Apokalіpsіs 9:14 - Enі Baalantı

¹⁴ O ses, altıncı angilä, ani trubayı tutardı, dedi: «Salver dört angili, angıları baalı büük Evfrat deresindä».

Ени Бааланты

¹⁴ О сес, алтынӂы ангилӓ, ани трубайы тутарды, деди: «Салвер дӧрт ангили, ангылары баалы бӱӱк Евфрат дересиндӓ».

Apokalіpsіs 9:14 Referans Kwoze

Apokalіpsіs 16:12

Altıncı angil döktü çölmeeni büük derä Evfrat üstünä da onun suyu kurudu, ki yol hazırlansın günduusundan padişahlara.

Apokalіpsіs 9:15

Dört angil salverildi, angıları hazırlanmıştılar o saat, o gün, o ay hem o yıl için, ki öldürsünnär üçüncü payını insandan.

Apokalіpsіs 8:6

Edi angil, tutarak edi trubayı, hazırlandılar trubaları baartmaa.

Apokalіpsіs 7:1

Bundan sora gördüm dört angil, angıları durardılar erin dört tarafında da tutardılar erin dört lüzgerini, ki lüzgär esmesin ne er üstünä, ne deniz üstünä, ne dä bir aaç üstünä.

Apokalіpsіs 8:2

Gördüm edi angili, ani durardılar Allahın önündä. Onnara verildi edi truba.

Apokalіpsіs 7:2

Sora gördüm başka bir angil, kim kalktı günduusundan, angısında vardı diri Allahın mühürü. O baardı büük seslän dört angilä, angılarına izin veriliydi, kederlesinnär eri hem denizi, deyip: