Çıfıtlara 12:15 - Enі Baalantı

¹⁵ Esap alın, ki birkimsey kaçırmasın Allahın hayırını. Bir zihirli kök, peydalanıp, sizä zarar yapmasın da ulaştırmasın çoyunu.

Ени Бааланты

¹⁵ Есап алын, ки биркимсей качырмасын Аллахын хайырыны. Бир зихирли кӧк, пейдаланып, сизӓ зарар йапмасын да улаштырмасын чойуну.

Çıfıtlara 12:15 Referans Kwoze

Çıfıtlara 3:12

Kardaşlar, bakın, olmasın sizdän birisindä fena hem inansız bir ürek, angısı atılêr diri Allahtan.

Galatіyalılara 5:4

Siz, ani isteersiniz dooru sayılmaa Zakonnan, Hristozdan ayırıldınız, Allahın iivergisindän yıraklandınız.

2 Korіnflіlerä 6:1

Biz, ani Allahlan bilä işleeriz, yalvarêrız: bakın, ki Allahın iivergisini boşuna kabletmeyäsiniz.

2 İoanın 1:8

Esap alın kendiniz, ki kaybetmeyäsiniz onu, neçin savaştınız, ama edenäsiniz bir bütün baaşış.

1 Korіnflіlerä 15:33

Aldanmayınız, «kötü kafadarlık bozêr ii karakteri».

2 Petrіnіn 3:14

Onuştan, sevgili kardaşlar, çünkü bunnarı bekleersiniz, çalışın Onun önündä lekesiz, kusursuz hem uslulukta olasınız.

Çıfıtlara 4:1

Allahın adaması taa uzanêr, ki giräbilelim Onun raatlıına. Onuştan, sakınalım, ki birkimsey sizdän birtürlü bu raatlaa etişmesin.

1 Korіnflіlerä 5:6

Üünmeniz diil ii. Bilmeersiniz mi, ani az maya bütün hamuru kabardêr?

Çıfıtlara 4:11

Onuştan çalışalım bu raatlaa girmää, da kimsey olmasın seslämeyici onnar gibi.

2 Korіnflіlerä 13:5

Kendinizi deneyin da bakın, bulunêrsınız mı inanda? Kendinizi aaraştırın. Osa tanımêêrsınız mı, ani İisus Hristos sizdä? Başka türlü siz denemektän geçmemişiniz.

1 Korіnflіlerä 10:12

Butakım, kim sanêr, ani ayakça durêr, baksın düşmesin.

Çıfıtlara 6:11

İsteeriz, ani herkeziniz bitkiyädän göstersin hep bu çalışmayı, ki bütün umudunuz olsun.

2 Petrіnіn 2:18

Onnar, boşuna üüneräk, lafederlär da aldadêrlar tencä hamellärlän hem ayıp işlärlän onnarı, kimnär diil çoktan kurtuldu yannış yolda gidennerdän.

Koloslulara 3:5

Onuştan öldürün, ne var sizdä erdän: orospuluu, diilpaklıı, düşkünnüü, kötü havezlii hem tamahlıı, ani hep ölä, nicä dä baş iiltmäk idollara.

Efeslіlerä 5:3

Ama orospuluk hem hertürlü diilpaklık eki tamahlık hiç anılmasın bilä sizin aranızda, çünkü bu yakışmaz Allahın ayoz halkına.

Galatіyalılara 2:13

Kalan iudeylär dä onunnan barabar ikiüzlülük yapmaa başladılar. Etişildi orayıdan, ani Varnava da onnarın ikiüzlülüünä katıldı.

1 Korіnflіlerä 13:8

Sevgi hiç durgunmar. Prorokluk sona gelecek, dillär susacek, bilgiçlik kaybelecek,

2 Petrіnіn 3:11

Çünkü hepsi bölä yok olacek, ozaman netürlü insannar düşer olasınız siz? Yaşamanız lääzım olsun ayoz hem Allaha verili,

2 Petrіnіn 1:10

Onuştan, kardaşlar, çalışın taa çok hem taa çok kaavilemää sizin çaarılmanızı hem seçilmenizi. Eer bunu yaparsaydınız, bir kerä bilä kösteklenmeyeceniz.

Luka 22:32

ama Bän dua ettim senin için, yufkalanmasın senin inanın. Da sän, enidän dönüp Bana, kaavileyäsin kardaşlarını inanda».

Tіta 1:15

«Pak olannar için hepsi pak, ama kirli olannara hem inansızlara bişey diil pak», – deerlär. Halizdän, onnarın hem akılları, hem üzleri kirli.