsaydı kapuyu, girecäm da sofraya oturacam onunnan, o da Benimnän.

1 Petrіnіn 1:8

Makar ki Onu görmediniz, Onu seversiniz, şindi dä, görmeyeräk, ama Ona inanarak, sevinersiniz şannı bir sevinmeliklän, ani yok nasıl laflan annatmaa.

Matfey 20:28

Zerä Adam Oolu gelmedi, ki Ona izmet etsinnär, ama Kendi izmet etsin insana hem versin yaşamasını çoyun erinä, ki kurtarabilsin onnarı».

İoan 15:13

Yok kimseydä taa büük sevgi, nekadar o, açan birkimsey verer canını kendi dostları için.

Galatіyalılara 2:16

Hep okadar bileriz, ani insan dooru sayılmêêr Ayoz Zakonu tamannamaklan, ama inannan İisus Hristoza. Onuştan biz dä inandık Hristos İisusa, ki inannan Hristoza dooru sayılalım, ama diil Zakonu tamannamaklan. Zerä kimsey dooru sayılmayacek Zakonu tamannamaklan.

2 Korіnflіlerä 10:3

Zerä, makar ki biz tencä yaşêêrız, tencä düüşmeeriz.

İoan 6:69

Biz inandık da tanıdık, ani Sänsin Allahın Ayozu».

İoan 1:49

Nafanail deer Ona: «Üüredici, Sänsin Allahın Oolu, Sänsin İzrailin Padişahı!»

2 Korіnflіlerä 1:24

Diil, ani isteeriz çorbacı olalım sizin inanınıza, ama sizinnän işleeriz sevinmeniz için, çünkü siz inanda kaavi durêrsınız.

Yaptıklar 9:20

Saul hemen başladı haberlemää sinagogalarda, ani İisus – Allahın Oolu.

Efeslіlerä 5:25

Kocalar, sevin kendi karılarınızı, nicä Hristos da sevdi kliseyi da onun için kendini kurban verdi,

2 Korіnflіlerä 5:7

Zerä biz inannan yaşêêrız, ama diil görmäklän.

İoan 3:35

Boba sever Oolunu, onun için verdi hepsini Onun elinä.

1 İoanın 4:14

Biz gördük da şaatlık ederiz, ani Boba yolladı Oolunu, ki dünneyin Kurtarıcısı olsun.

Yaptıklar 8:36

Onnar, yolda gidärkän, etiştilär bir suya. Evnuh dedi: «Tä su; ne köstekleer beni, ki vaatiz olayım?» /

Matfey 4:3

Deneyici, Ona yaklaşıp, dedi: «Eer Sän Allahın Oolusaydın, sımarla bu taşlara, ekmek olsunnar».

Romalılara 3:22

Allah hepsini inancıları dooru sayêr inannarınnan İisus Hristoza. Çünkü ayırmak yoktur.

Romalılara 4:25

İisus bizim günahlarımız için ölümä verildi hem bizim dooru sayılmamız için dirildildi.

Romalılara 5:6

Zerä biz kuvetsizkän, Hristos uygun vakıtta allahsızlar için öldü.

Romalılara 5:8

Ama Allah bununnan bizä Kendi sevgiliini gösterdi, ani biz günahkerkän, Hristos bizim için öldü.

Romalılara 8:10

Eer Hristos sizdäysedi, güüdeniz ölü, çünkü günah yaptınız, ama duhunuz diri, çünkü dooru sayıldınız.

Romalılara 14:7

Kimsey bizdän yaşamêêr kendisi için, hem kimsey ölmeer kendisi için.

1 Korіnflіlerä 6:17

Ama kim birleşer Saabiylän, Onunnan bir duh olêr.

2 Korіnflіlerä 5:14

Zerä Hristozun sevgisi bizi dürtär, da biz düşüneriz, ani eer birisi hepsi için öldüseydi, ozaman hepsi öldü.

2 Korіnflіlerä 11:10

Nicä Hristozun aslılıı var bendä, hep ölä deerim, ani Ahaya dolayında hiç kimsey durgudamayacek beni bölä üünmektän.

Fіlіplіlerä 1:21

Zerä benim için yaşamak – Hristos, ölüm – kazanç.

Çıfıtlara 8:3

Herbir baş popaz sıralı, ki getirsin baaşış hem kurban. Onuştan lääzım oldu, ki bu Baş popaz da getirsin kurban.