Efeslіlerä 4:12 - Enі Baalantı

¹² ki hazırlasınnar Allahın ayoz halkını izmetçilik yapmaa, Hristozun güüdesini yıvmaa,

Ени Бааланты

¹² ки хазырласыннар Аллахын айоз халкыны изметчилик йапмаа, Христозун гӱӱдесини йывмаа,

Efeslіlerä 4:12 Referans Kwoze

Efeslіlerä 4:16

Angısından bütün güüdä uygun birliktä toplu hem sıkı baalı hertürlü eklerin yardımınnan. Açan herbir ek düzgün işleer, güüdä büüyer hem sevgiliktä kaavileşer.

1 Korіnflіlerä 12:27

Siz Hristozun güüdesi, hem ayırı-ayırı bu güüdenin ekleriysiniz.

Romalılara 15:14

Kardaşlarım, bän kendim çok inanêrım, ani siz pek iilikçiysiniz, ii bilersiniz, ne yapmaa, hem da becerersiniz biri-birinizä nasaat vermää.

1 Korіnflіlerä 14:26

Ozaman ne yapalım, kardaşlar? Açan bireri toplanêrsınız, herkezinizdä var bir psalma, bir üüretmäk, bir açıklamak, başka dildä lafetmäk eki dilleri çevirmäk. Hepsi bunnar olsun klisenin kaavilenmesi için.

Romalılara 14:19

Ölä ki, bakalım yapmaa, ne getirer usluluk hem duhça kaavilendirir biri-birimizi.

1 Tіmofeyä 1:12

Şükür ederim İisus Hristoza, bizim Saabiyä, Angısı beni kaaviletti, zerä O saydı beni inanç da aldı izmetinä,

1 Korіnflіlerä 14:12

Hep ölä siz dä, çünkü çalışkansınız edenmää Duhun baaşışlarını, çalışın zeedelenmää baaşışlarlan, ani kliseyi kaavileer.

Çıfıtlara 13:17

Sesleyin sizin öndercileri da ön verin onnara, zerä onnar kahır güderlär sizin cannarınız için, nicä cuvapçılar. Bakın, ki bunu sevinmäklän yapsınnar, ama diil oflayarak, zerä bu diildir sizin faydanız için.

Çıfıtlara 6:1

Onuştan, brakıp Hristozun başlankı üüretmeklerini, tamannaa dooru ilerleyelim. Enidän temeli koymayalım: dönmäk ölü işlerdän, inanmak Allaha,

2 Korіnflіlerä 6:3

Biz bişey yapmêêrız, ani başkasına köstek olsun, zerä istämeeriz, ki izmetçiliimiz kötülensin.

2 Korіnflіlerä 5:18

Hepsi Allahtan, Kim İisus Hristozun aracılıınnan barıştırdı bizi Kendisinnän, verip bizä barıştırmak izmetçiliini.

Luka 22:32

ama Bän dua ettim senin için, yufkalanmasın senin inanın. Da sän, enidän dönüp Bana, kaavileyäsin kardaşlarını inanda».

2 Tіmofeyä 4:5

Ama sän herbir iş üzerä kuşku ol, zeetlerä dayan, İi Haberi nasaat et, izmetçiliini tamanna.

Koloslulara 4:17

Söleyin Arhipä bölä: «Bak da tamanna izmetçilii, ani kablettin Saabidän».

Koloslulara 1:28

Biz Hristozu haberleeriz, akıl vereräk herkezinä hem üürederäk herkezini hertürlü aarifliklän, ki çıkaralım Allahın önünä herkezini taman İisus Hristozda.

Koloslulara 1:24

Şindi, zeetleneräk sizin için, bän sevinerim. Çünkü kendi tenimdä tamannêêrım, ne Hristozun zeetlerindän kaldı çekilmedik Onun güüdesi için, angısı – klisä.

Efeslіlerä 1:23

angısı Onun güüdesidir hem angısı doldurêr Onu, Kim doldurêr hepsini herbir iş üzerä.

