2 Korіnflіlerä 7:7 - Enі Baalantı

⁷ diil sade onun gelmesinnän, ama haberlän, ani o sizinnän iilendi. O söledi bizä, nekadar siz beni özlemişiniz, nekadar yaş dökmüşünüz, nekadar çalışmışınız benim için. Ölä ki, bän taa çok sevindim.

Ени Бааланты

⁷ диил саде онун гелмесиннӓн, ама хаберлӓн, ани о сизиннӓн ииленди. О сӧледи бизӓ, некадар сиз бени ӧзлемишиниз, некадар йаш дӧкмӱшӱнӱз, некадар чалышмышыныз беним ичин. Ӧлӓ ки, бӓн таа чок севиндим.

2 Korіnflіlerä 7:7 Referans Kwoze

İudanın 1:3

Sevgili kardaşlar! Makar ki çok havezdim yazmaa sizä bizim cümlä kurtulmamız için, lääzım oldu yazayım bir nasaat çalışkan olasınız inan için, ani Allahın ayoz halkına verildi bir sıra herzamana.

2 Korіnflіlerä 5:2

Şindi biz oflêêrız, çok isteyeräk, giinelim gökteki evimizä.

2 İoanın 1:4

Bän pek sevindim, ani buldum kimisini senin uşaklarından aslılık yolunda gezeräk, nicä Bobadan sımarlamak kablettik.

İakovun 5:17

İliya bizim gibi bir adamdı. O maasuz, yaamur yaamasın, dua etti, da yaamur yaamadı er üstünä üç yıl hem altı ay.

Çıfıtlara 2:1

Onuştan lääzım taa çok esap alalım sözleri, ne işideriz, ki bunnardan birtürlü sürüklenip, yıraklanmayalım.

1 Salonіklіlerä 3:8

Zerä biz sefa yaşêêrız, açan siz Saabidä kaavi durêrsınız.

1 Salonіklіlerä 3:6

Ama şindi, açan sizdän geldi Timofey da getirdi bizä ii haber sizin inanınız için hem sevginiz için, hem ani siz bizi herzaman ii laflan anêrsınız da isteersiniz görmää bizi, nicä dä biz sizi,

Koloslulara 2:5

Zerä, makar ki güüdeycesinä bulunmêêrım aranızda, duhça sizinnänim. Görüp nekadar tertipliysiniz hem nekadar kaavi inanêrsınız İisus Hristoza, bän çok sevinerim.

Fіlіplіlerä 1:20

Havezlän bekleerim hem umutlanêrım, ani hiç utanmış olmayacam, ama kıyışmaklan lafedecäm, da nicä herzaman, ölä şindi dä, yaşarsam da, ölürsäm dä, Hristos benim güüdämnän metinnenecek.

2 Korіnflіlerä 8:16

Şükür Allaha, ani Titın üreenä koydu benimnän bir çalışkannık sizin için.

2 Korіnflіlerä 2:9

Bunun için yazdım, ki deneyim sizi da göreyim, aslı mı, ani beni herzaman sesleersiniz?

2 Korіnflіlerä 1:14

nicä dä biraz annêêrsınız, ani bizim Saabi İisusun günündä siz bizimnän üünäbilirsiniz, nicä dä biz sizinnän.

Romalılara 1:12

doorusu, ki bän aranızdaykan, havezlenelim biri-birimizin inanınnan – sizin inanızlan bän, benim inanımnan da siz.

Yaptıklar 11:23

Açan o, gelip orayı, gördü Allahın iivergisini, sevindi da üreklendirdi hepsini, karar alıp, verilsinnär Saabiyä.

Luka 22:44

Bulunup büük zeetlerdä, İisus başladı taa haşlak dua etmää. Onun teri annısından damnardı erä büük kan damnaları gibi.

Matfey 26:75

Petrinin aklına geldi, ne sölediydi İisus: «Horoz ötüncä, sän üç sıra Bendän atılacan». Petri çıktı dışarı da acı aaladı.

Matfey 5:4

Mutlu aalayannara, zerä onnar iilendirilecek!

1 Korіnflіlerä 5:2

Siz dä bununnan şişkinnenersiniz! Taa ii olaceydı, ki aalayasınız. O, kim bu işi yaptı, düşer uuradılsın aranızdan, ölä diil mi?

2 Korіnflіlerä 1:4

Angısı iilendirer bizi herbir zeetlerdä, ki biz dä iilendiräbilelim onnarı, kim bulunêr hertürlü zeetlerdä hep ölä, nicä Allah bizi kendimizi iilendirer.

2 Korіnflіlerä 7:6

Ama Allah, Ani iilendirer münüz olannarı, bizi dä iilendirdi Titın gelmesinnän,

2 Korіnflіlerä 7:8

Eer bän gücendirdiysäm sizi benim kiyadımnan, pişman olmêêrım, makar ki öncä pişman oldum, zerä görerim, ki o kiyadım gücendirmiş sizi az vakıda.