1 Tіmofeyä 5:17 - Enі Baalantı

¹⁷ Presviterlär, ani ii önderleerlär, lääzım iki katına hatırlansınnar, ayırıca onnar, kim işleer nasaat etmektä hem üüretmektä.

Ени Бааланты

¹⁷ Пресвитерлӓр, ани ии ӧндерлеерлӓр, лӓӓзым ики катына хатырлансыннар, айырыӂа оннар, ким ишлеер насаат етмектӓ хем ӱӱретмектӓ.

1 Tіmofeyä 5:17 Referans Kwoze

Çıfıtlara 13:17

Sesleyin sizin öndercileri da ön verin onnara, zerä onnar kahır güderlär sizin cannarınız için, nicä cuvapçılar. Bakın, ki bunu sevinmäklän yapsınnar, ama diil oflayarak, zerä bu diildir sizin faydanız için.

Galatіyalılara 6:6

Kim üürenmäk kableder Allahın sözündän, o düşer payetsin hepsi iiliklerini onunnan, kim onu üüreder.

Luka 10:7

O evdä kalın, iyin hem için, ne vereceklär. Zerä işçi kendi işi için baaşış kabletsin düşer. Evdän evä gezmeyin.

Çıfıtlara 13:7

Aklınıza getirin sizin öndercileri, angıları nasaat ettilär sizä Allahın sözünü. Bakarak onnarın yaşamakların sonuna, onnar gibi inancı olun.

2 Tіmofeyä 2:6

Çiftçi, kim çalışıp-işleer, lääzım alsın ilk payı berekettän.

Fіlіplіlerä 2:29

Kabledin onu Saabidä bütün sevinmeliklän da butürlü insannarı hatırlayın.

Romalılara 12:8

Becerärseydi girginnetmää, girginnetsin. Becerärseydi payetmää, cömertliklän payetsin, ne var onda. Önderciseydi, çalışkan olsun. Kim başkalarına yardım eder, bunu yapsın sevinçlän.

Yaptıklar 28:10

Açan oradan yollanardık gemiylän, bizä yaptılar büük ikram, verdilär hepsini, ne lääzım yola.

2 Korіnflіlerä 6:1

Biz, ani Allahlan bilä işleeriz, yalvarêrız: bakın, ki Allahın iivergisini boşuna kabletmeyäsiniz.

Romalılara 16:12

Seläm Trifenaya hem Trifosaya, angıları çalışêrlar Saabinin izmetçiliindä. Seläm Persidaya, sevgili kızkardaşa, angısı çok çalıştı Saabinin izmetçiliindä.

Romalılara 15:27

Elbetki kayıl olaceklar, çünkü onnar borçlu yardım etsinnär. Zerä başka milletlär iudeylerin duhça iiliklerindän pay aldılar, onun için onnar da borçlu yardım etsinnär güüdeycesinä.

Fіlіplіlerä 4:3

Sän dä, Sizig, hakına kafadarım, yardım et bu karılara, ani savaştılar İi Haberi nasaat etmää benimnän, Klementlän hem kalannarlan, ani benimnän işleerlär, angıların adları yazılı yaşamak kiyadında.

1 Korіnflіlerä 16:16

butürlü insannarı sesleyin hem hepsini, kim onnarlan işleer hem çalışêr.

Yaptıklar 11:30

Ölä da yaptılar. Varnavanın hem Saulun elinnän yolladılar bir yardım presviterlerä.

2 Tіmofeyä 4:2

Allahın sözünü haberlä, herzaman çalış bu iştä, ii vakıtta hem zor vakıtta. İnandır, takazala, üreklendir, üürederäk bütün saburluklan.

1 Tіmofeyä 4:16

Esap al kendini hem üüretmeni da herzaman bu üzerä çalış. Bölä yaparak, hem kendini kurtaracan, hem onnarı, kim seni sesleer.

1 Tіmofeyä 3:5

Zerä kim kendi evini kullanmaa becermeer, nesoy var nasıl güdäbilsin Allahın klisesini?

Fіlіplіlerä 2:16

Ölä ki olacek neylän üüneyim Hristozun günündä, ani boşuna çalışmadım hem boşuna işlämedim.

Matfey 24:25

Tä, Bän vakıtça sizä haberledim.

Çıfıtlara 13:24

Selämneyin sizin öndercileri hem Allahın bütün ayoz halkını. İtaliyadan olannar seläm yollêêrlar sizä.

1 Tіmofeyä 4:10

Onuştan biz savaşıp-çalışêrız, zerä diri Allaha umutlanêrız, Angısı Kurtarıcıdır hepsi insannara, ama en çok inancılara.

1 Korіnflіlerä 15:10

Ama şindi neysäm, Allahın iivergisinnän öleyim. Onun iivergisi benim için naafilä olmadı. Bän işledim taa çok hepsi apostollardan – doorusu, diil bän, ama Allahın iivergisi, ani benimnän işleer.

Yaptıklar 20:35

Herbir üzerä sizä gösterdim, ani, butürlü işleyip, lääzım yardım edelim yufka olannara da unutmayalım Saabi İisusun sözlerini, zerä O Kendisi dedi: „Taa mutlu vermää, nekadar almaa“».

İoan 4:38

Bän yolladım sizi, biçäsiniz, neredä siz işlämediniz, ama başkası işledi, siz dä pay alêrsınız onnarın işlerindän».

Luka 12:42

Saabi cuvap etti: «Kimdir inanç hem aarif vekil, angısını çorbacısı koyacek cuvapçı kendi evindä hepsi çırakların üstünä, vakıdında imää versin onnara deyni?

1 Tіmofeyä 5:3

Hatır güt dul karılara, ani hakına kimseysiz.

1 Tіmofeyä 4:6

Eer bunnarı kardaşlara annadırsaydın, İisus Hristozun bir ii izmetkeri olacan, beslenmiş inan sözlerinnän hem ii üüretmäklän, ne izledin şindiyä kadar.

1 Korіnflіlerä 3:9

Zerä biz – Allahın işçileri, ama siz – Allahın tarlası, Allahın yapısı.

1 Tіmofeyä 4:14

Kasavetsiz olma duhça baaşışa, ani sendä, ne sana verildi prorokluk sözünnän, açan presviterlär el koydular üstünä.

1 Tіmofeyä 5:19

Kabaatlandırmak presviterä karşı kabletmä, olmayınca iki-üç şaat.