2 Korіnflіlerä 12:19

Sanêrsınız, ki biz bukadar vakıt dooruklêêrız kendimizi sizin önünüzdä? Lafederiz Allahın önündä, nicä onnar, kim inancı Hristoza. Sevgili kardaşlar, hepsi, ne yapêrız, sizin duhça kaavilenmeniz için.

2 Korіnflіlerä 7:1

Ölä ki, sevgili kardaşlar, çünkü bizdä var bölä adamaklar, paklanalım hertürlü ten hem duh mındarlıından da ayozlukta kusursuz olalım, korkarak Allahtan.

2 Korіnflіlerä 4:1

Onuştan, çünkü Allahın acıyannıınnan bizim bölä izmetçiliimiz var, biz umudu kaybetmeeriz.

2 Korіnflіlerä 3:8

Öleysä, nekadar taa çok metinnikli olacek izmetçilik, angısı Duhtan başlanılmış?

1 Korіnflіlerä 14:14

Zerä açan dua ederim başka dildä, benim duhum dua eder, ama fikirim fayda edenmeer.

Romalılara 15:29

Bilerim, ani, açan gelecäm sizä, gelecäm bütün iisözlemäklän Hristozdan.

Romalılara 15:2

Herbirimiz lääzım beendirsin kendini yakın olanına iilik için, ki duhça kaavilendirsin onu.

Romalılara 12:7

Kimdä var izmet baaşışı, izmet etsin. Üürediciseydi, üüretsin.

Yaptıklar 20:28

Esap alın kendi-kendinizä hem bütün sürüyä, kimin üstünä Allah koydu sizi güdücü, ki güdäsiniz Saabinin /hem Allahın/ klisesini, angısını kazandı Kendi kanınnan.

Yaptıklar 20:24

Ama bän bişeyä bakmêêrım, yaşamamı da paaya koymêêrım. İsteerim salt sevinmäklän yolumu hem izmetçiliimi başa çıkarayım, ani kablettim Saabi İisustan, da şaatlık edeyim İi Haberi Allahın iivergisi için.

Yaptıklar 11:23

Açan o, gelip orayı, gördü Allahın iivergisini, sevindi da üreklendirdi hepsini, karar alıp, verilsinnär Saabiyä.

Yaptıklar 9:31

Klisä usluluk içindeydi bütün İudeyada, Galileyada hem Samariyada, duhça kaavilenärdi, da, yaşayarak Saabidän korkuylan, Ayoz Duhun yardımınnan zeedelenärdi.

Yaptıklar 1:25

ki er alsın izmetçiliktä hem apostollukta, neyi braktı İuda, angısı kendi erinä gitti».

Yaptıklar 1:17

İuda bizim aramızdandı hem pay alardı hep bu izmetçiliktän.

2 Tіmofeyä 4:11

Salt bir Luka kaldı benimnän. Al Markı da getir seninnän, zerä o bana yardımcı olar izmettä.

Efeslіlerä 4:29

Bir dä bozuk laf sizin aazınızdan çıkmasın, ama salt ii laf, ani duhça kaavileer insannarı, nicä düşer, ki sesleyennerä iivergi versin.

Efeslіlerä 4:4

Bir güüdä var hem bir Duh, nicä siz çaarıldınız bir umuda, ani geler çaarılmanızdan,

2 Korіnflіlerä 13:9

Sevineriz, açan biz yufka, ama siz kaaviysiniz. Bunun için biz dua ederiz, ki siz taman olasınız.

1 Korіnflіlerä 12:7

Herkezä veriler baaşış, angısından Ayoz Duh açılêr, ki fayda getirsin.

Romalılara 12:5

hep ölä biz dä, çokluk olarak, hepsimiz bir güüdä olêrız Hristozda, ayırı-ayırı biri-birimizin ekleri olarak.

2 Korіnflіlerä 13:11

Bitkidä, kardaşlar, hoşça kalın. Olgun olun, nasaatımı sesleyin, bir neettä olun, uslulukta yaşayın. Ozaman Allah, sevgi hem usluluk sızıntısı, sizinnän olacek.