1 Tіmofeyä 6:16 - Enі Baalantı

¹⁶ Salt Ondadır ölümsüzlük, Angısı yaşêêr bir yaklaşmaz şafk içindä, kimi hiç kimsey görmedi hem yok nasıl da görsün. Ona ikram hem zaabitlik divecinä! Amin.

Ени Бааланты

¹⁶ Салт Ондадыр ӧлӱмсӱзлӱк, Ангысы йашээр бир йаклашмаз шафк ичиндӓ, кими хич кимсей гӧрмеди хем йок насыл да гӧрсӱн. Она икрам хем заабитлик дивеӂинӓ! Амин.

1 Tіmofeyä 6:16 Referans Kwoze

1 Tіmofeyä 1:17

Diveç Padişaha – ölümsüz, görünmäz, biricik Allaha – diveçtän divecä ikram hem metinnik olsun. Amin.

İoan 1:18

Allahı bir sıra bilä kimsey görmedi. Biricik Ool, Allah, kim Bobanın kucaanda bulunêr, O Allahı açtı.

1 İoanın 1:5

Haber, ani Ondan işittik da sizä haberleeriz, budur: Allah – aydınnık, Onda yok karannık.

Koloslulara 1:15

Odur görünmeyän Allahın görünmesi, ilk duulmuş. O üstündür hepsi yaradılannardan.

İoan 6:46

Zerä kimsey Bobayı görmedi, Ondan kaarä, Kim Allahtan geldi. O Bobayı gördü.

Apokalіpsіs 22:5

Artık gecä olmayacek, hem şafk diil lääzım onnara, ne dä gün aydınnıı, zerä Saabi Allah aydınnadacek onnarı. Onnar diveçtän divecä padişahlık edeceklär.

Apokalіpsіs 4:11

«Sana, Saabi Allah, yaraşêr kabletmää metinnik, ikram hem kudret, zerä Sän yarattın hepsini, onnar, Senin istediinnän yaradılıp, var oldular».

Apokalіpsіs 1:6

yaptı bizi padişah hem popaz Allaha, Kendi Bobasına. Ona olsun metinnik hem zaabitlik diveçtän divecä!

İudanın 1:25

Salt biricik /aarif/ Allaha, Ani kurtardı bizi Saabimiz İisus Hristozun aracılıınnan, metinnik hem üüseklik, kuvet hem zaabitlik olsun her vakıttan öncä, şindi hem diveçtän divecä. Amin.

Efeslіlerä 3:21

Ona metinnik olsun klisedä hem İisus Hristozda bütün senselelerdä, diveçtän divecä! Amin.

Apokalіpsіs 7:12

«Amin! İi söz, metinnik, aariflik, şükür, ikram, kudret hem kuvet olsun bizim Allaha diveçtän divecä! Amin!»

Çıfıtlara 13:8

İisus Hristos dün, büün hem divecinä hep Odur.

Apokalіpsіs 21:3

Çorbacılık skemnesindän bir büük ses işittim, ani deyärdi: «Budur, Allahın çadırı insannar arasında! O yaşayacek onnarlan. Onnar Onun insanı olacek, hem Kendi Allah onnarın arasında onnarın Allahı olacek.

İoan 14:9

İisus dedi ona: «Bunca vakıt Bän sizinnänim, da sän, Filip, tanımêêrsın mı Beni? Kim gördü Beni, o gördü Bobayı. Nesoy deersin sän: „Göster bizä Bobayı“?

Apokalіpsіs 1:8

«Bänim Alfa hem Omega, /Baş hem Son/», – deer Saabi Allah, Kim var, Kim vardı hem Kim gelär, Çokkudretli.

İoan 8:58

İisus dedi onnara: «Dooru, dooru söleerim sizä, ani açan taa Avraam yoktu, Bän varım».

Fіlіplіlerä 4:20

Allah Bobamıza olsun metinnik diveçtän divecä! Amin.

İakovun 1:17

Her ii vergi hem her taman baaşış yukardan geler, Bobadan, Ani yarattı gökteki şafkları, da Angısında yok diişilmäk ne dä döneklik gölgesi.

1 İoanın 1:7

Eer aydınnıkta yaşarsaydık, nicä O Kendisi aydınnıkta, ozaman biri-birimizlän paydaşlıımız var, da Onun Oolunun, İisus Hristozun, kanı paklêêr bizi herbir günahtan.

1 İoanın 4:12

Allahı bir sıra bilä kimsey görmedi. Eer sevärseydik biri-birimizi, Allah bizdä kalêr, hem Onun sevgisi doluluktan bizdä olêr.