Galatіyalılara 2:11 - Enі Baalantı

¹¹ Ama açan Kifa geldi Antiohiya kasabasına, bän üz-be-üz karşı durdum ona, zerä o kabaatlıydı.

Ени Бааланты

¹¹ Ама ачан Кифа гелди Антиохийа касабасына, бӓн ӱз-бе-ӱз каршы дурдум она, зерӓ о кабаатлыйды.

Galatіyalılara 2:11 Referans Kwoze

1 Tіmofeyä 5:20

Kim ileri dooru günah yapêr, onnarı takazala hepsinin önündä, ki kalanı da korksun.

Galatіyalılara 2:14

Açan gördüm, ani onnar dooru götürmeer kendilerini İi Haberin aslılıına görä, dedim Petriyä hepsinin önündä: «Makar ki iudeysin, sän yaşêêrsın yabancılar gibi, ama diil iudeylär gibi. Ozaman neçin yabancıları çalıştırêrsın iudey olsunnar?

2 Korіnflіlerä 5:16

Onuştan şindän sora biz tanımêêrız kimseyi salt insanın annamasına görä. Eer vakıtça tanıdıysak Hristozu salt insanın annamasına görä, şindi bölä tanımêêrız.

Yaptıklar 15:1

Kimisi, İudeyadan gelennär, üüredärdilär kardaşları, ani, eer kesiklik yapmarsaydılar Moiseyin sırasına görä, yok nasıl kurtulsunnar.

İudanın 1:3

Sevgili kardaşlar! Makar ki çok havezdim yazmaa sizä bizim cümlä kurtulmamız için, lääzım oldu yazayım bir nasaat çalışkan olasınız inan için, ani Allahın ayoz halkına verildi bir sıra herzamana.

İakovun 3:2

Zerä hepsimiz çok sıra yanılêrız. Kim laflan yanılmêêr, o taman adam, angısı var nicä tutsun çılbırda bütün güüdesini.

Galatіyalılara 2:9

Açan İakov, Kifa hem İoan, angılar direk sayılêrlar klisedä, annadılar, ani Allah bana baaşladı bu hayırlı işi, verdilär saa ellerini bana hem Varnavaya, ki iştä birliimiz olsun – biz gidelim yabancı milletlerä, ama onnar gitsinnär kesikli olannara.

Galatіyalılara 2:7

Buna karşı, onnar annadılar, ani İi Haber bana verildi kesiksiz olannar için, nicä dä Petriyä kesikli olannar için.

Galatіyalılara 2:5

Biz hiç onnara yol vermedik hem iilmedik, ki İi Haberin aslılıı sizdä kalsın.

2 Korіnflіlerä 12:11

Bän üüneräk etiştim akılsızlaa, siz beni buna zorladınız. Siz lääzımdı beni metedäsiniz, zerä bän bişeylän taa aşaa diilim o «üstün apostollardan», makar ki bişeycik diilim.

Matfey 16:23

Ama İisus döndü da dedi Petriyä: «Uzaklan Bendän, şeytan! Sän Bana bir kösteksin. Zerä senin neetlerin diil Allahtan, ama adamdan».

2 Korіnflіlerä 11:5

Ama bän sanêrım, ani bu «üstün apostollardan» bän taa aşaa diilim.

Yaptıklar 11:19

Onnar, ani daalıştıydılar koolamak vakıdında, Stefanın öldürülmesindän sora, gittilär erdän erä Finikiya, Kipru hem Antiohiyaya kadar, haberleyeräk Allahın sözünü salt iudeylerä.

İoan 1:42

Götürdü onu İisusa. İisus, açan gördü Simonu, dedi: «Sän – Simon, İoanın oolu. Senin adın olacek Kifa (annaması taş)».

Yaptıklar 11:20

Ama onnardan kimi adamnar vardı Kiprudan hem Kirinedän, angıları gittilär Antiohiya kasabasına da lafettilär urumnarlan, annadarak ii haberi Saabi İisus için.

Yaptıklar 11:22

Onnar için haber etişti İerusalim klisesinä. Oradan yolladılar Varnavayı Antiohiya kasabasına.

Yaptıklar 11:27

Bu vakıt İerusalimdän Antiohiyaya geldilär proroklar.

Yaptıklar 15:5

Ozaman kimisi inancılardan, fariseylerin bölümündän, kalktılar da dedilär: «Tayfännar, kim inandı, lääzım kabletsinnär kesiklik hem tutsunnar Moiseyin Zakonunu».

Galatіyalılara 1:18

Üç yıldan sora gittim İerusalimä, buluşayım Kifaylan deyni, da onda kaldım onbeş gün.