2 Tіmofeyä 2:14 - Enі Baalantı

¹⁴ Bunnarı inancıların aklına getir, Allahın önündä haberleyeräk, çekişmesinnär laflar için, zerä bundan fayda olmaz, ama kayıplaa götürer onnarı, kim sesleer.

Ени Бааланты

¹⁴ Буннары инанӂыларын аклына гетир, Аллахын ӧнӱндӓ хаберлейерӓк, чекишмесиннӓр лафлар ичин, зерӓ бундан файда олмаз, ама кайыплаа гӧтӱрер оннары, ким сеслеер.

2 Tіmofeyä 2:14 Referans Kwoze

2 Tіmofeyä 2:23

Ahmakçasına hem annamaksız yarışmaklardan sakın, bileräk, ani onnardan debreşer kavga.

2 Tіmofeyä 4:1

Eminneerim seni Allahın hem Saabi İisus Hristozun önündä, Angısı daava kesecek dirilerä hem ölülerä, zerä O, gelip, padişahlık edecek.

Romalılara 14:1

İi kabledin onnarı, kim inanda zayıf, ama sanmaklar beterinä çekişmeyin.

Çıfıtlara 13:9

Hertürlü fasıl üürenmeklerin ardına takılmayın, zerä iidir üreenizi kaavileyäsiniz Allahın hayırınnan, diil ayırı imeklärlän, ani kimseyä fayda olmadı, kim onnara verildi.

1 Tіmofeyä 5:21

Allahın, İisus Hristozun hem seçilmiş angillerin önündä seni eminneerim, ki pay tutmayarak hem kimseyin üzünä bakmayarak bu sımarlamakları tamannayasın.

Yaptıklar 15:24

Biz işittik, ani kimi insannar, kim bizim aramızdan çıktı, ama bizdän yollanmadılar, sizi raatsız ederlär ölä laflarlan da dolaştırêrlar sizi, /üürederäk sizi kesiklik kabledäsiniz hem tutasınız Moiseyin zakonunu/.

2 Petrіnіn 1:13

Sanêrım, dooru olacek, ki nekadar vakıt bu erdeki güüdeylän olacam, sizi uyandırayım bunnarı aklınıza getirmäklän.

1 Tіmofeyä 6:13

Allahın, Ani hepsinä yaşamak verer, hem İisus Hristozun önündä, Angısı Pontiy Pilatın önündä şaatlık etti ii inan için, sımarlêêrım sana,

2 Salonіklіlerä 3:6

İisus Hristozun adınnan sımarlêêrız sizä, kardaşlar, yıraklanasınız herbir kardaştan, ani haylazlıkta yaşêêr, diil o üüretmeklerä görä, ani bizdän kablettiniz.

2 Tіmofeyä 2:16

Ama uzaklan boşuna laflardan, ani yaraşmêêr ayozlaa, zerä bölä lafedennär taa çok zeedeleyeceklär saygısızlıı Allaha karşı.

1 Tіmofeyä 4:8

Zerä güüdeyi sınaştırmaa az faydalı, ama gitmäk Allahın yolunda her taraftan faydalı, çünkü onda adanmak var şindiki ömür için hem gelecek ömür için.

Efeslіlerä 4:17

Onuştan tä ne söleerim hem yalvarêrım Saabinin adınnan: artık yaşamayın, nicä tayfännar yaşêêrlar, kendi boş düşünmeklerinä görä.

Galatіyalılara 1:7

Diil, ani var başka ii haber, ama var kimi insannar, ani sizi dolaştırêrlar da isteerlär Hristozun İi Haberini bozsunnar.

Yaptıklar 13:10

«Adam, dolu hertürlü şalvirliklän hem kötülüklän, diavolun oolu, duşman herbir doorulaa! Durgunmayacan mı sän yalan sölemää Allahın düz yolu için?

Matfey 16:26

Ne fayda olacek adama, kazansın bütün dünneyi, ama kendi yaşamasını kaybetsin? Neyä var nasıl adam diiştirsin kendi yaşamasını?

2 Tіmofeyä 1:6

Onuştan aklına getirerim, aliflendiräsin Allahın baaşışını, ani edendin ellerimi koymamdan senin üstünä.

1 Tіmofeyä 1:6

Kimisi saptı bunnardan da boşuna laflara dakındılar.

1 Tіmofeyä 1:4

da verilmesinnär masallara hem senselä laflarına, angısının yok bitkisi. Bunnar taa çok çekiş debeştirer, nekadar Allahın sırasını düzer, ani inandan geler.

1 Salonіklіlerä 4:1

Bitkidä, kardaşlar, isteeriz hem yalvarêrız sizä İisus Hristozun adınnan, nicä kablettiniz bizdän, taşıyın hem beendirin kendinizi Allaha, nicä düşer, nicä dä yapêrsınız, bunda taa ilerleyiniz.

Tіta 3:1

İnancılara aklına getir, kullanıcılara hem zaabitlerä ön versinnär, onnarı seslesinnär da herbir ii işä hazır olsunnar.