1 Tіmofeyä 1:7 - Enі Baalantı

⁷ İsteerlär Zakon üüredicileri olsunnar, ama annamêêrlar ne kendi laflarını, ne o işleri, nelär için kıyışmaklan lafederlär.

Ени Бааланты

⁷ Истеерлӓр Закон ӱӱредиӂилери олсуннар, ама аннамээрлар не кенди лафларыны, не о ишлери, нелӓр ичин кыйышмаклан лафедерлӓр.

1 Tіmofeyä 1:7 Referans Kwoze

Romalılara 1:22

Sayarak kendilerini aarif, akılsız oldular.

2 Petrіnіn 2:12

Ama onnar akılsız hayvannar gibi, tencä alışmaklarına görä yaşêêrlar. Duumuşlar, ki, tutulup, kesilmiş olsunnar. Kötüleerlär, ne kendileri annamêêr, onnar da, hayvannar gibi, yok olaceklar.

1 Tіmofeyä 6:4

O bir şişkindir da bişey bilmeer, ama düşkündür yarışmaa hem laf kavgalarına, neredän başlêêr haseetlik, çekiş, fena laflar hem kötü şüpelär,

Galatіyalılara 3:5

O, Kim dayma verer sizä Ayoz Duhu hem kudretli işlär yapêr aranızda, Zakonu tamannamanızlan mı yapêr osa inanınızlan mı haberä, ne işittiniz?

2 Tіmofeyä 3:7

ani dayma üürenerlär, ama hiç birzaman etişämeerlär tanısınnar aslılıı.

Galatіyalılara 3:2

Salt bunu isteerim sizdän bileyim: nasıl Ayoz Duhu kablettiniz? Zakonu tamannamaklan mi osa inannan mı haberä, ne işittiniz?

Galatіyalılara 4:21

Söleyin bana siz, kim Ayoz Zakonun zapında olmaa isteersiniz, ne, bilmeersiniz mi, ne deer Zakon?

Matfey 15:14

Brakın onnarı, onnar köörların köör güdücüleri. Açan bir köör güder başka kööru, onnar ikisi dä çukur içinä düşerlär».

Yaptıklar 15:1

Kimisi, İudeyadan gelennär, üüredärdilär kardaşları, ani, eer kesiklik yapmarsaydılar Moiseyin sırasına görä, yok nasıl kurtulsunnar.

Matfey 21:27

Onuştan cuvap ettilär İisusa: «Bilmeeriz». O da dedi onnara: «Bän dä sizä sölämeyecäm, ne zaabitliklän yapêrım bu işleri.

Luka 2:46

Üçüncü günü buldular Onu Ayoz bina içindä. O, üüredicilerin arasında oturup, seslärdi hem soruş koyardı.

İakovun 3:1

Kardaşlarım, çoyunuz üüredici olmayın, zerä bilersiniz, ani bizä bir taa keskin daava olacek.